EZEKEL 7:11 - OTSAO BAIBEL (BSI)

¹¹ Alünaloxle changkyae chichang-chizangkya mwot huanuma alaile. Hwom kux chemchu ota müntoxüi, hwom zaxzangpule ngokya tuina chemchu, chichangba hwom fuazang chemchu atale müntoxüi.

EZEKEL 7:11 ပူးပေါင်းရင်းမြစ်များ

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

EZEKEL 7:23

“Pangwüi khosam ma tüile: haxtok pangwüi mix lang mix mixe awangle tamchu tingnubu a alün-aloxkyae awangle tüile.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

MIKA 3:3

Hünzome ku khünaknu saxle awüt. Hünzome hwom khwon atsi, hwom zabu apak, ilaxle hwom müibu a tik ma sho ang tsople akhix.

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

AMOS 6:3

Thama apong angkya nyix nguingokya to hünzome changpule chitex, ikoxle mwot makhange ija hanpak chwonle ahüi ngopu.

AMOS 3:10

Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.

EZEKEL 7:16

Haxsha tokya osubu abütle paokya ningle züizüi a haxhua to paole azangüi. Hwom pangwüi hwom ochaxbu khoma mongmaxle changüi.

EZEKEL 7:2

“Ziün angkya khünak, ija a Jowanpa Khüthak Zang kue Israel nok füi wünle ngokya kax changle: Chaxwan pangnu hanpakma ija a oshuk changle!

EZEKEL 6:11

Jowanpa Khüthak Zang-e akaxle: “Hünzom chak akhaokox! Hünzome chithom thongkox! Israel noke mokle hüidaokya chichangchizang mwot hia zakkop mwot, ibu hanpakma mongmale sopkox. Hwom a chax-zan ma chichangba woknuak ma chichangba kaklak ma mik max angkya changle.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

EZEKEL 5:4

Ilaxle ikha angkya hidaole süile tüilax, ibu a wünkha to awütlax, ilaxle ibu shun ang laxkox. Ibu makhange wün a Israel haxtok pangkha towüi tsale paoüi.”

JEREMIA 25:33

Ija nyix Jowanpae mik-amütkya khünak mangbu chaxwan tok tüchi tua makhange atachi tua alople chiaküi. Owachu hwom mang münsop, ilaxle hwom a pao üntoxle akhünle münchang. Ibu a haxzao thokle athünkya ningle haxkha ma athünüi.

JEREMIA 22:18

Ifüima, Jowanpae Josiah sasün Jehoiakim, Judah nok wanghom bama akaxle thüi: “Chix zikya bama owachu münsop chichangba, ‘Khompua zadün, zuikhui, khompua zadün!’ le thüiüi. Chix hanpakma owachu mong münma chichangba, ‘Ku Jowanpa! Ku chongwangpa!’

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

ISAIA 14:29

Filistia angkya khünaknu, hünzom to fitkya jantom a pakdaoa, ikoxlechu hünzom ang mongmüi angkya olom müntüi. Chemtue pu tuita zile paopuix, ija man ma ifüi sümakya tuita nguiüi. Pu-ti makhange pikya dragon hosa jole.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

MÜNCHUAK-TSAI 78:64

Changnong-pünthomle changkya khoma zompu-zangpabu mik max angkya atak, ilaxle hwome toxkya zomnubu a mangsop ang ngaxchu chitom.

MÜNCHUAK-TSAI 73:8

Hwome mix chanyi ilaxle ochax baozangbu mowün; hwom ongambu ilaxle mix to afangle thom ang tunglanle ngo.

MÜNCHUAK-TSAI 125:3

Otsao khünakbu haxtok to chichang-chizangkya khünakbue othuithuima apünle münngo; hwome ile apünle jangthomba, otsao khünakbu chuwüi chichangchizangle paoüi.

EZEKEL 8:17

Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.