EZEKEL 6:8 - OTSAO BAIBEL (BSI)

⁸ “Kue züizüi changlo fang ma lamse azangle pao ang tomüi ilaxle hwom a pangnu khato chiakle sam ang tomüi.

EZEKEL 6:8 ပူးပေါင်းရင်းမြစ်များ

EZEKEL 14:22

Owawa ozün ma tüi ilaxle hwom su-sabu sünle thomkya jangtüi, hwom nang hato nguikya zuma hwom to hule koplax. Hulax hwom chemtukuxkya ochaxbu hex ang, ilaxle kue Jerusalem hato ahüile ngokya zothup a asunpule pongle laxlax;

EZEKEL 12:16

Kue hwomkha angkya züizüi a zan chak tokya, tuinuak chak tokya, tamchu kaklakbu chak tokya azangle chang ang tomüi, ikoxle tix hwom mwot chemtukuxkya zangkop mwotbu changdaopuixle ikha mixnok chaxwan to awanle lax ang tomüi ilaxle ku a Jowanpa changpule awanle laxüi.”

JEREMIA 44:28

Ikoxlechu hünzom kha angkya züizüi chizile azang paoüi ilaxle Ijip tokya Judah to chat ang kopüi. Ifüima chizile azangkyabue ku kax changle ngaipia hia hwom kax changle ngaipuix, ija awan ang kopüi.

JEREMIA 44:14

Ota toxkya Judah khünak opang Ijip nok ngo ang kapuix, hwom tuita chu paole azang ang chichangba ozün ma ngo ang müntom. Hwom ikhama ngosele tüle sungle changkoxchu hwom opupuchu Judah to chatle münchat. Pünpao tuita hia anyi boma owachu chatle münngui”

ISAIA 6:13

Bün kha angkya khünak tuita ngaxchu ngole jangchang, chix ngaxchu max ang tomüi; chix a zakpünnu tongtho ningle achangüi.” (Püntongtho a Zang khünakbu chatle owang wangkya münwan)

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

EZEKEL 7:16

Haxsha tokya osubu abütle paokya ningle züizüi a haxhua to paole azangüi. Hwom pangwüi hwom ochaxbu khoma mongmaxle changüi.

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

EZEKEL 5:2

Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

JEREMIA 46:28

Hünzom hato ku nguiüi ilaxle hünzom khosünüi. Chaxwannu nok pangwüi kue amütüi kue hünzom chiakle asam thomkya nok to a, ikoxlechu kue hünzom münamüt. Kue hünzom to sik chiangünle müntox; ikoxle chemtue kue hünzom to sikangünüihex, kue olom ma moküi. Ku, Jowanpae ija akaxdaoa.”

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

EZEKEL 5:10

Ija khokho ma, Jerusalem ma tüikya nu-pa hwome ma su-sa hwom saxüi, ilaxle naosom hwome manu mapa hwom saxle changüi. Kue hünzom to sikangünüi ilaxle atale toxkya ozün ma tüikya pangwüi ma lomkuakua to afanle pao ang tomüi.

EZEKEL 6:7

Khünakbu a pangkhato wüi langüi, ilaxle opang ozün ma toxlaxpuix hwome ku a Jowanpa wüi changpule ngaiüi.

NEHEMIA 1:8

‘Hünzom Israel khünaknu ku to mongong shingmongle chitüi thüiningle, kue hünzom a chaxwan tok to chiakle asamüi’, le nange Mosa füi akaxkya kax athax texle atak-hüi.

ZEFANIA 3:12

Kue ikhama somdangkya hia hixkya ang achang tsuakkya khünak opang ku hato fong angkya lomle nguipuix, ibu thomüi.