EZEKEL 5:2 - OTSAO BAIBEL (BSI)

² Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

EZEKEL 5:2 ပူးပေါင်းရင်းမြစ်များ

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

EZEKEL 12:14

Chix khwa ma mokle ngokya okax-okhobu hia adangpabu tamchu chix nyetmixbu pangwüi kue machiak masaisai to afale pao ang tomüi, ilaxle hwom mik amüt ang lomle ngokya khünakbue hwom langüi.

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

JEREMIA 13:24

Sak-hax zangwin to jeple paopu tsaxsa lailaile Jowanpae hünzom a chaxwan tok to chiak angkya changle.

JEREMIA 39:1

Judah ma wanghompa ang Zedekiah ngokya zanglao aku lyetbün lükya to, Babilon nok wanghompa Nebukadnezar chix süpahibu komkaile koplaxle nguile Jerusalem to sing.

JEREMIA 39:2

Zedekiah wanghom ang ngokya zanglao bün-büta lyetjang ali ma nyix aku lükya to tingnu pan a komkaile atsunle hüi. (

EZEKEL 5:3

Kho hidaole tüilax ilaxle ibu a nang nyitua ma akungle khalax.

EZEKEL 5:10

Ija khokho ma, Jerusalem ma tüikya nu-pa hwome ma su-sa hwom saxüi, ilaxle naosom hwome manu mapa hwom saxle changüi. Kue hünzom to sikangünüi ilaxle atale toxkya ozün ma tüikya pangwüi ma lomkuakua to afanle pao ang tomüi.

EZEKEL 17:21

Chix süpahi müikyabu zanhok ma langüi, ilaxle ozün ma dantoxkyabu a pangnu chito afale pao ang tomüi. Ifüima Jowanpa Khüthak Zang-e kue akaxkya kax ija nange tsingle laxüi.”

ZEKARIA 13:8

ilaxle chaxwan tok angkya khünaknu othom azom kha angkya othom anyi a zile paoüi.

JEREMIA 9:15

Ikhoma, ku, Jowanpa Israel nok Khüthak Zang-e chemle moküihex apalax: Kue ku khünakbu a khaxkya pün sax ang koxüi ilaxle zik-hing ti ling ang tomüi.

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”