EZEKEL 5:12 - OTSAO BAIBEL (BSI)

¹² Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

EZEKEL 5:12 ပူးပေါင်းရင်းမြစ်များ

EZEKEL 5:2

Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

EZEKEL 12:14

Chix khwa ma mokle ngokya okax-okhobu hia adangpabu tamchu chix nyetmixbu pangwüi kue machiak masaisai to afale pao ang tomüi, ilaxle hwom mik amüt ang lomle ngokya khünakbue hwom langüi.

JEREMIA 21:9

Tingnu ma angongo pangwüi zan ma chichangba woknuak ma chichangba kaklak ma zi ang tomüi. Ikoxle ikha angkya laile paolaxle, tingnu to single ngokya Babilon nok tuntho to chak ajongle changkyabu, hwom a lang ang müntom; hwom a ma khangkho azangle pao ang danüi.

EZEKEL 5:10

Ija khokho ma, Jerusalem ma tüikya nu-pa hwome ma su-sa hwom saxüi, ilaxle naosom hwome manu mapa hwom saxle changüi. Kue hünzom to sikangünüi ilaxle atale toxkya ozün ma tüikya pangwüi ma lomkuakua to afanle pao ang tomüi.

JEREMIA 44:27

Ija bama hünzom ahak-aluale chichang angkya ikoxle thama ma maxle max angkya to kue huüi. Ochax-ozan ma chichangba okak-olak ma, hünzom opupuchu ota chitoxle, pangwüi zi angkya changle.

ZEKARIA 7:14

Zangchei ningle kue hwom mixnok chaxwan to ngo ang jeple pao. Ipong müikya haxtok ija a, ngo angkya mix owachu chitüile awütle tox.”

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”

EZEKEL 6:8

“Kue züizüi changlo fang ma lamse azangle pao ang tomüi ilaxle hwom a pangnu khato chiakle sam ang tomüi.

EZEKEL 5:17

Kue hünzom naosombu lang ang woknuak hia faomüibu hüi ang tomüi, ilaxle hünzom lang ang a okak-olak, tuma-wanshix hia ochax-ozan, ibu ahüiüi. Ija a Jowanpa kue akaxdaoa.”

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”

TSAITONG-KAXTONG 28:65

Tüta khatochu hünzome mongsom münatak, mating mahaxle thüi angkya ojongkha chu chitüile changüi; Jowanpae hünzom a sung-zaokya, mongmaxkya hia jepakya, ibue alumle chang ang tomüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

MIKNGÜN-OHÜN 6:8

Kue hukoxle huishokya man tuita tüikya. Ija mankho ma ngakya mix ang Omang le amün, üntoxle haolum a chix füito azui. Achax-azankya, otui-onuak, okak-olak üntoxle müima nyaxshix, ibu füi lang ang tomle, chaxwannu othom ali ma ahankya thom tuita thakma apün-ada angkya zong kox.

JEREMIA 13:24

Sak-hax zangwin to jeple paopu tsaxsa lailaile Jowanpae hünzom a chaxwan tok to chiak angkya changle.

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

EZEKEL 14:19

“Kue ija haxtok hato okak-olak ahüile jangchang ilaxle ku mongtsiktsik ma khünaknu hia müibu mik amütle khüzün huanuma laxle jangchang,

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

EZEKEL 36:19

Hwom ngole hüikya hia mokle hüikya chitsaokya lomtang khoma kue hwom ajaopu, ilaxle hwom a mixnok chaxwan pangkha to chiakle sam ang tompu.

AMOS 9:9

“Kue kaxtom koxüi ilaxle Israel nok a won-khua angkya sax chanpupu le chan ang tomüi. Kue hwom a chaxwannu onok khato chanüi ilaxle chilaxlili süile changüi.

ISAIA 1:24

Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

JEREMIA 9:15

Ikhoma, ku, Jowanpa Israel nok Khüthak Zang-e chemle moküihex apalax: Kue ku khünakbu a khaxkya pün sax ang koxüi ilaxle zik-hing ti ling ang tomüi.

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 15:9

Sasün hwom anüt amütkya mixchanu zakmaxle tox, zaksyet ang azongzi. Anyixningkya she zangngai a zangnaknu ang achangle pao; she-e zak kople ilaxle mongkha ma kakle. Anyix ozün ma ngole tüikyabu, hünzom a zanpabu chak to lang ang koxüi. Ija kax, Jowanpa, kue akaxdaoa.”

EZEKEL 7:3

“Israel, oshuk a hüidaoa. Ku mongtsike hünzom to pokya hünzome awanle laxüi, chemthüikoxle hünzome mokle changdaokya olom tole kue hünzom to kaxfün fale ngopu. Hünzome mokdaokya zakkop mwot olüi kue achatle koxüi.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

EZEKEL 16:42

Ifüima ku mongtsik zakle changüi, ilaxle ku künsom-mongdangle changüi. Ifüima ku ang mongtsik-mongma chichangba nüfux tamchatle münngoüi.

EZEKEL 21:22

Athaxpi! Chix tsaxchi chak ma Jerusalem chizing ma laikya naxhix san koplaxle ngo. Ijae chix ang ikhato paolaxle long katuk wo angkya, zankhong tinglyet angkya, katuk füi tomwüile hax thokle atsua laxle zanhunui zing angkya hia thapbu thole ziakop angkya aho.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

EZEKEL 43:8

Wanghom hwome, ku hia hwom bama katuk tuitae atsyenlan laxle, hwom tsaxnaknui ku tsaxnaknui ozuima zing ilaxle hwom kakopabu a ku kapoxbu ozuima zingle changkya makhange, hwome lyenkya nushix dongkya mwotbue ku otsao mün oma ang achangdaoa, ikhoma ku mongtsiktsik, a kue hwom amütdaoa.