EZEKEL 47:9 - OTSAO BAIBEL (BSI)

⁹ Ojongkha to ija shuasa jenle jupuix, ikhato faomüi-janyax pangwüi tüiüi. Ija shuasae Omang Tinu kha tokya ti titsao ang achangüi, ilaxle ija chempang khato jenle jupuix, ijae khüzün apüiüi.

EZEKEL 47:9 ပူးပေါင်းရင်းမြစ်များ

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

ISAIA 55:1

Jowanpae thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

MÜNCHUAK-TSAI 78:16

Chixe longnu homongkha tokya tümik fuakle lai ang tom ilaxle ti a shuajen ningle jenle ju ang tom.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

JUHAN 14:19

Noxta ngokya füima, chaxwannue ku münngünüi, ikoxlechu hünzome a ku ngün ang kopüi; tamchu ku ozün ma tüikoxle hünzom chuwüi ozün ma ngo angkya changle.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 5:25

“Otsingtsingma kue hünzom ang thüipu, ziünkyabue Zang Hosa zing atat angkya tunu nguile hüidao, tamchu ija athax changle; ilaxle atatkyabu pangnu wüi ozün ang achangle chatüi.

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

ISAIA 49:12

Ku khünakbu a tsailo tokhange nguiüi, shuakux hia hannopchi tokyabu a, ilaxlechu Aswan tokhange shuathong chitokya.”

ISAIA 30:26

Lyetnu a zanghan tukux nyanle tüiüi, ilaxle zanghan a jao angkya to othom anüte nüile, nyix anüt mongma nyakkya senyan zong ta ma asüilaxle nyankya ningle nyanüi. Jowanpae chix khünakbu to maklaxle tüikya to lople amüikya zuma ija ile changüi.

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

MÜNCHUAK-TSAI 103:3

Chixe ku ochax pangwüi thailak kox ilaxle ku kak-lakbu amüile kox.

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

WANGSHEMBU MWOT 21:20

Chix kax atatkya füima hwom pangnue Zang achuak. Ifüima hwome Pol ang thüi: “Tüinao! Ija chemle changpuix nange ngünle ngotüi. Mongong le hüikya Jehudi khünakbu hajat-hajat tüihule, ilaxle hwom pangwüi wanlom ma shingmongle ngokyabu changle.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

WANGSHEMBU MWOT 5:14

Ikoxlechu khünaknu, Jowanpa to ongkyabu thom, sheko-lüka pangnu, hwom othom khato sühak-sühak le hakle hüi.

WANGSHEMBU MWOT 4:4

Ikoxlechu ija kaxho atatkyabu khama ija to ongkyabu tüle lai; üntoxle ongkya khünakbu mixhuak hajat aga tukux ang achangle tsa.