EZEKEL 40:5 - OTSAO BAIBEL (BSI)

⁵ Kue chem ngünpuix, ija a Zangshwom-Hom changkya, ilaxle ija akhople katuk tüikya. Ija khünake thüt angkya janlak lax, ija a fak anyi lole tüikya, ilaxle chixe katuk thüt. Ija a fak anyi tsua fak anyi khaole tüikya.

EZEKEL 40:5 ပူးပေါင်းရင်းမြစ်များ

EZEKEL 42:20

ikhoma katuk a pangnuchi ma sok 560 le tüikya tuklaxle tüikya. Chitsaokya hia otsao nyi bama longzi ang ija katuke atsyen.

ISAIA 26:1

Khünaknue Judah haxtok ma ija tsai ngao angkya hanpak nyixta hüile ngole: Kem tingnu a tsak-zongle tüile! Zang chix jaoe ija long-katuk nyele thomle!

MIKNGÜN-OHÜN 21:12

Ngailom bün anyi füikya tüle tsuakya long katuke ija tingnu akhople tüikya. Ngailom bün anyi a kaxtaimix bün anyie nyele tüikya. Ngailom ma Israel homjen bün anyi mün zalaxle tüikya.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

ISAIA 60:18

Chaxpwon-zanlekya ozing tamchatle atat ang müntomüi; Hünzom haxtok a olithukya thama füi apong ang müntomüi. Long katuk tuita ningle kue hünzom kho-awale sün thomüi; Kue hünzom khosünle changkya khoma hünzome ku achuaküi.

MÜNCHUAK-TSAI 125:2

Chemle Jerusalem a haxnubue akhoplaxle tüipuix, ija lailaile othuithuima chix khünakbu a Jowanpa akhople ziakop thomle.

TSAITONG-KAXTONG 3:11

Refaim khama Bashan nok wanghompa Og ma akiakya changkya. Chix mangsuak long füi zingkya a, onok ziathüt ma, okhao ma fut azok ilaxle ojang ma fut 14 changkya. Ija a athax kople Amon nok tingnu Rabbah ma ngün ang tsuak.)

EZEKEL 41:8

Nui ibu tokna katukbu a sok 5 pong tütle tüikya; Zangshwom-Hom shuakuxchi kao ma nuibu to dong angkya fülom tuita tüikya, ija lailaile shuathongchi angkya nuibu to dong ang chuwüi fülom tuita tüikya. Kue Zangshwom-Hom akhople sok 5 pong khaole shat fang ashale zingle tüikya ngün, ija a hax makhange sok 7 tsuale tamchu Zangshwom-Hom katukbu ma homkha füi ajitkya ozit tüikya füi ajit le tüikya. Homtho shat-sha hia zompu-zangpabue laxkya longhombu obama sok 23 khaole homtho-sha tuita tüikya, ilaxle ija a Zangshwom-Hom füi shuile tüikya.

EZEKEL 43:13

Ibibi a tö-tsap othüt changpu, pangwüi Zangshwom-Hom thütkya othüt füi thütkya changpu. Tötsap ocha akhople sok tuita zule tamchu sok tuita khaole, okaxkom supong tsuale, tilom züile tüikya.

EZEKEL 42:15

Chemtue ija mixsün Zangshwom-Hom hom mongkha thütkya shukle changpuix, chixe ku handünchi fülom makhange ku homtho to alai ilaxle tatokchi homtho thüt.