EZEKEL 38:8 - OTSAO BAIBEL (BSI)

⁸ Obiobi zanglao lekya füima, chaxwannu onok-onok tokya asox-asüilaxle apüile thomkya khünaknu, athax opang ochax-ozan chemthua za angkyachu chitüile ngole hüipuix, ibu to sing angkya hanpakma kue chix tomüi. Kaiponge wüi khünak chingo tamchu thom-manzaikya chitüile awütle thomkya haxtok, ojongkha ma athax chem chaza angkya chitüile khünakbu ngole tüipuix, ija Israel nok haxnubu to chixe singüi.

EZEKEL 38:8 ပူးပေါင်းရင်းမြစ်များ

EZEKEL 38:16

Chaxwan alyem le zangchei zangwat hüikya ningle nange ku khünaknu Israel nok to singüi. Chemtue ija hanpak nguipuix, ipongma kue nang a, chaxwannu nok hato ku owahex ija aho angkya hanpakma ku haxtok to sing ang apaoüi, ilaxle ku otsao ngaile aho angkya hanpakma nang makhange kue mwot moküi.

ISAIA 24:22

Zandabu tswomkha tuita ma athütle thomkya ningle Zang-e wanghombu athütle chang ang tomüi. Hwom zothup hanpak nguikya tan ang hwom a kun khato kople thomüi.

EZEKEL 34:13

Kue ibu a mixnok chaxwan tokya apüile changüi, athüt-athütlaxle hwom chaxwan to tamchatle apüiüi. Kue tamchatle hwom a Israel haxtok angkya haxnubu hia shuasabu to mongmüi tungtung le fumtsüt ang danle azui ahamüi.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

EZEKEL 28:26

Hwom ikhato chaza angkya chemchu chitüile mongsom ma ngoüi. Hwome hom-haxbu zaile tamchu grep-ziak manzaile changüi. Hwom tomzi nokbu opange hwom aza-anale ngopuix, ibu to kue sikangünüi, ilaxle Israel a ochax-ozan ojao chitüile ngoüi. Ipongma hwome ku a hwom Jowanpa changpule awan ang kopüi.”

MANGSOP 4:22

Zaion-e she ochax tsang thomdaoa; Jowanpae kwom tamchatle zanda ang thomüi münchang. Ikoxlechu Edom, Jowanpae nang to sikngün koxüi; chixe nang thaikya mwot kotok to alaiüi.

JEREMIA 49:39

Ikoxlechu ofüima kue Elam nok a tamchatle ahak-aluale chang ang tomüi. Ku, Jowanpae ija akaxdaoa.”

JEREMIA 48:47

Ikoxlechu athax füichima Moab nok a Jowanpae tamchatle ahak-alua ang tomüi. Ibu chempang Jowanpae akaxle changdaopuix, ibu pangwüi Moab noke apongle hüi angkya changpu.

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

JEREMIA 32:37

Ku mongtsik-mongma tokhange kue hwom chiakle asam thomkya chaxwan pangkha tokya wüi kue khünaknu asox-asaüi angkya changle, ilaxle kue hwom ija haxtok to tamchatle ngui ang tomüi ilaxle ija khama chem chaza angkya chitüile ngo ang tomüi.

JEREMIA 32:5

Zedekiah a Babilon nok to paoüi, ilaxle kue chix füi zangwünle machang tanto chix a ikhato ngoüi. Chixe Babilon nok füi azanle changkoxchu, chixe lütüile münchang. Ku, Jowanpae ija akaxdaoa”, lükya Jowanpa kaxho kue apüipule kaxhux fe.

JEREMIA 30:18

Jowanpae thüi: “Kue ku khünaknu hwom chaxwan to chat ang tomüi ilaxle hwom homkha pangwüi to kue chingchaüi; Jerusalem a azünle zingüi, ilaxle ija chongwang homlobu chatle kopüi.

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

ISAIA 29:6

Jowanpa Khüthak Zang-e zangchei-zangwat hia bütix sikya füi nang khosünle kopüi. Chixe zangchei chongkya hia wünnu ahüiüi;

TSAITONG-KAXTONG 4:30

Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

HUAKE LAIPEX 24:14

Balam-e Balak ang thüi: “Athax ku a ma khünakbu hato chatüi, ikoxlechu ku chatüima, athax füichima Israel khünakbue hünzom to chemle moküihex, ija bama kaxkhün koxle toxfang.”

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

EZEKEL 38:14

Ikhoma Jowanpa Khüthak Zang-e, chixe Gog füi akax angkya ija kax tüikya chix hama apua ang ku tsanpu: “Athax ku khünaknu Israel nok chem chaza angkya chitüile ngoponge, nang a, shuakuxchi tsailo nok tokya

EZEKEL 39:26

Chemtue hwom ma haxtok ma tamchatle chem chaza angkya chitüile ngopuix, hwom aza-ana angkya mix owachu chitüile a, hwome ku khohangle changkya khoma apongle hüidaokya thama alakle asam ang tsuaküi.

ISAIA 8:9

Jat-libu, hünzom zalaxle asoxlax! Apalax, hünzom haxtua-zangnam tokyabu. Azan ang achwonlax, ikoxlechu zalax! Changle, achwonlax, ikoxlechu zalax!