EZEKEL 32:2 - OTSAO BAIBEL (BSI)

² Chixe thüi: “Ziün angkya khünak, Ijip nok wanghompa hato ija kaxkhün laxkox. Chix ang ija ku kaxho laxkox: Chaxwannu onok khama nang a mailang pa ningle aho, ikoxle nang a ti khato okua sakle ahamkya nomwang wüi ale le. Nange nang chabu füi ti aküi ilaxle shuajenbu chitsaokya ang achang.

EZEKEL 32:2 ပူးပေါင်းရင်းမြစ်များ

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

EZEKEL 27:2

“Ziün angkya khünak, Tair nok hanpakma mangsop tsai ngaokox,

EZEKEL 38:13

Sheba hia Dedan khünakbue ilaxle Spain tinglongbu tokya thalex mixbue nang ma atüiüi, ‘Nange nang süpahibu asoxlaxle ibu thomjole tamchu tsuile pao ang sing pia? Nange thoma ikhato hun hia khop, tsom-pom hia tuina, ibu huanuma bangüi üntoxle nang a ibu tsuile koplaxle chatüi le texlaxpia?’”

EZEKEL 34:18

Hünzom züizüi a ipong müikya fumchui saxlaxle ngaxchu mongzom chimüikya tüile; hünzome chisax tsuakkyabu to ngaxchu hünzome tingle ama toxle! Hünzome tsaothakya ti linglaxle chibakle toxkyabu a hünzome lüixle akhüi toxle

EZEKEL 32:16

Ija kaxkhün a mangsop tsai ang achangüi. Ijip hia ima tüikya khünaknu mangsop tsai ang chaxwannu nok angkya shekobue ija ngaoüi. Ija kax, ku, Jowanpa Khüthak Zang-e akaxdaoa.”

EZEKEL 28:12

“Ziün angkya khünak, Tair nok wanghompa-e apong angkya shoma bama soplax. Jowanpa Khüthak Zang-e kue chix füi akax ngokya ija kax chix hato hokox: Onox ma nang a okhonguile tüikya kaxpan ang laxle tüikya. Ipongma nang chemtukux jetüi hwonlangle tamchu osün müile tüikya dai!

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

ISAIA 27:1

Ija nyix Jowanpae chix tsak-zong hia mik amüt angkya changlo a Lewiathan, oja tüle ozik tsuakkya fwotnu, kwom-kwomlanle tüikya dragon hex, ija hia punu lang ang twon, ibu a tinu khato ngokya müibu changkya.

EZEKEL 32:18

Chixe thüi: “Ziün angkya khünak, Ijip nok angkya khünaknu mang soplax. Mama tsak-zongle tüikya onokbu füi tomle hwom a amalum to ajokox.

EZEKEL 27:32

Hwome nang mangtsale tsai ngao: ‘Tair füi owa apyen ang thoüi, Athax tinu khato dangjale maxdaokya Tair füi a?

JEREMIA 46:8

Ija a Ijip changle, Nail ningle laikya a, shuanu tuita tichen-mualyem ningle laikya a. Ijip-e lan: ‘Ku mwople laiüi ilaxle chaxwannu to uüi; tingnubu hia ikhama ngole tüikya khünakbu kue amütüi.

JEREMIA 9:18

Khünaknue thüi: “Kwom hanpakma mangsop tsai ngao angkya hwom ang kangmomlaxle thüikox, kwom mik ma mikfi ti jenle machang machangle, tamchu kwom mik-kaxbu sopkya mikfi tie awangle machang machangle.”

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

WANWÜNKAX 28:15

Chichangchizangkya wanghompa tunthoma mixshix-zasabu a chifün chitüi; chix a mix to shingle hüikya chaxnu hia chepnu füi ngaxchu süshixkya changle.

HUAKE LAIPEX 24:9

Ija jat a chax shix tuita ningle; Ija jiple ngopongma azwot angkya owa angchu mong chichong. Israel nok to mohimankya mix mohiman changüi, Israel nok to thuakzomle changkya mix thuakzom changüi.”

PONGWANG LAIPEX 49:9

Judah a mailang tuita ningle, chixe sax ang müi langlaxle longlua to chatlaxle ozax tinle jiple ngo. Chix to pox ang owa mongchu chichongtsuak.

MATHI 7:24

“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.

JOB LAIPEX 7:12

Hünzome ku büthüikoxle nyele thompu? Hünzome ku a tinu khatokya müima-nyaxshix tuita ang laxpia?

WANWÜNKAX 25:26

Müikya khünak tuitae chichang-chizangkya khünak ngui ang tomkya a tuita nang ang chitsaokya shuajen hia hing shodaokya tüküi texle atak ang tomkya changpu.

JEREMIA 46:7

Nail ningle laikya ija a owa, shuanu tuita tichen-mualyemkya ningle a?

EZEKEL 26:17

Hwome nang hanpakma mangsop tsai ile ngaoüi: Tüle zangle wünkya tingnu a amütdaoa! Tinu kha tokya she khuabu a pikle paodaoa. Ija tingnu angkya khünakbue tinu kha apün Ilaxle tinu kax to ngole tüikya khünakbu abüt ang tom.

EZEKEL 29:15

Hwom wangting a wangting pangnu füi süshokya wangting changüi, ilaxle hwome chemtuechu mix wangtingbu thakma apün-awangle münchangtoxüi. Kue hwom a, otuechu mix wangting akwom ang chithokya, tuita e-ma chitüikya wangting ang achangüi.

JOB LAIPEX 41:23

Chix tsangtsa khwon ma ikha naile lükya kha jao chitüi; ija a wün to ma-akhikkya jan lailaile tsakle.

WANWÜNKAX 30:30

mailang, müi nüjen khama akhole tsakkya ilaxle chemthua chu chizakya.