EZEKEL 3:7 - OTSAO BAIBEL (BSI)

⁷ Ikoxle Israel nok owaechu nang zangwün to apasele müntsupu; hwome ku zangwün to ngaxchu münapa. Hwom pangwüi kheba chithüikya mongtsakkya khünakbu changpu.

EZEKEL 3:7 ပူးပေါင်းရင်းမြစ်များ

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

EZEKEL 2:4

Hwome kax ma ojao münlax ilaxle ku chathua zakya ojao müntüi, ikhoma Jowanpa Khüthak Zang-e hwom füi chem akax angkya tüipuix, ija kax hwom hama apua ang kue nang tsanle apaopu.

1 SAMUEL 8:7

ikoxle Jowanpae thüi: “Khünaknue nang füi chemle akaxpuix ibu pangwüi to apakox. Hwome hwom wanghom ang chilaxle ahaikya a nang ahaikya münchang ikoxle ku ahaikya changpu.

KAXHO MÜIKYA LUK 19:14

Ikoxle ikha tokya nokpubue chix to chilua ilaxle chix füima lüile kaxhomix achatle thüi: ‘Ija khünak kwom wanghom ang achang angkya to kwome münlua.’

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

EZEKEL 24:7

Tingnu ma mix mik amütkya tüikya, ikoxle aji a haxbue chwople khom ang müikya haxsha to chiadüt, ikoxle aji a longzan tok to adüt.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

ISAIA 48:4

Kue awan ngopu hünzome a kheba chithüikya khünakbu changpule ahoüi, jan lailaile tsak-khokle tamchu khop lailaile bikbexle.

EZEKEL 3:6

Kue nang a nange hwom zangwün chitsingkya chongkya onok tuita hato apaokoxba, hwome nang zangwün to apase.

EZEKEL 3:8

Athax kue nang a hwom mong chemle kheba chithüile tüipuix ija ningle mongtsak mix tuita ang achangüi.

ZEKARIA 7:12

ilaxle hwom mongtsangbu longnu büta tsakle chang ang tom. Kaitanto ngokya ku aje makhange kue anwot-anole fakya ibu to hwome ojao na chitha, ikhoma ku ang huanuma mongtsik.

JEREMIA 6:10

Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

JEREMIA 6:17

Ifüima kaxkhün fakya nyazong zing to apa angkya hanpakma Jowanpae humixbu kam. Ikoxle hwome thüi: “Kwome ija to münapa.”

JEREMIA 7:27

“Ikhoma, Jeremia, nang ibu zangwün ku khünaknu füi akaxüi, ikoxlechu hwome nang kax to chiapaüi; nange hwom seüi ikoxle hwome nang kax to chilanüi.

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim