EZEKEL 3:3 - OTSAO BAIBEL (BSI)

³ Chixe thüi: “Ziün angkya khünak, kue nang ang koxkya ija laitün saxlax; ija füi nang wak afwot ang tomlax.” Kue ija sax, ija a ku zongma nax-ti büta tile tüikya.

EZEKEL 3:3 ပူးပေါင်းရင်းမြစ်များ

JEREMIA 15:16

Nange ku füi zangwünpu, ilaxle kue kaxfa tuita chialyetle apapu. Jowanpa Khüthak Zang, ku a nang kux changle, ikhoma nang zangwünbue mongmüi-pwonla tungle ku mongkha awangle.

MÜNCHUAK-TSAI 119:103

Nange adangle fakyabu chemtukux tipuix: nax-ti füi ngaxchu sütile!

MÜNCHUAK-TSAI 19:10

Hun amüikya füi ngaxchu ibu wüi laxse tsule; nax-ti tsaothakya füi ngaxchu ibu wüi sütile.

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

JUHAN 7:38

‘Ku to ongkyabu ang mong tokhange shuajen jenüi’”, le Otsao Lai Kax ma tüikya ningle changüi.

EZEKEL 2:10

Ija chake ija laitün sha, ilaxle kue ija laitün ma pangnyi chima wüi zale tüikya ningle ngün: mongma mangsopbu hia mongmaxle awaokyabu ikhama zale tüikya.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

JOB LAIPEX 23:12

Kue othuithuima Zang kaxtom ma laxle mokpu; Kue chix mongtex topu, kue tsu-luakya ma chilaxpu.

EZEKEL 2:8

“Ziün angkya khünak, kue nang füi chem akaxpuix ija to apalax. Ibu khünakbu lailaile alün-aloxle taxtüi. Kue nang ang chem kox angkya tüipuix ija nange nang wikha akalaxle saxlax.”

EZEKEL 3:4

Ifüima Zang-e akax: “Ziün angkya khünak, Israel khünaknu hato paokox ilaxle kue nang füi chem akax ang tompuix ija akaxkox.

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.