EZEKEL 3:20 - OTSAO BAIBEL (BSI)

²⁰ “Müikya khünak owawa ochax mwot mok ang süt ilaxle kue chix hato thama ahüi, ija bama nange chix ang kaxkhün chikox thüiningle chix a zile paoüi. Chix a chix ochaxbu khoma zilaxpu: chixe mwotmüi mokle changdaokyabu texle münngo: ilaxle chix zikya bama kue nang ma feüi.

EZEKEL 3:20 ပူးပေါင်းရင်းမြစ်များ

EZEKEL 18:24

“Ikoxle otsao khünak tuitae müikya mwot mokkya dan ilaxle ochax mwot pangwüi mok ang süt, ochax khünakbue mokkya nushix dongkya mwotbu a, chix a ozün ma wüi ngo angkya le hia? Ile münchang! Chixe mokle ledaokya müikya mwot tuita chu texle ngo angkya müntüi. Chix mongong athokya hia ochax khoma chix a zi angkya wüi changpu.

EZEKEL 3:18

Ikoxle kue owawa ochax khünak zi angkya changle le tsing ang tom ikoxle nange chix ang mong alüix angkya hanpakma chix ang ija kaxkhün chikox, chix a ochax ma wüi zile paole jangchang thüiningle ija zile paokya hünlit kue nang akhang ma khoüi.

IBRI 10:38

Ibachu, otsao ku khünaknu, hwome ongüi üntoxle ozün ma ngoüi, ikoxlechu hwom owawa jang achax thüiningle, ibu füi ku mong münmüiüi.”

EZEKEL 18:26

Chemtue otsao khünak tuitae mwotmüi mokkya zakle changpuix ilaxle ochax mwot moklaxle chix zipuix, chix a chixe mokkya ochax mwot khoma zilaxpu.

MÜNCHUAK-TSAI 125:5

Ikoxlechu chemtue nange ochax khünakbu to sikangünle changpuix, ipongma nang lomtang danle toxkyabu to chuwüi sikangünle changkox. Israel nok füi tumüi-lomkhaokya naxtüi!

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

1 PITAR 2:8

Anaolechu Otsao Lai-e thüile, “Ija a tuita khünaknu asua angkya long; hwom ati ang koxkya longnu tuita changpu.” Hwome chiongkya khoma ija kax ma hwom asua; ikoxlechu ile chang angkya a hwom hanpakma laiua changkya.

EZEKEL 33:18

Sukya khünak owawae müikya mwot dantoxlaxle chichang-chizangkya mwot mok ang sütle jangchang, ija khoma chix mik max angkya ataküi.

JEREMIA 6:21

Ikhoma kue ibu khünak ang chikho thule nguak ang tomüi. Nu-pa hia su-sa hwom zile paoüi, ija lailaile zuikhui hia tomzi-longzibu chuwüi changüi.”

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

EZEKEL 33:6

Ikoxle humixe zanbu nguile ngokya ngün ikoxchu chixe tinglyetle chichang, zannokbu nguilaxle ibu ochax khünakbu langüi, ikoxle ibu mik maxkya bama kue hu-mix ma feüi.

EZEKEL 14:3

Chixe thüi: “Ziün angkya khünak, khünak ibue hwom künmong chapabu ang koxdaoa ilaxle ibu chapabue hwom ochax to alyet ang tomle ngole. Kue hwom kax to lanüile hwome thütlaxpia?

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

ISAIA 8:14

Ku a wün ang chitsuakkya otsao changkya khoma ku a tuita khünaknu chikho thule ngokya longnu ningle changpu; Judah hia Israel nok wangting tamchu Jerusalem tingnu angkya khünaknu aman angkya hanpakma ku a tuita kam thale thomkya changpu.

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

1 KORIN 1:23

ikoxle oja Jehudi nok hanpakma chikho thukya hex ilaxle mixnokbu hanpakma ongat hex, Khrista pünsak ma takle langkya ija kaxho kwome apukpu;

ROM NOK HATO ZAKYA POL LAIZA 11:9

Ilaxle Dawid-e thüi: “Hwom fongkhat ma womhax oman; hwom naxnguak, hwom sik naxngün!

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

DANEL 9:18

Kwom to apahüi, O Zang; kwom to huhüi ilaxle kwom sikngünle ngokya ilaxle nang mün lünle ngokya tingnu thama ngünle laxhüi. Kwome nang to joppu, kwome sukya mwot mokdaoale münchang ikoxle nang a chingchae awangle tüikya khokho ma.

EZEKEL 7:19

Hwome hwom hun hia khopbu pangtsa ningle tingjang lomnu to tswonle awütüi, chemthüikoxle Jowanpae chix mongtsik mongma thokle ahüikya chak tokya khop hia hun thalix tuina chemechu hwom khose ang chitho. Hwome ibu athaxpi hwom mongzom amüi hia hwom wok afwot ang twon angkya olom chitüi. Hun hia khopbu hwom ochax lom to alyetpu.

WANWÜNKAX 25:12

Apasele tsukya khünak hama apongle hüidaokya khünak tuitae khünzai angkya kax koxkya a müikya hun füi zingkya khoptüt hia likwünbu füi ngaxchu sümüi.

MÜNCHUAK-TSAI 119:165

Nang wanlom to mongkünkyabu ma okhonguile kuimüi-zangmakya tüile, ilaxle hwom adüt angkya chemchu müntüi.

MÜNCHUAK-TSAI 36:3

Hwom zangwün a chichangchizangle üntoxle thaikyae awangle tüile; oja je mwot hex üntoxle müipuix, ija hwome tam-münmok.

2 PUKAX-PANGAO 25:15

Ile changkyae Jowanpa ang mongtsik adün, ikhoma chixe Amaziah hato ajepa ahüi. Ija ajepae ngangle sa: “Nang chak tokya hwom khünakbu khosele kop ang ngaxchu chithokya mixnok baozangbu to nange büthüikoxle shwompu?”

2 PUKAX-PANGAO 24:2

Nguapa Jehoiada ozün ma ngokya kople chixe Jowanpa zong sukyakya wüi mok.

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

LIWI 19:17

“Nange ma tomzi to mongto khax-khule taxchang, ikoxle hünzom ba angkya zangwün zingmüi ma tsuakdao, ile changkox tix wüi hwom zongto nange ochax lyenkya müntüiüi.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

MATHI 18:15

“Nang zuikhui owawae nang bama achaxle jangchangba, chix hato paolaxle chix thaikya kha ahole laxkox; ikoxchu ija a hünkhi tatae huxsa ma mokkox. Chixe nang kax ma janglax thüiningle nange hüntüinao kop ang thodaoa.

JEREMIA 34:16

Ikoxlechu janpüi ma hünzom ang mong alop ilaxle ku adix-adale changpu. Hwome mongtsukya ningle hünzom pangnusae wüi ma dabu danle apaopu, ilaxle hünzome hwom da ang tamchatle achang.