EZEKEL 27:2 - OTSAO BAIBEL (BSI)

² “Ziün angkya khünak, Tair nok hanpakma mangsop tsai ngaokox,

EZEKEL 27:2 ပူးပေါင်းရင်းမြစ်များ

EZEKEL 28:12

“Ziün angkya khünak, Tair nok wanghompa-e apong angkya shoma bama soplax. Jowanpa Khüthak Zang-e kue chix füi akax ngokya ija kax chix hato hokox: Onox ma nang a okhonguile tüikya kaxpan ang laxle tüikya. Ipongma nang chemtukux jetüi hwonlangle tamchu osün müile tüikya dai!

EZEKEL 19:1

Israel nok wangchasa anyi hanpakma ija mongma tsai ngao angkya Jowanpae ku füi akaxdaoa:

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

AMOS 5:16

Ikhoma Jowanpa Khüthak Zang-e thüile: “Tingnu tingjang lomnubu to mangsopkya hia akhongkyabu tüiüi. Omün koxlaxle mangsop ang tsankyabu füi tomle manzai mixbu chuwüi mangsop ang ahyenkya tüiüi.

AMOS 5:1

Kue hünzom ang ngaokya mangsop tsai ija to apalax, Israel khünaknu:

EZEKEL 32:2

Chixe thüi: “Ziün angkya khünak, Ijip nok wanghompa hato ija kaxkhün laxkox. Chix ang ija ku kaxho laxkox: Chaxwannu onok khama nang a mailang pa ningle aho, ikoxle nang a ti khato okua sakle ahamkya nomwang wüi ale le. Nange nang chabu füi ti aküi ilaxle shuajenbu chitsaokya ang achang.

EZEKEL 27:32

Hwome nang mangtsale tsai ngao: ‘Tair füi owa apyen ang thoüi, Athax tinu khato dangjale maxdaokya Tair füi a?

EZEKEL 26:17

Hwome nang hanpakma mangsop tsai ile ngaoüi: Tüle zangle wünkya tingnu a amütdaoa! Tinu kha tokya she khuabu a pikle paodaoa. Ija tingnu angkya khünakbue tinu kha apün Ilaxle tinu kax to ngole tüikya khünakbu abüt ang tom.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

EZEKEL 27:1

Jowanpae ku füi akax:

JEREMIA 9:16

Hwome chu tamchu hwom pupa hwome ngaxchu chemtuechu atat ang chikopkya nok to kue hwom chiakle sam ang tomüi, ilaxle hwom komkaile amütle machang machangle kue hwom amüt ang süpahibu akatüi.”