EZEKEL 26:7 - OTSAO BAIBEL (BSI)

⁷ Jowanpa Khüthak Zang-e thüi: “Kue pangnu thakma achongkya wanghom: Babilon nok wanghompa Nebukadnezar: hünzom tingtak ang apüiüi. Shuakuxchi tokhange, hax ma azankya, mankho makhange azankya hia man-kanlinkho tokhange azankya süpahibu huanuma koplaxle nguiüi.

EZEKEL 26:7 ပူးပေါင်းရင်းမြစ်များ

DANEL 2:37

Wanghompa, nang a pangnu thakma achongkya chongwangpa changpu. Zangkangting tokya Zang-e nang a chongwangpa ang achangpu ilaxle chixe nang a tsak-zong, otsuak-oman, ilaxle münchong pangwüi koxpu.

IZRA 7:12

“Chongwangpa Artakses tokhange nguapa Izra, owa Zangkangting Zang Wanlom bama tsingpa tuita hex, chix hato.

EZEKEL 23:24

Hwome nang to, man-kanlin hia maihue linkya zyenbu ma awangle süpahibu koplaxle nguile shuakuxchi makhange singüi. Di hia jan khohombue tuklaxle hwome nang akhople kopüi. Kue nang a hwom chak to danle koxüi, ilaxle hwome nang to hwom wanlom ma kaxfün fale changüi.

HOSIA 8:10

Ikoxlechu athax kue asox ang tomlaxle hwom to sikangün angkya changle. Asiria noke hwom to zothuple changkya zuma lebama wüi hwom a mongto tsütle kakle chang angkya changpu.

DANEL 2:47

Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

JEREMIA 52:32

Ewil-merodak-e chix to chingchale hu ilaxle chix füi tomle Babilon nok ma zanda ang ngole tüikya mama-mama wanghombu to ataxle achuak-achenkya kox.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

ISAIA 10:8

Chix ang mongngam: “Ku süpahi lompabu pangwüi wanghomhom wüi changle!

EZEKEL 28:7

kue nang hato mongtsiktsik ma tingtakle chang angkya zanpa nang hato ahüiüi. Nang je-hi-hwon makhange athünle kopkya osün müikya tuinabu hwome amale toxüi.

EZEKEL 26:3

“Athax ija a, ku, Jowanpa Khüthak Zang-e akax ngokya kax changle: Tair tingnu, Ku a hünzom zanpa changpu. Chaxwannu nokbu kue hünzom tingtak ang ahüiüi, ilaxle hwom a tinu-tichap lailaile nguiüi.

EZEKEL 17:14

anaole ija jat-li ajong ang chikop angkya tamchu ija tsaotsüt chiamale thom ang tho angkya to hume angkya hanpakmale changkya.

JEREMIA 6:23

Hwome hwom hapnu hia changlobu chak ma kopdaoa; hwom a chingchajaja chitüile shix-makyabu changle. Hwom mankho ma ngale changpongma ibu zing a tinu-tichap zing ningle tüile. Hwom a Jerusalem füi azan ang achwonle tüile.”

JEREMIA 4:13

Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.