EZEKEL 26:3 - OTSAO BAIBEL (BSI)

³ “Athax ija a, ku, Jowanpa Khüthak Zang-e akax ngokya kax changle: Tair tingnu, Ku a hünzom zanpa changpu. Chaxwannu nokbu kue hünzom tingtak ang ahüiüi, ilaxle hwom a tinu-tichap lailaile nguiüi.

EZEKEL 26:3 ပူးပေါင်းရင်းမြစ်များ

JEREMIA 51:42

Tinu a Babilon ding to ule hüile ilaxle ija to tinu-tichap füi chwopdaoa.

ISAIA 5:30

Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.

MIKA 4:11

Jat-libu tüle-tüle hünzom to sing ang asoxüna. Hwome thüile: “Jerusalem a ama angkya wüi changpu! Kwome ija tingnu komkaile male paokya to huüi!”

KAXHO MÜIKYA LUK 21:25

“Üntoxle Zanghan hia Lyetnu üntoxle Lyettsibu to mowan tüiüi; chaxwannu pangnu haxtok towüi tichap hia tinu jazinge khünaknu ang pipale khosamkya tüiüi.

ZEKARIA 14:2

Jerusalem zan to ka angkya hanpakma Jowanpae jat-libu pangwüi asüi ang tomüi. Ija tingnu a hwome kopüi, homhaxbu tsuiüi, ilaxle shekobu to shingnünle changüi. Khünaknu süifi a zanda ang kople paoüi, mamabu a tingnu angkya kople münpaoüi.

NAHUM 2:12

Mailang tuitae müi langle sax omüi ibu ma kako hia naosom hwom hanpakma ashik le akhix; chixe chix longkun a müifunbue awang.

EZEKEL 38:3

ilaxle Jowanpa Khüthak Zang, ku a chix zanpa changpule chix hama wünkox.

EZEKEL 28:22

Jowanpa Khüthak Zang kue hwom füi chemle akaxpuix, ija ku kax ikha ma tüikya khünakbu hama wünkox: Sidon, ku a nang zanpa changle, nang to chemle hwonpuix, ija bama khünaknue ku achuakle changüi. Nang ma ngokya khünaknu to zothuple changkya makhange otsao changle le ahokya tokhange hwome ku a Jowanpa changpule awanle laxüi.

EZEKEL 27:26

Chemtue nang khuachei mixbue tinu khatokya cheile alaipuix, Handünchi winjepe nang haxza füi atsaile ochu to jeple pao.

EZEKEL 21:3

Jowanpae akax ngokya ija kaxkhün laxkox: Ku hünzom zanpa changle. Kue ku changlo syetüi ilaxle chimüikya khünak hia müikya khünak tomwüile, hünzom pangwüi langle changüi.

EZEKEL 5:8

Ikhoma Jowanpa Khüthak Zang kue nang füi, ku a nang zanpa changpule akax ngopu. Pangnu jat-lie ngünle kue hünzom to kaxfün fakya tüiüi.

JEREMIA 50:42

Hwome ma hapnu hia changlobu koplaxle laile; hwom a mongtsike awang laxle chingcha jao chitüile changle. Hwom zing a shixkya tinu tichap zing ningle tüile, hwom man kho ma ngale changpongma. Hwom a Babilon nok füi azan ang achwonle tüile.

JEREMIA 50:31

“Babilon nok, hünzome a ongame awangle tüile, ikhoma Jowanpa Khüthak Zang, ku a nang zanpa ang changdaoa! Nang to sikangün angkya ku hanpak nguile hüidaoa.

JEREMIA 21:13

Nang, Jerusalem, haxsha ma longnu kho lwotle laikya ningle, haxtsua-zangthale thung-ngotüi. Ikoxlechu ku nang füi azanpu. Nang to owaechu münsingtsuak chichangba pan daple dong ang münthole nange thüitüi.

JEREMIA 6:23

Hwome hwom hapnu hia changlobu chak ma kopdaoa; hwom a chingchajaja chitüile shix-makyabu changle. Hwom mankho ma ngale changpongma ibu zing a tinu-tichap zing ningle tüile. Hwom a Jerusalem füi azan ang achwonle tüile.”

MÜNCHUAK-TSAI 107:25

Chixe kaxtom koxkoxle, tüle zongkya zangwin awin ang süt ilaxle tinu tichap to lüixle achap.

EZEKEL 26:19

Jowanpa Khüthak Zang-e thüile: “Kue nang a owachu ngo ang chimüile pünle amadaokya tingnu ningle achangüi. Kue nang to tinu jithong tokya tie ule chang ang tomüi.

EZEKEL 29:10

Idaile ku a nang tamchu Nail shuanu zanpa changpu. Shuakuxchi Migdol tingnu makhange shuathongchi Aswan tingnu alople, Etheopia nok longzipong to leüi lomjang fole, kue Ijip nok abakle laxli chitüile awütle thomkya haxtok ang achangüi.

NAHUM 3:5

Jowanpa Khüthak Zang-e thüile, “Ninewi, kue nang to sikangünüi! Kue nang to kokolan le fitüi ilaxle jatlibue hünzom ngün ang tomüi, hünzom zakmax thünbakya pangwüi ngün ang koxüi.

ZEKARIA 9:4

Ikoxlechu she ma tüikya oli pangwüi Jowanpa-e tsui paoüi. Chixe she ma tüikya tuina komle tinu mongto tswonle awütdaoüi, ilaxle tingnu a kotho ang achangle zokle ashundaoüi.