EZEKEL 24:3 - OTSAO BAIBEL (BSI)

³ Kax ma chilaxle tüikya ku khünaknu hama, Jowanpa, Khüthak Zang, kue hwom hanpak ang thomkya ija kaxpan wünle laxkox: Tik a wün ma takox ilaxle ija ma ti awang kox.

EZEKEL 24:3 ပူးပေါင်းရင်းမြစ်များ

EZEKEL 20:49

Ikoxle kue akax: “Jowanpa Khüthak Zang, ku ang ija ile mok ang taxtom! Kue tsaisong-kaxnong-nong ma akaxle le noknusae jento kaxthup-ngaotünkya tüile.”

EZEKEL 17:2

“Ziün angkya khünak, Israel nok hama kaxpan tuita akaxle

EZEKEL 11:3

Hwome thüile, ‘Keme homhaxbu tamchatle chwonle wüi zingüi. Tingnu a tuita suisong tik ningle, ilaxle kem a ija ma songkya müi ningle tüile, ikoxchutix ijae muale thüingaxchu wün chak tokya abaxle.’

EZEKEL 2:6

“Ikoxlechu, ziün angkya khünak nang, hwome tütale wüi akaxkoxle chu hwom thua za angkya oli münchang. Hwome nang ajao-ahaile changüi; ija a tuita twonsi zyem khato ozün ma ngokya ningle changüi. Ikoxlechu, alün-aloxle tüikya khünak ibu thua tamchu hwom zangwün thoto nang za-ngo angkya oli münchang.

EZEKEL 2:3

“Ziün angkya khünak, kue nang a Israel khünaknu hato tsanle apaopu. Hwom ku füi alünle ilaxle ku hato tok ahole. Hwom pupa hwom lailaile ibue chizakle ku füi alünle wüi ngole.

ISAIA 1:2

Jowanpae akax: “Ding-hi-hax, kue chem akaxpuix ija to apalax! Kue tux-tsomle atsünkya naosombue ku zan to kale.

EZEKEL 24:6

Ija a Jowanpa Khüthak Zang kax changle: “Mix mik amütkyabu tingnu a maxdaoa! Ija a shunle madaokya otuechu chiazaokya tik lailaile changle. Müifun tuita füima tuita le dokle alai, tuita chu danle chitox.

EZEKEL 2:8

“Ziün angkya khünak, kue nang füi chem akaxpuix ija to apalax. Ibu khünakbu lailaile alün-aloxle taxtüi. Kue nang ang chem kox angkya tüipuix ija nange nang wikha akalaxle saxlax.”

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

MÜNCHUAK-TSAI 78:2

Kue je füikya wanwünkaxbu twon angkya ilaxle kaile toxdaokyabu makhange ohünotünbu akhix-akhanle fa angkya changle,

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

KAXHO MÜIKYA LUK 8:10

Üntoxle chixe lan: “Zang Wangting bama huxsa je-hwon hünzom ang fadaoa, ikoxle mamabu hanpakma kaxpan makhange tix angaiüi; ikoxle hwome hukoxchu chingünüi, ilaxle atatkoxchu chiawanüi.

MARK 12:12

Kaxpan ija a hwom to dyenkya kax changpule awanlaxle hwome chix kop angkya oshua lom, ikoxlechu hwom khünaknu thua za. Ikhoma hwome chix danle tox.

MIKA 2:4

Chemtue ija hanpak nguile hüipuix, hünzome apong daokya thama a khünaknue tuita wanwünkax ang twonüi, ilaxle hünzome apongle hüidaokya thama to saile hwome tsai ma ile ngaoüi: Kwom a oli thule amadaoa! Kwom haxtok a Jowanpae laxlaxtoxdaoa Ilaxle ija a zanda ang kwom kople paokyabu chak to koxdaoa.”

EZEKEL 17:12

“Athax kople mongong matüikyabu ma hwome ija kaxpan hanpak awanchahex atüihu. Babilon nok wanghompa Jerusalem to nguilaxle wanghompa hia chix nguakax-wangkhobu koplaxle Babilon to chat angkya hwom hama apuakox.

EZEKEL 12:25

Hwom füi Jowanpa ku jaoe wünüi, ilaxle kue chem akaxpuix ija mokle changüi. Ija mok angkya shenle münngo. Hünzom ozün ma tuipong ma wüi, hünzom alün-aloxle tüikyabu, hünzom ang kue chem moküihex-ole kaxkhün koxdaopuix ija kue mok angkya changpu. Jowanpa kue thüipu, ija kue akaxdaoa.”

EZEKEL 12:2

“Ziün angkya khünak, nang a alün-aloxle tüikya khünakbu khato ngole. Hwom ma mik tüile, ikoxchu hwome chemchu chingün; hwom ma na zaile, ikoxchu hwome chemchu chiatat, chemthüikoxle hwom a alün-aloxle tüikyabu chang koxle.

EZEKEL 11:11

Suitike ima tüikya müi to wünle chai ang chitomle abaxkya ningle ija tingnue nang kho awale münkopüi. Israel haxtok ma nang ojong khato ngokoxchu kue nang to sikangün angkya changle.

EZEKEL 11:7

“Ikhoma ija a ku, Jowanpa Khüthak Zang-e nang füi akax ngokya kax changpu. Changle ija tingnu a tuita suisong tik a, ikoxle müi a chem? Mang ojapang nange langpuix, ibu changpu! Nang a ikhama münngoüi: kue nang a tingnu tokna to tswonle awütüi!

EZEKEL 3:9

Kue nang a chimok longnu tuita ningle tamchu thalix long tuita ningle tsak ang tomüi; ibu alün-aloxle tüikya khünakbu thua taxza.”

JEREMIA 1:13

Ifüima Jowanpae ku füi tamchatle akax. Chixe atüi: “Iboma nange chempang ngün?” Kue lan: “Kue shuakuxchi ma tole ngokya tiknu tuita ngünle, ilaxle ija a ichikao to akheüi khakha.”

ISAIA 63:10

ikoxlechu hwome chix füi alünle ajong ilaxle chix otsao chasa ang mong ama. Ikhoma Zang a hwom zanpa ang achang ilaxle hwom füi azan ang süt.

2 WANGHOMBU 4:38

Hanpak tuita ma, chaxwan pangnu khato tuinu nuaknu le le changpongma, Elisha a Gilgal to chat. Chixe ajebu othom hama anwot-anole ngopongma, chixe chix dapa füi tiknu tuita wün ma talaxle hwom hanpakma suiti zing angkya kaxkox.

JEREMIA 1:14

Chixe ku ang thüi: “Ija haxtok ma ngole tüikya pangnu hato thama a shuakuxchi makhange tole hüiüi,

ISAIA 29:2

ifüima “Zang tö-tsap”, le nyakkya tingnu hato Zang-e thama naxapüikox. Ikhato sopkya hia mangsopkya tüiüi, ilaxle tingnu abakle wünkhut füi joxle tuita tö-tsap lailaile changüi.

EZEKEL 2:2

Ija kaxzinge zangwünle ngopongma, Zang chasa ku ma nop ilaxle ku ajong ang tom, ilaxle kue chizakle ija kaxzing atat,

EZEKEL 2:5

Ku füi alünle tüikya khünak ibue nang kax to chiapalax apalax, hwome hwom khama ajepa tuita tüikya tikle laxüi.