EZEKEL 22:4 - OTSAO BAIBEL (BSI)

⁴ Ibu mik langkyabu tokhange hünzom a thaikyabu ang changdaoa ilaxle hünzome chapabu zingle alaikya makhange hünzom a chitsaokyabu ang achangdaoa, ikhokho ma hünzom hanpak tunu nguile hüile, hünzom ang hanpak lekya ang changle! Ikhoma kue jat-libu ang hünzom chanyi-wanjaile chang ang tompu ilaxle pangnu jatlibue hünzom to dyen-nganle changpu.

EZEKEL 22:4 ပူးပေါင်းရင်းမြစ်များ

2 WANGHOMBU 21:16

Manasseh-e chemngax chichangkya khünakbu huanuma langle, ikhoma Jerusalem tingjang lomnu awangle aji jen; Judah khünaknu chapabu to shwom ang zunle paolaxle Jowanpa zongto ochax lyenle chang ang tomkya obo ang chixe ile mok.

EZEKEL 22:2

Chixe thüi: “Ziün angkya khünak, mütkop mixe awangle tüikya tingnu tuita ang kaxfün fa ang nang achwonle ngolax ma? She hama she-e mokdaokya zakkop mwot pangwüi tsaothale apua laxkox.

EZEKEL 16:57

nange mokkya ochax mwot kotok to angai thoto a? Athax nang a she lailaile: nang to miktsakle tüikya tomzi nok, Edom hia Filistia nokbu zongto nang a chanyit tuita ang changle ngole.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

DANEL 9:16

Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

EZEKEL 21:28

“Ziün angkya khünak, aje-kox. Israel nok ajaole ngokya Amon nok füi Jowanpa Khüthak Zang kue chemle akax ngopuix, ija khuapukox. Hwom hama thüikox: Thama adün angkya hanpakma changlo tuita achwonle tüile; Ija a mix lang ang tamchu zangchangjep ningle naxajep ang fwotle atsyet thomle.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

JEREMIA 18:16

Hwome ija haxtok a khompua-zadünkya oli ang achangdaoa, ilaxle pangnusae ikha othuithui hanpak ang awütdaoa. Hwom mik füi ngün ang kopkyabu thoto imakhange lekya khünakbu abütüi; abütkyae hwome khang awingüi.

MÜNCHUAK-TSAI 79:4

Tomzi chaxwanbue kwom cha nyile; hwome kwom chanyi üntoxle haole ada.

2 PUKAX-PANGAO 7:20

izuma kue nang ang koxle tüikya haxtok ija angkya kue nang apaoüi, ilaxle ku to shwom angkya kha hex-ole atsaole dankya Zangshwom-Hom kue dantoxüi. Zangfang angkya khünaknue ija wanjaile tamchu ajao-adale changüi.

1 WANGHOMBU 9:7

izuma kue hwom ang fale thomkya ija haxtok angkya Israel khünakbu achaüi. Ku to shwom angkya onui hex-ole zünle kopkya ija haxtok tamchu Zangshwom-Hom chuwüi kue danle toxüi. Khünaknue pangkha towüi Israel nok to anu-ahaile changüi ilaxle she to adix-adale changüi.

TSAITONG-KAXTONG 29:24

Ifüima zangfang pangnue atüiüi, ‘Ija haxtok to Jowanpae büthüikoxle ile hwonpuix? Ipongpong thama adünle chix mong chemkhoma tsikpuix?’

TSAITONG-KAXTONG 28:37

Jowanpae hünzom chiakle asam angkya haxtokbu to, hünzom to chemle changpuix, ija bama khünakbu ang khosamüi; hwome hünzom cha nyiüi ilaxle wanjaile changüi.

HUAKE LAIPEX 32:14

Ilaxle, athax hünzome hünpa hwom man ma, ochaxe awangkya tsünthom hozünbue Jowanpa ang tamchatle mongtsik adün ang azongpu.

LIWI 26:32

Kue hünzom haxtokbu wandangjale chang ang tomüi ilaxle ikhama ngokya hünzom zongto zanpabu tüle abütüi.

EZEKEL 23:7

Asiria nok okax-okhobu pangwüi hanpakma she a tuita haoxchai cha ang changle ngo, ilaxle she mongzoke she a Asiria nok chapabu to shwomkya mix tuita chitsaokya mixcha ang achang.

EZEKEL 23:32

Jowanpa Khüthak Zang-e thüile, “Nange hünna wansa makhange lingüi; ija a chong wüi chongle zudak tüile. Noknusae nang to kaxma thüile wanjaiüi; wansa ang awangle tüile.

EZEKEL 24:7

Tingnu ma mix mik amütkya tüikya, ikoxle aji a haxbue chwople khom ang müikya haxsha to chiadüt, ikoxle aji a longzan tok to adüt.

EZEKEL 24:8

Ija pyen ang chimüikya onui ma, ija ngünlaxle mongtsik-mongma laile changkya li khama kue ajibu toxdaoa.”

EZEKEL 36:15

Haxtoke she tha ajaole ngokya onok kax ma laxle chang angkya chichangba ija angkya khünaknue tsuile paokya ngün angkya oli chemchu müntüi. Haxtoke she ma tüikya khünak sasün hwom pale paokya müntüiüi. Ija kax, Jowanpa Khüthak Zang, kue akaxdaoa.”