EZEKEL 22:3 - OTSAO BAIBEL (BSI)

³ Ija tingnu hama Jowanpa Khüthak Zang kue akaxle ngokya ija kax apuale laxkox: Hünzome ma khünakbu huanuma mik-amütle changdaokya khoma ilaxlechu chapabu tong shwomlaxle hünzome ma alüile chitsaokya ang achangkya khoma, hünzom hato hünzom hanpak chwonle hüiüna.

EZEKEL 22:3 ပူးပေါင်းရင်းမြစ်များ

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

ZEFANIA 3:3

Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

EZEKEL 23:45

Otsao khünakbue hokhi ma chinunchakkaikya hia mix langkya kaxhux fele changüi, chemthüikoxle hokhie chinunchakkai mwot mok tamchu hokhi chak a ajie awangle tüi.”

EZEKEL 23:37

Okhie chapabu füi chinunchakkaile chang ilaxle hokhie ku ang puxle koxkya naosombu langle changdaoa. Okhie ku naosombu hwom chapabu ang tö koxle chang.

EZEKEL 22:6

Israel nok lompabu pangnusae wüi hünzom janzüi to alüile mongongle ilaxle mik amütkya mütkople.

EZEKEL 22:4

Ibu mik langkyabu tokhange hünzom a thaikyabu ang changdaoa ilaxle hünzome chapabu zingle alaikya makhange hünzom a chitsaokyabu ang achangdaoa, ikhokho ma hünzom hanpak tunu nguile hüile, hünzom ang hanpak lekya ang changle! Ikhoma kue jat-libu ang hünzom chanyi-wanjaile chang ang tompu ilaxle pangnu jatlibue hünzom to dyen-nganle changpu.

EZEKEL 12:25

Hwom füi Jowanpa ku jaoe wünüi, ilaxle kue chem akaxpuix ija mokle changüi. Ija mok angkya shenle münngo. Hünzom ozün ma tuipong ma wüi, hünzom alün-aloxle tüikyabu, hünzom ang kue chem moküihex-ole kaxkhün koxdaopuix ija kue mok angkya changpu. Jowanpa kue thüipu, ija kue akaxdaoa.”

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

EZEKEL 22:2

Chixe thüi: “Ziün angkya khünak, mütkop mixe awangle tüikya tingnu tuita ang kaxfün fa ang nang achwonle ngolax ma? She hama she-e mokdaokya zakkop mwot pangwüi tsaothale apua laxkox.

EZEKEL 23:7

Asiria nok okax-okhobu pangwüi hanpakma she a tuita haoxchai cha ang changle ngo, ilaxle she mongzoke she a Asiria nok chapabu to shwomkya mix tuita chitsaokya mixcha ang achang.

2 WANGHOMBU 24:3

Wanghompa Manasseh-e mokdaokya ochax mwotbu khoma Judah khünaknu pangwüi chix miksho angkya amüt angkya kuxmale chixe ile chang ang tom;

2 WANGHOMBU 24:4

tamnüile chu chemngax chichangkya khünakbu chixe langle changkya khoma ile chang ang tom. Jowanpae ija hanpakma Manasseh thaikya alak ang chitho.

MÜNCHUAK-TSAI 106:39

Hwom mwotbu makhange alüile hwom a chitsaokya ang achang ilaxle hwom ma Zang to ongkya mongong ojao chitüi.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?

MIKA 3:10

Hünzome mix mik-amütkya hia chisukya chifün ang lax üntoxle Zang tingnu Jerusalem zingle ngopu.