EZEKEL 22:2 - OTSAO BAIBEL (BSI)

² Chixe thüi: “Ziün angkya khünak, mütkop mixe awangle tüikya tingnu tuita ang kaxfün fa ang nang achwonle ngolax ma? She hama she-e mokdaokya zakkop mwot pangwüi tsaothale apua laxkox.

EZEKEL 22:2 ပူးပေါင်းရင်းမြစ်များ

NAHUM 3:1

Atsekya maxsax, mix mik amütkya tingnu, tsuile paolaxle ama tox angkya tuina huanuma tüile!

EZEKEL 24:9

Ija a Jowanpa Khüthak Zang-e akaxkya kax changpu: “Mix-mik amütkya nok tingnu a maxdaoa! Ku jaojao-e ha athün angkya changle.

EZEKEL 24:6

Ija a Jowanpa Khüthak Zang kax changle: “Mix mik amütkyabu tingnu a maxdaoa! Ija a shunle madaokya otuechu chiazaokya tik lailaile changle. Müifun tuita füima tuita le dokle alai, tuita chu danle chitox.

EZEKEL 20:4

“Ziün angkya khünak, nange ibu ang kaxfün fa ang achwonle tüichami? Jangtüiba ile mokkox. Hwom pu-pa hwome nushix dongkya zakkop mwotbu mokle hüikya hwome texle atat ang tomkox.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

1 TIMOTHI 5:20

Ochax lyenkyabu pangnu to tu ma sakox, ikoxle mamabuchu wüi zaüi.

WANGSHEMBU MWOT 7:52

Hünzom pupa hwome sik-chiangünkya aje tuita ngaxchu tüichahex? Chix Otsao Da tuita ngui angkya bama kai wüi apuale fakya Zang kaxho mixbu hwome lang. Athaxchu wüi hünzome chix khohang ilaxle langdaoa.

MATHI 27:25

Noknue lan: “Chix zikya khoma sikngün kwom hia kwom susabu hato naxngui kox!”

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

2 WANGHOMBU 21:16

Manasseh-e chemngax chichangkya khünakbu huanuma langle, ikhoma Jerusalem tingjang lomnu awangle aji jen; Judah khünaknu chapabu to shwom ang zunle paolaxle Jowanpa zongto ochax lyenle chang ang tomkya obo ang chixe ile mok.

KAXHO MÜIKYA LUK 11:50

Chaxwannu zingpong tokhange wüi ajebu pangnu langkya khoma athaxpongkya khünaknu sikangün angkya changle.

MATHI 23:35

Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

JEREMIA 2:34

Hünzom nyizabu a chem chitsingkya mixshix hia zasa hwom aji füi akhik laxle tüile, ahuxmix hwom aji füi münchang. “Ikoxlechu ibu pangnu lüi to,

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

EZEKEL 11:6

Nange ija tingnu ma khünak huanuma langdaoa ikhoma tingjang lomnu a mange awangle tüile.

EZEKEL 22:1

Jowanpae ku füi akax.

EZEKEL 22:3

Ija tingnu hama Jowanpa Khüthak Zang kue akaxle ngokya ija kax apuale laxkox: Hünzome ma khünakbu huanuma mik-amütle changdaokya khoma ilaxlechu chapabu tong shwomlaxle hünzome ma alüile chitsaokya ang achangkya khoma, hünzom hato hünzom hanpak chwonle hüiüna.