EZEKEL 21:3 - OTSAO BAIBEL (BSI)

³ Jowanpae akax ngokya ija kaxkhün laxkox: Ku hünzom zanpa changle. Kue ku changlo syetüi ilaxle chimüikya khünak hia müikya khünak tomwüile, hünzom pangwüi langle changüi.

EZEKEL 21:3 ပူးပေါင်းရင်းမြစ်များ

JEREMIA 21:13

Nang, Jerusalem, haxsha ma longnu kho lwotle laikya ningle, haxtsua-zangthale thung-ngotüi. Ikoxlechu ku nang füi azanpu. Nang to owaechu münsingtsuak chichangba pan daple dong ang münthole nange thüitüi.

NAHUM 3:5

Jowanpa Khüthak Zang-e thüile, “Ninewi, kue nang to sikangünüi! Kue nang to kokolan le fitüi ilaxle jatlibue hünzom ngün ang tomüi, hünzom zakmax thünbakya pangwüi ngün ang koxüi.

NAHUM 2:13

“Ku a hünzom zanpa changpu! Kue hünzom man-kanlinbu zokle ashunüi. Hünzom süpahibu a zanhok ma max ang tomüi, ilaxle nange mixkux laxle tüikya pangwüi kue tsuile paoüi. Hünzom kaxhomixbu zingzua athax tam-münatat”, le Jowanpa Khüthak Zang-e thüile

EZEKEL 5:8

Ikhoma Jowanpa Khüthak Zang kue nang füi, ku a nang zanpa changpule akax ngopu. Pangnu jat-lie ngünle kue hünzom to kaxfün fakya tüiüi.

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

ZEFANIA 2:12

Jowanpae Etheopia nokbu zi ang tomüi.

EZEKEL 26:3

“Athax ija a, ku, Jowanpa Khüthak Zang-e akax ngokya kax changle: Tair tingnu, Ku a hünzom zanpa changpu. Chaxwannu nokbu kue hünzom tingtak ang ahüiüi, ilaxle hwom a tinu-tichap lailaile nguiüi.

EZEKEL 21:19

Chixe thüi: “Ziün angkya khünak, Babilon nok wanghompa chix changlo füi ngui ang tho angkya lomkua anyi to shin koxle thomlax. Pangnyi wüi onok tuita makhange owang wang angkya changpu. Ija lompong-fak ma lomkua mün apütle thomkox.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

JEREMIA 51:25

Babilon, nang a chaxwannu pangnu amütkya haxnu tuita ningle changle, ikoxlechu ku, Jowanpa a nang zanpa changpu. Kue nang to künle kopüi, kue nang a hax to anamüi, ilaxle lajuak ang achangle dantoxüi.

JEREMIA 51:20

Jowanpae thüile, “Babilon, nang a ku jantu changpu, azan pongma ku chang-hi-pax a. Kue nang a chaxwannu nok jat-li hia wangtingbu thuple akhix ang twonpu,

JEREMIA 50:31

“Babilon nok, hünzome a ongame awangle tüile, ikhoma Jowanpa Khüthak Zang, ku a nang zanpa ang changdaoa! Nang to sikangün angkya ku hanpak nguile hüidaoa.

ISAIA 34:5

Jowanpae chix changlo zangkangting to achwonle tüile, athax ijae Edom to thupüi; ibu khünakbu a amüt angkya wüile ahaidaokyabu changle.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

HWON-NWOT-JAONO 9:2

Kem osho tuitata wüi. Otsao hia ochax khünak, müikya hia chimüikya khünak pangnusa hato osho talailaikya wüi hüile, opang otsao hex ilaxle opang otsao chichangpuix, opange töbu koxpuix ilaxle opange chikox puix. Müikya khünak tuita a ochax khünak tuita füi amüikya le münchang; tsaosaxkya khünak tuita tsao chisaxkya khünak tuita füi amüikya le münchang.

MÜNCHUAK-TSAI 17:13

Jowanpa, hüihüi! Ku zanpabu to abaxkox üntoxle hwom to lütkox! Nang changlo füi baozangbu chak tokya ku khosünkox.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

LAIPAO 15:9

Zanpabue thüi: ‘Kue hwom to achuaüi ilaxle kopüi; kue hwom tuina ahanüi ilaxle ku mong ma atsutsu laxüi; Kue ku changlo danüi ilaxle hwom ma atüitüi komle laxüi.’

ISAIA 57:1

Müikya khünaknu zile paole, ikoxle owaechu ija müntik chichangba ija tuitexkya mix tuita chitüi. Ikoxle chemtue hwom zile paopuix, jaopo sikngün chemechu hwom to mak-kha ang chitho.

EZEKEL 13:8

Ikhoma Jowanpa Khüthak Zang-e hwom füi akax: “Hünzom zangwün a othai, ilaxle hünzom mikngün a othai changle. Ku a hünzom zongto zanpa changle.

EZEKEL 29:10

Idaile ku a nang tamchu Nail shuanu zanpa changpu. Shuakuxchi Migdol tingnu makhange shuathongchi Aswan tingnu alople, Etheopia nok longzipong to leüi lomjang fole, kue Ijip nok abakle laxli chitüile awütle thomkya haxtok ang achangüi.

MÜNCHUAK-TSAI 80:17

Nange zünle kopkya khünakbu panle thom hüi ilaxle hwom kho-awale changhüi, nange tsak-zong ang tomkya jat-li tuita a.

MÜNCHUAK-TSAI 83:15

nang zangchei füi hwom jwonle apaokox ilaxle nang zangchei cheinu füi hwom chabüt-lasün ang tomkox.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

EZEKEL 24:9

Ija a Jowanpa Khüthak Zang-e akaxkya kax changpu: “Mix-mik amütkya nok tingnu a maxdaoa! Ku jaojao-e ha athün angkya changle.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

AMOS 7:4

Jowanpa Khüthak Zang tokhange kue mikngünohün mama ngün. Ijama kue, chix a chix khünakbu to wün füi sikangün ang achwonle ngokya ngünle lax. Ija wüne hax fang to tüikya molo tinu zokle ashun ilaxle haxza zokle ashun ang owang wangle ngün.