EZEKEL 2:6 - OTSAO BAIBEL (BSI)

⁶ “Ikoxlechu, ziün angkya khünak nang, hwome tütale wüi akaxkoxle chu hwom thua za angkya oli münchang. Hwome nang ajao-ahaile changüi; ija a tuita twonsi zyem khato ozün ma ngokya ningle changüi. Ikoxlechu, alün-aloxle tüikya khünak ibu thua tamchu hwom zangwün thoto nang za-ngo angkya oli münchang.

EZEKEL 2:6 ပူးပေါင်းရင်းမြစ်များ

JEREMIA 1:8

Hwom thua taxza, chem, thüikoxle nang kho awa ang ku nang füi ngo angkya changle. Jowanpa, kue, ija akaxpu!”

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

1 PITAR 3:14

Ikoxle sukya mwot khoma hünzome sikngün apong angkya jangchang thüiba, hünzom otukuxkya mohiman! Owa thuachu taxza üntoxle taxaban.

2 TIMOTHI 1:7

Chemthüikoxle Chasa oja Zange kem ang fapuix, chixe kem thünbat chitsuakkya mix ang münachang; itülüi, chix chasae tsakzong, mongkün ilaxle malualua to akumathumkya füi awang ang koxle.

KAXHO MÜIKYA LUK 10:19

Hulax, pu hia twonsi dingma aham ang üntoxle zan tsakzong pangnu to lüt angkya kue hünzom ang zong koxdaoa, ilaxle tütaechu hünzom thom münzünüi.

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

JEREMIA 1:17

Achwonlax, Jeremia; paokox ilaxle kue nang ang akax angkya kaxtom fale tüikya hwom hama pangwüi akaxkox. Athax hwom thua zale taxngo, chichangba nang hwom füi ngole tüipongma kue nang sisi mix zale chang ang tomüi.

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

WANGSHEMBU MWOT 4:29

Idaile athax, O Jowanpa, hwome kwom to aza-anakya awan kop hüi üntoxle kwom nang dabu ang chem zazyenkya chitüi le nang kaxho apuk angkya mongchyen koxhüi.

ISAIA 9:18

Kongbüi hia hux pünbu zokle ashunkya wün lailaile khünaknu chichang-chizangkyae zokle ashunle. Tsan shunkya wünkhut othwom-othwom ma dongkya lailaile ijae zokle ashunle.

IBRI 11:27

Wanghom küntsik mongma thua ojao chizale, mongong makhange Mosa-e Ijip chaxwan danle tox. Mike chingüntsuakkya Zang ngünle laxdaokya tukuxle tamchat mong chidong le chix adu.

EZEKEL 28:24

Jowanpae thüi: “Israel nok aza-anale ngokya tomzi nokbu owachu hwom zongto hux hia kongbüibu ang achang laxle hwom to makkha le changkya athax müntüiüi. Ilaxle hwome ku a Jowanpa Khüthak Zang changpule awanle laxüi.”

2 WANGHOMBU 1:15

Ifüima Jowanpa kaxtaimixe Elija ang thüi: “Chix füi tomle jukox. Chix thua zale taxngo.” Ifüima Elija achexle wanghompa hato ju.

FILIPI 1:28

Hünzom zanbu thua taxza; jento mongchongle ngolax. Ile changkoxtix hünzome hwom to anaoüi ilaxle hwom chithokya ang achang angkya changle le hwome ngün ang kopüi, chemthüikoxle hünzom ang anao angkya zong a Zange fa angkya changle.

EFISIA 6:19

Ku akax ang achwonle ngoponge Zange ku ang kaxho fale; Kaxho Müikya huxsa zangwün tsing ang koxle, ku mongchongle akax tsuak angkya kuxma ku hanpakmachu wüi jop-hüi.

WANGSHEMBU MWOT 4:19

Ikoxle Pitar hia Juhan nyie hwom kax to lan: “Kwome hünzom kax ma laxüi hia Zang kax ma laxüi, hünzome hünzom lualua to zangwün tsuakle fahüi.

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

KAXHO MÜIKYA LUK 12:4

“Ku zuikhuibu, kue hünzom ang thüipu, owae tsangtsa lang ang tsuakpuix, ikoxle ija to akaile chemchu mok ang chitho, ibu thua taxza.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

JEREMIA 6:28

Hwom a khop hia jan ningle tsakle tüikya mongwüi khüi tangtangle alün-aloxle tüikyabu changle. Hwom pangwüi khuafaole ahamkya hia za-amanle ngokya füi komkaile amadaoa.

MIKNGÜN-OHÜN 9:10

Twonsi lailaile hwom ma müikua hia opax tüikya, ilaxle lyet jang aga khünaknu zothup angkya tsakzong a hwom müikua ma tüikya.

EZEKEL 24:3

Kax ma chilaxle tüikya ku khünaknu hama, Jowanpa, Khüthak Zang, kue hwom hanpak ang thomkya ija kaxpan wünle laxkox: Tik a wün ma takox ilaxle ija ma ti awang kox.

KAXHO MÜIKYA LUK 11:12

Chichangba chixe oti tuita jukoxle, chix ang twonsi tuita koxüi hi?