EZEKEL 2:5 - OTSAO BAIBEL (BSI)

⁵ Ku füi alünle tüikya khünak ibue nang kax to chiapalax apalax, hwome hwom khama ajepa tuita tüikya tikle laxüi.

EZEKEL 2:5 ပူးပေါင်းရင်းမြစ်များ

EZEKEL 33:33

Ikoxle chemtue nang zangwünbu komkaile changle ngaipuix: ibu pangwüi changle ngaiüi jaojao: imatix hwom khama ajepa tuita tüikya changdaongüna le hwom awanle laxüi.”

EZEKEL 3:27

Ifüima, chemtue kue nang tamchatle zangwün tamchu nang wün ang tsuakle chang ang tomüihex, Jowanpa Khüthak Zang-e akaxle ngokya kax nange hwom hato hoüi. Züizüie nang kax to apaüi ikoxle züizüie ojao chiapaüi, chemthüikoxle hwom a alün-aloxle hüikya jat-libu chang koxle.”

JUHAN 15:22

Ku nguilaxle hwom füi chiakaxkya hex thüikoxba, hwom achaxkya chitüise; ikoxlechu athax a hwom ochax khoma paole azang tsuak angkya olom müntüi.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

EZEKEL 2:7

Kue nang hama chem akaxpuix, nange ibu hwom hama wün angkya changle; hwome chiapakya hia apakya ma chem müntüi. Hwom a chemningle alün-aloxle tüikya khünakbu hex texle ataklax.

ROM NOK HATO ZAKYA POL LAIZA 3:3

Hwom züizüie chiong thüikoxchu chem; ile hwome chiongkya khoma Zang müntüile hia?

EZEKEL 33:9

Nange ija ochax khünak ang kaxkhün kox ikoxlechu chixe chix lomtang danle chitox, chix a ziüi, ikoxle nang khang a azangüi.”

EZEKEL 3:19

Ikoxle nang ija ochax khünak ang kaxkhün kox ikoxlechu chixe ochax mwot mokle wüi ngo, chix a ochax ma wüi ziüi, ikoxle ija khoma nang ma tsaitox kaxfekya müntüiüi.

JEREMIA 36:21

Ifüima wanghompa-e ija laitün apüi ang Jehudi tsanle apao. Chixe Elishamah nui angkya ija lax ilaxle chixe ija wanghompa hia ikhama chix akhople thungle tüikya nguakax-wangkhobu pangnu hato e-le apua.

JEREMIA 42:19

Kue chizakle wünle le: “Judah ma danle toxkya khünaknu, hünzom a Ijip nok to chika angkya Jowanpae akaxle. Ilaxle kue athax hünzom ang kaxkhün koxpu,

EZEKEL 12:9

Chixe thüi: “Ziün angkya khünak, athax Israel nok ibu alün-aloxle tüikyabue nang chem mokpuix ija bama atüile,

EZEKEL 44:6

“Alün-aloxle tüikya Israel khünakbu füi, hwome mokle hüidaokya nushix dongkya mwotbu füi Jowanpa kue adu tsuak angkya münchangle thüikox.

2 WANGHOMBU 5:8

Chemtue ile changkya ajepa Elisha-e atatle laxpuix, chixe wanghompa hato kax akat: “Nang ang büthüikoxle mongmapu? Ija mixsün a ku hato akat-hüi. Kue chix hama Israel nok ma ajepa tüile ngokya ahole faüi!”

EZEKEL 3:26

Ibu alün-aloxle tüikya khünakbu hato kaxkhün zangwün fakya chitüi angkya hanpakmale kue nang le atangle thomüi.

EZEKEL 17:12

“Athax kople mongong matüikyabu ma hwome ija kaxpan hanpak awanchahex atüihu. Babilon nok wanghompa Jerusalem to nguilaxle wanghompa hia chix nguakax-wangkhobu koplaxle Babilon to chat angkya hwom hama apuakox.

EZEKEL 24:3

Kax ma chilaxle tüikya ku khünaknu hama, Jowanpa, Khüthak Zang, kue hwom hanpak ang thomkya ija kaxpan wünle laxkox: Tik a wün ma takox ilaxle ija ma ti awang kox.