EZEKEL 17:3 - OTSAO BAIBEL (BSI)

³ Jowanpa Khüthak Zang, kue hwom füi akax ngokya ija kax awanle lax ang tomkox: Lawang chongkya tuita okui müi wüi müile tamchu ozang tüpong khaole pünle tüikya. Ija Lebanon Haxnukho to pi ilaxle sedar pünnu kho apak.

EZEKEL 17:3 ပူးပေါင်းရင်းမြစ်များ

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

JEREMIA 48:40

Ozang pünlaxle olae shingkya ningle onok tuitae Moab to shing angkya Jowanpae tsaodaoa,

DANEL 4:22

“Wanghompa, tüle tsuale tamchu tsakle tüikya ija pün a nang changle. Nang a zangkho alople jao chuakle tsongdaoa, ilaxle nang tsak-zong a zangfang pangnu to ole tüile.

EZEKEL 17:7

“Anaole chuwüi okui-ozang khaole hia omun tütle tüikya Ola-lanu mama tuita tüikya. Athax ami ija nyem pongkya tsawat khama tüikya füi onüi ti kopüile mongong üntoxle athaxpi chixe ma püntsing ija hato ajo ilaxle ochakbu chix hato ahüi.

MATHI 24:28

Müimang atüitüi khato okun kang afoxpu.

DANEL 7:4

Pongwang angkya müi a mailang lailaile ngün, ikoxlechu ola ningle ozang füi tüi. Kue hule ngopongma ozang ibu a dütle pao. Ija müi ding to nom ilaxle tangthole ajong ang tom. Ifüima ija ang khünak khangka kox.

DANEL 2:38

Zangfang ma tüikya khünak-mixsa, müi-nyax hia o-ju ibu pangwüi thakma apün-awang angkya mix ang chixe nang zingpu. Chapa angkya hun khang a nang changle.

MANGSOP 4:19

Zangdingkho tokya lawang zangshop laxle jukya füi ngaxchu sütsexle momle hwome kwom achuale ajo. Haxnukho tokya hwom kwom mantole ju; hwome kwom to sak-hax ma allele shing.

JEREMIA 49:16

Hünzom mongngame hünzom dyendaoa. Hwom za-ngo tüiangpule hünzom mongto thütkya ningle hünzom thua owachu münza. Hünzom zakkho to ngokyabu, haxnukho atsuakya khato a; ile hünzom ola büta ding to tsuale ngoünbachu, Jowanpae hünzom a hax to athaiüi. Ija kax Jowanpae akaxdaoa.”

JEREMIA 24:1

Jowanpae ku hama fupsa ziak awangle sholaxle Zangshwom-Hom tunthoma tsong anyi aho. (Ija a Babilon wanghom Nebukadnezar-e Jehoiakim sasün, wanghompa Jehoiakin, Jerusalem angkya Babilon nok to zanda ang kople paokya füima changkya. Chix füi tomle Judah nok lompabu, zingzing mankya khünakbu tamchu mwot olom awanle mokkya khünakbu tüihukya.)

JEREMIA 4:13

Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

TSAITONG-KAXTONG 28:49

Jowanpae hünzom füi azan ang haxtua-zangnam tokya jat-li tuita apüiüi, ija a hünzome hwom kax-ngao ojao chitsingkya jat-li tuita. Hwome hünzom to olae o to shingpupule shingüi.

MATHI 4:24

Chix bama kaxho Siria haxtok pangnu khato wüi pu; malili kaklak füikya khünakbu, haxshix chasa füikyabu, kakma kakkyabu tamchu angwonbu hwome chix hato apüi; Jisu-e ibu amüi.

EZEKEL 17:4

Chixe ija thalex nok to nwonle pao ilaxle hangjole chang angkya tingnu ma dan.

EZEKEL 31:3

Nang a Lebanon angkya sedar pünnu tuita lailaile, Tüle osün müile, omua müikya pünkangbue awangle, Zangfwom to thule ojang tüle lole.

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.