EZEKEL 14:9 - OTSAO BAIBEL (BSI)

⁹ “Ajebu owawae othai kaxlan fa angkya dyenle jangchang, ija a Jowanpa, kue hwom dyenle thomkoxle changpu. Kue hwom a Israel nok tukha angkya atsai ang tomüi.

EZEKEL 14:9 ပူးပေါင်းရင်းမြစ်များ

EZEKEL 20:25

“Ifüima kue hwom ang chimüikya wanlombu kox ilaxle khüzün chikop angkya kaxtombu kox.

JEREMIA 4:10

Ifüima kue akax: “Khüthak Jowanpa, nang Jerusalem angkya khünaknu komkaile dyendaoa! Nang tumüi tüiüihex-ole thüi: ikoxle hwom dingkux ma changlo tüile.”

EZEKEL 16:27

“Athax kue nang to sikangün ang ku chak nwonpu ilaxle nang tsyen mohiman kue laxlaxtox angkya changle. Kue nang a, nang füi tomle nushix dongkya mwotbu mokle hüikya Filistia nokbu chak to koxdaoa.

JEREMIA 14:15

Kue chiahüikya ajebu opange ija haxtok hato ochax-ozan hia woknuak-tilan münhüipule ku mün ma zangwünle changdao laxpuix: hwom a kue ochax-ozan hia woknuak-tilan ma max ang tomüi; ile hwom to kue chakmokle chang angkya Jowanpa kue nang hama akaxle ngopu.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

ISAIA 9:21

Manasseh hia Efraim khünakbue tata to single changüi, ilaxle hokhi athütlaxle Judah to singüi. Itukuxle changkox-ngaxchu Jowanpa mongtsik münbaktox; athaxchu chix chak a hwom to sikangün ang ajong lüwüi tüile.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

JOB LAIPEX 12:16

Zang a othuithuima tsak-zongle ngokya chitho-jalün; dyenkya khünak üntoxle owato dyen puix, hokhi pangnyi chixtsak chixzong ma tüipu.

2 PUKAX-PANGAO 18:22

Ilaxle Mikaiah-e ashukle thüi: “Chemle changpuix ija a ile changpu. Ibu nang ajebue nang hama othai ajele chang angkya a Jowanpae tsuakle thomdaoa. Ikoxlechu chix jaojaoe nang füi mikmüt apong angkya kaxfün tsuakle koxdaoa!”

JEREMIA 6:14

Hwome ku khünaknu janthün a muale büizüikya man ningle ahole. Chemli chu müile chitüikya tuke, hwome pangwüi müile tüile le thüile.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

EZEKEL 14:10

Ajebu hia hwom ma tsaitik-kaxshole changkyabu pangwüie sikngün tomwüi apongüi.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

ZEKARIA 13:3

Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

EZEKEL 13:9

Hünzom othai mikngün ngünle ngokya hia othai jekax hole ngokya ajebu, kue hünzom to sikangünüi khakha. Ku khünaknu tsaifün-kaxwünle changkya khama hünzom müntüiüi; hünzom mün a Israel nok nokpubu mün khato müntüiüi; hünzom a hünzom chaxwan to chatle tam-münchat. Ifüima hünzome ku a Jowanpa changle le awanüi.

EZEKEL 14:5

Chapa ibu khokho ma Israel noke ku hato tok aho angkya laipu, ikoxlechu ku kaxlan makhange hwom ku kax ma laxle ngo ang mongchatle ahüiüile ongpu.