EZEKEL 13:8 - OTSAO BAIBEL (BSI)

⁸ Ikhoma Jowanpa Khüthak Zang-e hwom füi akax: “Hünzom zangwün a othai, ilaxle hünzom mikngün a othai changle. Ku a hünzom zongto zanpa changle.

EZEKEL 13:8 ပူးပေါင်းရင်းမြစ်များ

EZEKEL 21:3

Jowanpae akax ngokya ija kaxkhün laxkox: Ku hünzom zanpa changle. Kue ku changlo syetüi ilaxle chimüikya khünak hia müikya khünak tomwüile, hünzom pangwüi langle changüi.

EZEKEL 5:8

Ikhoma Jowanpa Khüthak Zang kue nang füi, ku a nang zanpa changpule akax ngopu. Pangnu jat-lie ngünle kue hünzom to kaxfün fakya tüiüi.

NAHUM 2:13

“Ku a hünzom zanpa changpu! Kue hünzom man-kanlinbu zokle ashunüi. Hünzom süpahibu a zanhok ma max ang tomüi, ilaxle nange mixkux laxle tüikya pangwüi kue tsuile paoüi. Hünzom kaxhomixbu zingzua athax tam-münatat”, le Jowanpa Khüthak Zang-e thüile

EZEKEL 35:3

Ku, Jowanpa Khüthak Zang-e akaxle ngokya kax ija khünaknu hama wünkox: “Ku a hünzom zanpa changle, Edom angkya haxnubu! Kue nang a khünak chingole awüt thomkya haxtok ang achangüi.

EZEKEL 28:22

Jowanpa Khüthak Zang kue hwom füi chemle akaxpuix, ija ku kax ikha ma tüikya khünakbu hama wünkox: Sidon, ku a nang zanpa changle, nang to chemle hwonpuix, ija bama khünaknue ku achuakle changüi. Nang ma ngokya khünaknu to zothuple changkya makhange otsao changle le ahokya tokhange hwome ku a Jowanpa changpule awanle laxüi.

EZEKEL 26:3

“Athax ija a, ku, Jowanpa Khüthak Zang-e akax ngokya kax changle: Tair tingnu, Ku a hünzom zanpa changpu. Chaxwannu nokbu kue hünzom tingtak ang ahüiüi, ilaxle hwom a tinu-tichap lailaile nguiüi.

1 PITAR 3:12

Otsao khünakbu khangkho ma, Jowanpa-e nyele ngole; ilaxle hwom zangjop to apale; ikoxlechu ochax mokkyabu to chixe abaxle.”

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

1 TIMOTHI 4:1

Athax füichi ma züizüi khünakbue mongong danle tox angkya kax Chasae tsaotha le akax; “ibue atsekya chasabu kax ma laxüi ilaxle haxshix hwon-nwot lom ma leüi.”

EZEKEL 39:1

Jowanpa Khüthak Zang-e thüi: “Ziün angkya khünak, Gog tha ajaokox. Chix a Meshek hia Tubal nokbu lompa tüichong changle, ilaxle ku a chix zanpa changpule thüikox.

EZEKEL 29:10

Idaile ku a nang tamchu Nail shuanu zanpa changpu. Shuakuxchi Migdol tingnu makhange shuathongchi Aswan tingnu alople, Etheopia nok longzipong to leüi lomjang fole, kue Ijip nok abakle laxli chitüile awütle thomkya haxtok ang achangüi.

JEREMIA 51:25

Babilon, nang a chaxwannu pangnu amütkya haxnu tuita ningle changle, ikoxlechu ku, Jowanpa a nang zanpa changpu. Kue nang to künle kopüi, kue nang a hax to anamüi, ilaxle lajuak ang achangle dantoxüi.

1 WANGHOMBU 13:18

Ipongma Bethel angkya azupa aje-e thüi: “Ku chuwüi nang lailaikya ajepa tuita changpu, ilaxle Jowanpa kaxtaimixe nang a ku hom to se ilaxle fong asüt angkya ku füi akaxle changdaoa.” Ikoxle ija azupa aje a atsingle akaxkya changkya.

JEREMIA 21:13

Nang, Jerusalem, haxsha ma longnu kho lwotle laikya ningle, haxtsua-zangthale thung-ngotüi. Ikoxlechu ku nang füi azanpu. Nang to owaechu münsingtsuak chichangba pan daple dong ang münthole nange thüitüi.

JEREMIA 23:30

Ta-ta zangwün koplaxle ibu ku kaxho changpule apukkya ajebu zongto ku a zanpa tuita changle.

JEREMIA 29:31

Shemaiah bama kaxho ija Babilon nok to tüikya zanda ang ngokya khünaknu pangnusa hato akax angkya akax: “Ku, Jowanpae Shemaiah hia chix sixli hwom pangwüi to sikangün angkya changle. Kue chix chiakat, ikoxle chix a tuita ajepa tangtang ningle chixe hünzom füi akax, ilaxle chixe hünzom ang othai to mongong ang tom. Hünzom khama chix ang osix-oli chemchu müntüi angkya changle. Ku khünaknu hanpakma kue müikya mwot mokkya ngün angkya hanpakma chix ozün ma münngoüi chemthüikoxle chixe hwom ang ku zan to ka angkya akax. Ija kax, Jowanpa, kue akaxdaoa.”

EZEKEL 34:10

Ku, Jowanpa Khüthak Zang-e ngaipu, ku a hünzom zongto zanpa changle. Kue hünzom chak angkya ku chunbu paoüi ilaxle otuechu hünzom ang ibu nye ang müntom; kue hünzom ang mapakpak tikle ngo ang otuechu müntom. Kue hünzom chak tokya ku chunbu kho sünle kopüi ilaxle hünzom ang ibu sax ang müntomüi.