EZEKEL 13:2 - OTSAO BAIBEL (BSI)

² Chixe thüi: “Ziün angkya khünak, malualua to ajele ngokya Israel nok ajepabu awütdao. Hwom ang Jowanpa kax to apale chang angkya akaxkox.”

EZEKEL 13:2 ပူးပေါင်းရင်းမြစ်များ

EZEKEL 13:17

Jowanpae akax: “Athax, ziün angkya khünak, hünzom khama füichi hanpak kaxho fale aje ngokya ajenubu to hulax. Ibu awüt toxdao

JEREMIA 37:19

Nang to tamchu ija haxtok to Babilon noke single münchangpule nang hama ajekya nang ajepabu to chemthüi?

EZEKEL 22:28

Homzai mixbue katuk to thun füi pale atsyet toxkya ningle ajebue ibu ochaxbu pyenle thom. Hwome mikngün-ohün othaibu ngün ilaxle othaibu aje. Hwome Jowanpa Khüthak Zang kax taipu le akaxle, ikoxle Jowanpa kue hwom füi zang ojao chiwün.

EZEKEL 22:25

Lompabu a, mailangbue hwome langle changdaokya müi to tsele ahungkya ningle changle. Hwome khünakbu lang, ibu kux tuina tsuakpupu hwome lax, ilaxle hwom chak ma maxkya khünakbue kakonubu thanucha ang achangle dantoxkyabu huanuma tüi.

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

ISAIA 1:10

Jerusalem, nang apünkyabu hia nang khünaknu a Sodom hia Gomorah nok ningle. Jowanpae hünzom füi chemle akaxpuix ito apalax. Kem Zang-e chem anwot-anopuix, ito mongkoxlax.

ZEFANIA 3:4

Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:6

“Ajepahom, hünzom hanpak zanghan a kaipu; hünzom zanghannu a dütüi khakha. Hünzome ku khünaknu ochei lom to zunle paokya khoma, athaxpi hünzom ang ajekya zakdaoüi, ilaxle hünzome füichi hanpak bama chemchu akax ang münthoüi.”

EZEKEL 34:9

Ikhoma hünzom chunnyetmixbue ku kax to apahüi.

EZEKEL 34:7

“Athaxpi, hünzom chunnyetmixbu, kue hünzom füi akaxle ngokya kax to apahüi.

EZEKEL 13:3

Ija a Jowanpa Khüthak Zang-e akaxkya kax changpu: “Ongat ajepabu maxpu! Hwome alüile hwom mongkha tokya zang wünle ilaxle ma mikngünbu zingle alaile.

MANGSOP 4:13

Ikoxlechu ija changle tsuak, chemthüikoxle she ma tüikya ajebue ochax lyen ilaxle nguapabue thaile mok, ija khokho male chemngax chichangkya khünaknu mik max.

JEREMIA 27:18

Khünak ibu a ku ajebu tsingtsing jangchang tamchu hwom ma ku kaxho tüile jangchang, Zangshwom-Hom angkya tuina hia wanghom homlo angkya thanu-juapabu Babilon nok to chipaole onui ma wüi ngo ang tom angkya bama hwome ku füi zangwün ang laxkox.” (

JEREMIA 27:14

Chix chak to chikox kox wüi müi angkya changpule akaxkya ajebu kax to hünzome nathale taxchang. Hwome hünzom dyenle ngopu.

JEREMIA 23:2

Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 28:14

Hünzom Jerusalem ma tüikya khünak ibu thakma apünkya ajao-adale tüikyabu, Jowanpae chem akaxpuix ija to apalax.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

EZEKEL 13:1

Jowanpae ku füi akax.

EZEKEL 16:35

Athax tsangtsa hangkya mixcha ang ngole tüikya Jerusalem nang! Jowanpa zangwün to apalax.