EZEKEL 12:3 - OTSAO BAIBEL (BSI)

³ “Athax, ziün angkya khünak, pünpao tuita ningle nang hün zinglax ilaxle zangngai mik ma wüi achexle paokox. Nang achexle mama khato paoüi pangnusae ngün ang laxkox. Owatsing ibu alün-aloxle tüikya khünakbue nang ngün ang kopüi.

EZEKEL 12:3 ပူးပေါင်းရင်းမြစ်များ

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

JEREMIA 26:3

Owatsing khünaknue apa laxle chichang-chizangkya hwom lomtangbu danle toxle chu changtsuak. Hwome ile jangchang, hwom chichangchizangle tüikya mwotbu khoma kue hwom hato thama apüi angkya katzua laxle ngokya ku kün-mong alople changüi.”

KAXHO MÜIKYA LUK 20:13

Ifüima grep haxtok hopunue thüi: ‘Kue chemle hwonüi? Kue ku mongkün kusa akatüi; hwom chix chathua zaüi changtüi angpu!’

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

KAXHO MÜIKYA LUK 13:34

“Jerusalem! Jerusalem! Nange ajebu lang, nang hato Zange ahüikya kaxho mixbu longe thuple lang! Onue osabu to akhuple womkya ningle, kue nang khünaknu nok to tamle ku chake künse le texhupu; ikoxlechu hünzome ku ang ile kün ang chifa!

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

JEREMIA 27:2

zu ang müikhwon zu ilaxle pün danglang asakle dangzem zinglaxle ija ku dingkux ma alik angkya ku füi akax.

MÜNCHUAK-TSAI 81:13

Ku khünakbue ku kax ma laxle namtüibae texkox chemning chitüi; hwome ku kax ma laxle kangtüibae texkox chemning chitüi!

TSAITONG-KAXTONG 32:29

Hwom to büthüikoxle lütpuixle hwome chingüntsuak; chempangle changpuix hwome ojao chitsing.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

JEREMIA 10:17

Jerusalem angkya khünaknu, hünzom a hwople kopüi khakha! Ma tuinabu afoxlax.

EZEKEL 3:27

Ifüima, chemtue kue nang tamchatle zangwün tamchu nang wün ang tsuakle chang ang tomüihex, Jowanpa Khüthak Zang-e akaxle ngokya kax nange hwom hato hoüi. Züizüie nang kax to apaüi ikoxle züizüie ojao chiapaüi, chemthüikoxle hwom a alün-aloxle hüikya jat-libu chang koxle.”

EZEKEL 12:7

Jowanpae ku füi chemle akaxpuix ija ningle kue mok. Ija nyix kue pünpao tuita pao ningle ku hünzing, ilaxle ija hansong ma zangnak hüile changpongma kue ku chak füi katuk wo ilaxle laile pao. Khünak noknusae hule ngopongma, kue ku hün suakto ma dan ilaxle achexle pao.

EZEKEL 43:11

Ile hwome mokkya füi hwom azakle jangchang, ija Zangshwom-Hom zaile alaikya füikya zangwün: ija homnop hia fülombu, ojong-odün hia nuilua malom-malom zaile tüikyabu, ija ma mok-mo angkya wanlombu, ibu pangwüi bama angaile laxkox. Ibu pangwüi hwom hanpak ang noke ngün ang kopkya khama zale koplax ijaningle hwome ngünle naxlax tamchu wanlom ibu to le naxmok.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

EZEKEL 3:26

Ibu alün-aloxle tüikya khünakbu hato kaxkhün zangwün fakya chitüi angkya hanpakmale kue nang le atangle thomüi.