EZEKEL 11:5 - OTSAO BAIBEL (BSI)

⁵ Jowanpa chasae ku to akumathum, ilaxle Jowanpae ija kaxho khünakbu hato apua angkya ku hama akax: “Israel khünaknu, hünzome chem akaxpuix tamchu chempang mwotlom zingle ngopuix kue awan ngopu.

EZEKEL 11:5 ပူးပေါင်းရင်းမြစ်များ

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

EZEKEL 2:2

Ija kaxzinge zangwünle ngopongma, Zang chasa ku ma nop ilaxle ku ajong ang tom, ilaxle kue chizakle ija kaxzing atat,

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

EZEKEL 8:1

Kwom zanda ang kople paokya zanglao azok lükya lyetkua azok ma nyix aga lükya to, Judah nok angkya zandabu khama lompabu ku füi tomle ku hom ma thungle tüikya. Allele Jowanpa Khüthak Zang zong ku hato hüi.

EZEKEL 3:27

Ifüima, chemtue kue nang tamchatle zangwün tamchu nang wün ang tsuakle chang ang tomüihex, Jowanpa Khüthak Zang-e akaxle ngokya kax nange hwom hato hoüi. Züizüie nang kax to apaüi ikoxle züizüie ojao chiapaüi, chemthüikoxle hwom a alün-aloxle hüikya jat-libu chang koxle.”

EZEKEL 3:24

ikoxle Zang chasa ku ma ngui ilaxle ku ajong. Jowanpae ku ang thüi: “Hom to chatlax ilaxle nang hom hak üntoxle ngolax.

EZEKEL 3:11

Ifüima nang a zanda ang kople paothomkya nok hato paokox; hwome chiapakox apakox, ku Jowanpa Khüthak Zang-e hwom füi chemle akax ngopuix ibu apuale laxkox.”

EZEKEL 2:7

Kue nang hama chem akaxpuix, nange ibu hwom hama wün angkya changle; hwome chiapakya hia apakya ma chem müntüi. Hwom a chemningle alün-aloxle tüikya khünakbu hex texle ataklax.

JEREMIA 16:17

Hwome mokle ngokya pangwüi kue ngünle ngopu. Ku miktho angkya hwom owaechu pyenle münthom; hwom ochaxbu a ku thoto pyen ang müntho.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 SAMUEL 10:10

Chemtue Sol hia chix dapa nyi Gibeah to nguipuix, ajebu othom tuita chix füi apong. Allele Jowanpa Chasae chix to kop, ilaxle chix a mongmüi-pwonla-tungle azüi ilaxle akhong-akhale chang.

1 SAMUEL 10:6

Allele nang to Jowanpa Chasae kopüi ilaxle nang chuwüi hwom khato zanglom tsai ngaole hia azüile nang chixlili khünak ang achangle paoüi.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

WANGSHEMBU MWOT 11:15

Ilaxle kue hwom füi akaxle ngoponge, ami owang pongma kem hato nguikya ningle Otsao Chasa ngui.

WANGSHEMBU MWOT 10:44

Pitar-e zangwün ngoponge, chix Kaxho apale ngokyabu pangnu hato Otsao Chasa ngui.

JUHAN 21:17

Jisu-e chix ma othom azom lekya machu atüi: “Juna sasün Simon, nange ku to künpuix nyi?” Chixe Jisu to mongkün puix nyi le othom azom ma akaxkya khoma Pitar ang mongtsik dong. Ilaxle chixe Jisu ang thüi: “Jowanpa, kue nang to künle le nange bakle awan ngopu.” Jisu-e chix ang thüi: “Nange ku chunbu tuxkox.”

MARK 2:8

Ima wüi thuile Jisu-e hwom mongto texkya awan, ilaxle chixe hwom ang thüi: Hünzom mongto iningkyabu büthüikoxle texle ngopu?

JEREMIA 11:20

Ifüima kue zangjop: “Jowanpa Khüthak Zang, nang a sukya kaxfünpa tuita; khünaknu tuthüt mongjang nange wanle ngopu. Ku zangwün otong kue hünzom chak ma danpu; idaile hünzome ibu khünakbu to olüix khomle changkya to kue hule ngofang.”

EZEKEL 20:32

Hünzome hünzom chuwüi mixjat-mixlibu, opang mix haxtok to ngolaxle long-pünbu to shwomle ngopuix, ibu lailaile chang angkya mong ma zangwünle tsuakdaoa. Ikoxchu ija otuechu ile münchangüi.