EZEKEL 1:3 - OTSAO BAIBEL (BSI)

³ Babilon nok to Kebar Shuanu zui ma, Jowanpae ku füi zangwünkya kue atat, ilaxle ku ma chix tsak-zong nguikya kue awan.

EZEKEL 1:3 ပူးပေါင်းရင်းမြစ်များ

EZEKEL 3:22

Jowanpa tsak-zong chongkya ku hato hüi ilaxle: “Zokox ilaxle haxsha to paokox”, le chixe ku füi zangwünkya kue atat.

EZEKEL 3:14

Ku hato Jowanpa tsak-zong tüle zongle hüi, ilaxle chix chasae ku tswonle paopongma ku hato mongtsik mongma hüi.

2 WANGHOMBU 3:15

Athaxpi tsaipa tuita apüihüi.” Tsaipae chix thuaput-waxmaibu mütle changpongma, Elisha hato Jowanpa tsak-zong hüi.

1 WANGHOMBU 18:46

Jowanpa tsak-zong Elija hato ngai, chixe khyadax ma nyi mongle ahinle lax ilaxle Ahap thoto wüi Jezril ha alop ang zikle ngui.

EZEKEL 40:1

Ija a, kwom zanda ang kople paokya füima zanglao 25 lükya tamchu Jerusalem pünle amakya füima zanglao 14 lükya, zangzün zangpua ma nyix 10 lükya changkya. Ija nyix kue Jowanpa tsak-zong chongkya ku ma nguile kue awanle lax, ilaxle chixe ku tswonle pao.

EZEKEL 37:1

Jowanpa ku ma nguile tüikya kue awanle lax, ilaxle chix chasae ku nwonle pao ilaxle zabue awangle tüikya haxsha ma athung.

EZEKEL 33:22

Chix nguiüi thoja, kue Jowanpa tsak-zonge ku to pokya awan ang kop. Ofüinop chemtue ija mixsün nguile hüipuix, Jowanpa ku ang zangwün angkya zong chatle kox.

EZEKEL 8:1

Kwom zanda ang kople paokya zanglao azok lükya lyetkua azok ma nyix aga lükya to, Judah nok angkya zandabu khama lompabu ku füi tomle ku hom ma thungle tüikya. Allele Jowanpa Khüthak Zang zong ku hato hüi.

1 TIMOTHI 4:1

Athax füichi ma züizüi khünakbue mongong danle tox angkya kax Chasae tsaotha le akax; “ibue atsekya chasabu kax ma laxüi ilaxle haxshix hwon-nwot lom ma leüi.”

JOEL 1:1

Ija a Pethuel sasün Joel hato Jowanpa kaxho changle.

HOSIA 1:1

Ija a, Judah haxtok ma Uziah, Jotham, Ahaz üntoxle Hezekiah hwome apünkya tukma tamchu Jehoash sasün Jeroboam a Israel haxtok ma wanghom ang ngokya tukma, Beri sasün Hosia hato Jowanpa tokhange hüikya kaxho changle.

EZEKEL 1:1

Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

JEREMIA 1:2

Jowanpae Jeremia füi, chix zanglao bün-azom sütle tüipongma, Amon sasün Josiah a Judah haxtok ma wanghom ang ngopongma zangwün,

JEREMIA 1:4

Jowanpae ku ang thüi:

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

MÜNCHUAK-TSAI 137:1

Babilon shuakax ma kwom thung; Zaion texle atak laxle ikhato kwom sop.

EZEKEL 10:15

(Ibu zünmokbu pangwüi kue Kedar Shuanu zui ma ngünkyakya wüi changkya.) Chemtue zünmok ibu dingkho to dong

EZEKEL 12:13

Ikoxlechu kue ku sha pünle bangüi ilaxle chix a ima amanüi. Ifüima kue chix a Babilon tingnu to paoüi, ikhato chix a ija osün chingüntox homle ziüi.

EZEKEL 43:3

Ija mikngün ohün a, Jerusalem ama ang Zang nguikya kue Kebar Shuanu makhange ngünpongkya mikngün-ohün lailaile tüikya. Ija ma kue haxchi to hule ku thün khom.

DANEL 10:4

Ija zanglao ma pongwang lükya lyetnu kua nyixtsa ali lükya to ku a chongkya Shuanu Tigris zui ma ajongle tüikya.

JEREMIA 29:15

“Hünzome Babilon nok to Jowanpae hünzom ang ajebu koxdaoale akaxle.

EZEKEL 3:15

Ikhoma ku Tel Abib to Kebar Shuanu zuito ngui, ilaxle kue chempang ngünle tamchu atatle laxdaopuix ibue lütle ku ikhato nyix anüt nui.

EZEKEL 3:23

Ikhoma ku haxsha to laile pao, ilaxle ikhato kue Jowanpa fuazang ngün, ija a kue Kebar Shuanu ta ma tamngün daokya ningle tüikya. Kue thün haxchi to ahole akhux,