EZEKEL 1:1 - OTSAO BAIBEL (BSI)

¹ Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

EZEKEL 1:1 ပူးပေါင်းရင်းမြစ်များ

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

WANGSHEMBU MWOT 7:56

Chixe thüi: “Hulax, kue zangkangting ka daple ngünle ilaxle Khünak Hosa a Zang tsaxchi ma ajongle ngünle!”

MATHI 3:16

Bapti laxle Jisu tikha tokya tangthole lai; ifüima chix ang zangding ka daple kox ilaxle Zang Chasa Osu ningle julaxle chix ma paxkya ngün.

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

WANGSHEMBU MWOT 10:11

Chixe zangkangting ka daple ngün üntoxle imakhange chongkya tsap ningle oli tuita ozong ali ma koplaxle chaxwannu to athaile ngün.

KAXHO MÜIKYA LUK 3:21

Khünaknu pangnu baptikya füima Jisu chuwüi bapti. Chixe jople ngoponge zangding ka dap.

EZEKEL 10:20

Ibu a kue Kebar Shuanu zui ma Israel nok Zang chitong ma ngünkya zünmokbu changle le kue tsinglelax ang kop.

EZEKEL 10:15

(Ibu zünmokbu pangwüi kue Kedar Shuanu zui ma ngünkyakya wüi changkya.) Chemtue zünmok ibu dingkho to dong

MIKNGÜN-OHÜN 4:1

Izuma kue mama mikngün-ohün kop üntoxle zangkangting to ka daplaxle fülom tuita ngün. Üntoxle nyazong ozing lailaile kaxzing tuita, oja ku füi akaxkya ami pongma kue atatdao laxpuix, chixe thüi: “Ikhato donglax üntoxle ifüima chemle chang angkya hex ija kue nang hama ahofang.”

JUHAN 1:51

Ilaxle chixe hwom ang thüi: “Kue otsingtsing ma akaxpu, nange zangding ka dapkya tamchu Khünak Hosa ma kaxtaimixbu dongkya hia jukyabu ngünüi.”

EZEKEL 43:3

Ija mikngün ohün a, Jerusalem ama ang Zang nguikya kue Kebar Shuanu makhange ngünpongkya mikngün-ohün lailaile tüikya. Ija ma kue haxchi to hule ku thün khom.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.

EZEKEL 3:23

Ikhoma ku haxsha to laile pao, ilaxle ikhato kue Jowanpa fuazang ngün, ija a kue Kebar Shuanu ta ma tamngün daokya ningle tüikya. Kue thün haxchi to ahole akhux,

EZEKEL 1:3

Babilon nok to Kebar Shuanu zui ma, Jowanpae ku füi zangwünkya kue atat, ilaxle ku ma chix tsak-zong nguikya kue awan.

ISAIA 1:1

Ija laipex ma Judah hia Jerusalem hato fakya kaxho tüile. Ija kaxho a Amoz sasün Isaia hato, Uzziah, Jotham, Ahaz hia Hezekiah, Judah nok wanghombu hato Zang-e ngaile ahokya kaxhobu changle.

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

2 KORIN 12:1

Ijae ku ang chemchu fün amüi angkya müntüi, ikoxlechu ku mong ngamle ngo angkya wüi changle. Ikoxle athax kue Jowanpa Jisu Khrista-e ku ang fakya mikngün ohün hia ngaile ahokyabu bama akaxüi.

MARK 1:10

Jisu tikha tokya laikya füi tomle zangding ka dapkya tamchu Chasa osu ningle julaxle chix khangkho ma paxkya ngün.

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

HOSIA 12:10

“Kue ajebu füi zangwün ilaxle kue hwom ang mikngün-ohünbu huanuma fa, ilaxle ajebu makhange kue ku khünaknu ang kaxkhünbu kox.

EZEKEL 40:2

Mikngün-ohün ma Zang-e ku a Israel haxtok to pao ilaxle haxnukho atsuakya khama dan. Kue ku tunthoma tingnu tuita lailaikya longhombu huanuma ngünle lax.

EZEKEL 3:15

Ikhoma ku Tel Abib to Kebar Shuanu zuito ngui, ilaxle kue chempang ngünle tamchu atatle laxdaopuix ibue lütle ku ikhato nyix anüt nui.

HUAKE LAIPEX 4:3

lüka sühuak zanglao 30-50 zanglao bama chemtukux tüipuix, mün zale akiak angkya akax. Ibu a Jowanpa ngwotnui Nyihom ma mwotmok ang asukyabu chang angkya oli.

LAIPAO 24:10

ilaxle hwome Israel nok Zang ngün ang kop. Chix chitong ma safir makhange zingkya, lomtang lailaile ngün; ija a zangdingkho ningle hingbütle tüikya.

PONGWANG LAIPEX 46:2

Zang-e ajaning wünmang chito chix nyakle chix füi akax: “Jakop! Jakop!” Chixe lan: “Ui, ku ikhama tüile!”

WANGSHEMBU MWOT 10:3

Nyixta tsomfüi azom baji shen changkya, Chixe mikngün ohün tuita ngün. Ijama chixe Zang kaxtaimix nguikya atsingsho le ngün ilaxle chixe mün lünle nyak: “Kornelia.”

MATHI 17:9

Hwom haxhua tokya jule ngoponge Jisu-e hwom füi akax: “Khünak Hosa chatle azangle mazo tanto hünzome ngünkya ija mikngün ohün bama owa hamachu taxwün.”

EZEKEL 10:22

Hwom thünzabu a kue Kedar Shuanu zui ma ngünkya thünzabu lailaile tüikya. Zünmok pangwüi matangtang to küithole aham.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

KAXHO MÜIKYA LUK 3:23

Jisu-e chix mwot owang wang ponge chix zang tsübün nguiünkya. Chix a lükasa, idaile khünaknue chix a Jusep sasün changpule texle atak. Jusep a Heli sasün changkya.

ISAIA 6:1

Wanghompa Uzziah zile paokya zanglao ma, kue Jowanpa ngün. Chix a chix tüntong ma thungle tüikya, tüle tsuale tamchu achuak-achenle, ilaxle chix nyiwune Zangshwom-Hom homnu awang.

MÜNCHUAK-TSAI 137:1

Babilon shuakax ma kwom thung; Zaion texle atak laxle ikhato kwom sop.

JEREMIA 29:15

“Hünzome Babilon nok to Jowanpae hünzom ang ajebu koxdaoale akaxle.

EZEKEL 10:1

Kue ozün zünmokbu khangkho ma tüikya zangdingkho to hu ikoxle ibu khangkho ma safir makhange zingkya lailaikya tüntong tuita ngün.