EFISIA 5:3 - OTSAO BAIBEL (BSI)

³ Hünzom a Zang khünaknu changkya daile, tüta ningkya chinunchakkai chichangba chitsao chithakya chichangba osing nüfux chemchu hünzom khama bwomle wün ngo angkya jaojao münchang.

EFISIA 5:3 ပူးပေါင်းရင်းမြစ်များ

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

1 THESALONIKA 4:3

Hünzom otsao ma tamchu chinunchakkaikya füi atsaile ngo angkya Zang mongtex changle.

1 KORIN 6:18

Chinunchakkai füi atsaiün. Khünake achaxkya ochax mama tütaliechu tsangtsa to münpo; ikoxle khünak owae chinunchakkai ma thailaxüihex, chixe ma tsangtsa zongto achaxkya changpu.

1 THESALONIKA 4:7

Zange kem naklyen-khosyen le ngo ang nyakkya chichang ikoxle otsao ma ngo ang nyakwüi.

1 KORIN 6:13

Owawae ile thüiüi: “Süt a wok hanpakma, ilaxle wok a süt hanpakmale changpu.” Changle, ikoxle Zange pangnyi wüi oli thudaoüi. Tsangtsa a chinunchakkai angkya lom to twon ang chikox angkya changle, ikoxlechu Jowanpa thothakya mwot to twonüi; ilaxle Jowanpa-e tsangtsa ang pangnu li koxüi.

EFISIA 5:12

(Huxsa ma zuile hwome mokkya mwot mo wün angkya tuita thünzak changle).

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

MIKNGÜN-OHÜN 2:21

Kue she ang ochaxbu tokya mongchat ang hanpak fadaoa, ikoxle ibu müi-hi-aji mwot tokya she chatse le chitsu.

1 KORIN 10:8

Hwom züizüie ochax lom to hwom kün-mong kox, ilaxle hajat tsübün azom nyixtakya fangma zi. Ibu ningle kem chichangüi.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

1 KORIN 5:1

Wünhax thüikoxle, songsari tu ma ngaxchu ile münmok lükya hünzom khama chinunchakkai mwot chisumüi lewüi tüileta. Hünzom khama ma honuchong füi jip-pomkya ku hama wünle.

EZEKEL 33:31

Ikhoma nang zangwün to apa ang ku khünakbu asoxle, ikoxle nange hwom ang moklax-ole akaxkya mwot hwome münmok. Hwom tunpün makhange mongkünkaikya zangwünbu laile, ikoxlechu chizakle hwom nüfux lomnu ma wüi ahamle ngole.

LAIPAO 20:17

“Mixkux-mixka to za-taxlo; mix kakonu, mix da, mix tsom-pom, chichangba mixtui-mixna chemtochu osingkya taxtüi.”

MIKNGÜN-OHÜN 9:21

Tamchu mix langkya, khunkya, chinunchakkai chichangba ahux-alopkya, iningkyabu tokya hwom ang mong chialüix.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

IBRI 12:16

Ma tüichongpa sünkho saxkhua tuita ang hangle awütkya Esau ningle owachu chasa ma chitsaole taxtüi.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

2 TIMOTHI 3:2

Khünakbu a tsingpux, nüfux, tsaichong-kaxbong, üntoxle ngamle tüiüi; hwome ajao-ahaiüi, nuzün-pazün kax ma chilaxle tüiüi; tata achuak achenkya tamchu zanglom tokya chemchu chitüi le changüi;

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

LAIPAO 18:21

Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

2 PITAR 2:10

tamnüilechu opang müi-hi-aji olom to chitsaokya to mong zalokya füi ahampuix, üntoxle Zange apün-adakya thua anupuix, ibu hanpakma. Ibu othai hwon-nwotmixbu a mong tsakle tüikyabu üntoxle ma mongtextex ma saxmok le tüile, üntoxle thakchi to fuazangle tüikyabu thua hwom münza; itülüi hwome ibu adix-adale.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

1 TIMOTHI 2:10

Khristan shekobu a müikya mwot mokkya makhange tix awan ang koxkox le müi angkya oli changle. Hwom khoshit nasai chichangba tuizanakom chichangba faxsaxle nyiza laxkya, ibu tokhange münchang.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

ROM NOK HATO ZAKYA POL LAIZA 16:2

Zang khünakbue tata wünpwonle pongle kopkya müikya khristan zanglom tuita ningle, Khrista ma hünzome she wün pwonle pongkop hüi, ilaxle fong angkya oli pangnu lom towüi hünzome she to fongle changkox; chemthüikoxle she e khünaknu to fongle hüihudaoa ilaxle ku tochu wüi fonghu daoa.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.

WANGSHEMBU MWOT 20:33

Kue mixkux, jan, hun, chichangba nyiza tütatochu za münlo tox.

KAXHO MÜIKYA LUK 16:14

Otue farisibue ijabu kax atat, hwome Jisu ajao, chemthüikoxle hwome ngun towüi kün.

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

WANWÜNKAX 28:16

Tutex omüi chitüikya pünpa-chongwang a tüle shix-makya lompa tuita ang changüi. Sukya to chikünkya mixe okuilole apünüi.

MÜNCHUAK-TSAI 119:36

Hakpa-luapa ang achangkya füi nang wanlombu kax ma laxsele tsukya mong ku ang fahüi.

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

JIHUSUA 7:21

Kwome tingtakle kopkya tuina khama kue Babilon nok nyimüi, khopjan tuak anyi tukux ilaxle hun dwon tuak ta tukux, ku mik-hu ma tüle mikzalole ngünlaxle, kue laxsele osingkya khoma ibu kople thomkoxa. Hünzome ibu ku nyihom mong ma othongchi ma khop-jan sholaxle akhünle thomkya ataküi.”

HUAKE LAIPEX 25:1

Akasia haxhua ma Israel noke pom zailaxle ngopongma, ikhato tüikya Moab shekobu füi Israel nok lükabue chinunchakkaile chang.

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

1 TIMOTHI 6:10

Chemthüikoxle ngun to mongkünkya a ochax pangnu hanpakma otong changle. Züizüie ija kopsele tsukya khoma mongong füi atsaile sam, ilaxle küjo küjekya küntsik mongma olombu tokhange hwom mong max angkya hato ahüi.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

LIWI 15:18

Sheko hia lüka nyi apongle mwot tsuakkya füima, hokhi pangnyie wüi ti-ajoüi ilaxle hansong kople chitsaokya ang ngoüi.