EFISIA 2:4 - OTSAO BAIBEL (BSI)

⁴ Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

EFISIA 2:4 ပူးပေါင်းရင်းမြစ်များ

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

MÜNCHUAK-TSAI 86:15

Ikoxlechu, O Jowanpa, nang a chingcha hia mongkün füikya, othuithuima adukya, mongkün chingcha üntoxle chialekya mongong füikya Zang changpu.

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

EFISIA 2:7

Khrista ma kem hato ahokya chix mongkün ma atakkya chix chingcha othuithui hanpakma aho angle chixe ija mok.

MÜNCHUAK-TSAI 145:8

Jowanpa a mongkün hia chingchajaja füikya changle, zaxhun ma tix mongtsiküi ikoxle mongkün ma ojem chifünüi.

ROM NOK HATO ZAKYA POL LAIZA 10:12

Ija ma pangnu wüi womle, chemthüikoxle Jehudi nok hia mixnok le süikya kha chemchu müntüi; Zang a nok Jowanpa, ilaxle chix mün lünkyabu pangnu hanpakma mohiman okho changle.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

MÜNCHUAK-TSAI 86:5

Nang a kwom zongto müile tamchu kwom ang thailak tüile, nang to jop-tokyabu hanpakma chizakle künkya nang mongkün tüile.

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

ROM NOK HATO ZAKYA POL LAIZA 9:23

Kem opang chix fuazangkya kop angkya hanpakma chixe achwon, kem chix mohiman pe ang thokle koxkya chix fuazangkyachu wüi chixe ngaile ahose le tex.

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

2 THESALONIKA 2:13

Tüi-hi-naohom, hünzom opang to Jowanpa-e mongkün puix, hünzom hanpakma othuithuima kwome Zang ang münchong fa angkya changle. Otsingtsing tokya hünzom mongong tokhange hünzom otsao khünakbu ang achang angkya hanpakma Chasa zong makhange khosün kop angkya bama pongwang lükya ang Zange hünzom zünle kopkya changle.

KAXHO MÜIKYA LUK 1:78

Kem Zang a chingchajaja füikya changle. Dongkya senu ningle nyankya, khosünpa chixe kem hato ahüiüi

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

DANEL 9:9

Kwome ibibile nang zan to kale changdaobachu, nang a chingchajaja hia thailak tüikya Zang.

MÜNCHUAK-TSAI 51:1

O Zang, ku to chingcha hüi, tamchu chizakkya nang mongkün tokhange. Nang jaja chongkya makhange ku ochaxbu fwotle amüt hüi!

LAIPAO 33:19

Jowanpae lan: “Ku müikya kue komle nang tunthoma le ang tomüi tamchu nang womle tüipongma kue ku otsao mün lünüi. Ku a Jowanpa changle, ilaxle kue zünle kopkyabu hato mongkün hia chingchajaja ahopu.

ISAIA 63:7

Mong chiathokya Jowanpa mongkün mo kue wünüi; Kwom hanpakma chixe mokdaokyadu hanpak ang kue chix achuakpu. Chixe Israel nok to okhonguile mohimanle chix chingcha hia chizakkya mongkün tüikya khoma.