EFISIA 2:3 - OTSAO BAIBEL (BSI)

³ Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

EFISIA 2:3 ပူးပေါင်းရင်းမြစ်များ

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

1 PITAR 1:14

Zang kax ma laxle tüilax, üntoxle nange chemchu chitsingle ngotanto tüikya osing mongzao füi nang im-jo le taxtüi.

EFISIA 4:22

Hozang tsün oja dyen-nganse le tsukyae amütle thomtüi puix, ojae nang ami pongkya ningle ngo ang tompuix, ija tsün hozang füi atsailax.

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

ROM NOK HATO ZAKYA POL LAIZA 6:12

Nang müi-hi-aji mongzaoe asingkya kax ma nange laxkya lima, ziün angkya hünzom kün-mong ma ochaxe apün-awang ang kox angkya oli münchang.

MÜNCHUAK-TSAI 51:5

Ku a puxnyix tokhange wüi ochax changkya; anu wok ma tüitantokhange wüi ku a ochaxe awangle tüikya.

1 JUHAN 2:16

Chemthüikoxle chaxwannu müi-hi-aji mongzalokya, mikzalokya üntoxle tsün ma mongngam tüikya, chaxwannu ma tüikya ibu chemchu Hopa tokhange hüikya münchang ikoxle chaxwannu angkya changle.

EFISIA 2:2

Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

1 KORIN 4:7

Hünzom owae süichappu? Nang ma atüitüi pangwüi Zange fakya münchang hichem? Jangchangba nangma tüikya hingho pangnu hingho chichangkya tukux nang ma tsaichong-kaxbong angkya chemtüi?

ROM NOK HATO ZAKYA POL LAIZA 7:18

Ku ma müikya müntüile kue awan ngopu: Ija a, ku müi-hi-aji ma. Chemthüikoxle müikya mwot moksele tsukya kuma tüikoxlechu, kue ija mok ang müntho.

MARK 4:19

Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

PONGWANG LAIPEX 6:5

Chemtue Jowanpae chaxwan tok angkya pangnusa wüi chichang-chizangle tamchu jento tutex chimüikyae awangle ngokya ngün ang koppuix,

ROM NOK HATO ZAKYA POL LAIZA 11:30

Hünzom mixnokbu, ami ledaokya ma hünzome Zang kax ma chilax; ikoxle athax a Jehudi khünakbue kax ma chilaxle tüikya khoma hünzome Zang chingcha atakpu.

ROM NOK HATO ZAKYA POL LAIZA 9:22

Zange mokkyachu ija lailaile changpu. Chixe chix mongtsik aho ilaxle ma tsakzong awan ang koxse thüt. Amüt ang achwonle thomkya chix mongtsik pebu füi adu angkya chix monglo.

JUHAN 1:13

Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

JOB LAIPEX 25:4

Zang miksho ma owawa otsao hia tsaothale tüitsuak angcha?

JOB LAIPEX 14:4

Khünak chitsaokya ningle, tütali chitsaokya makhange, tütuechu tsaokya oli tam-ngaiüi münchang.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

ROM NOK HATO ZAKYA POL LAIZA 1:24

Khünakbu itukux ongat ang achangkya khoma, Zange hwom mong ma tsukya chichang-chizang mwot mok ang dan, ilaxle hwome tata zongto zakkop mwotbu mok.

1 JUHAN 2:8

Ibachu athax kue hünzom hato zale ngokya kaxtom a hozün tuita changle, chemthüikoxle ija otsingtsing a Khrista machu tamchu hünzom machu ngo ang kople. Chemthüikoxle zangnaknu kaile leüna, ilaxle zangngai tsingtsinge nyanle tüile.

WANGSHEMBU MWOT 14:16

Ami pongma chixe khünaknu a mae changpu le atextex chitole ang koxle hüidaoa.

PONGWANG LAIPEX 5:3

Chemtue Adam 130 zanglao nguipuix, chix ang chix lailaikya sasün tuita tüi, ilaxle chixe chix ang Seth le amün.

ROM NOK HATO ZAKYA POL LAIZA 2:14

Mixnokbu ang Mosa wanlom müntüi; ikoxlechu hwome ma tutex makhange wanlom ma tüikya ningle jangmok thüiba, Mosa wanlom chitüikoxlechu ibu hwom hanpakma wanlom changle.

ROM NOK HATO ZAKYA POL LAIZA 5:9

Chix zikya makhange, athax, kem Zang füi mua amüile fakya jangchang thüiba ija süthak Zang mongtsik chak tokya chixe kem azünüi.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

KOLOSI 1:21

Hanpak tuita ma hünzome mokkya ochax mwot hia mongjang khoma hünzom Zang füi atsaile ochu to tamchu zan ang achangle tüikya.

1 THESALONIKA 4:13

Ku tüinaohom, monghom chitüikyabu ningle hünzom angchu mongtsik mongmakya chitüi angkya kuxma, ziünkyabu bama otsingtsing hünzome awan koxle müisele kwome texpu.

1 THESALONIKA 5:6

Idaile kem mix khünakbu ningle jiple chingoüi; kem mik azangle tamchu tok-ngakya füi atsaile ngo angkya changle.