EFISIA 2:2 - OTSAO BAIBEL (BSI)

² Ija pongma hünzome chaxwannu ochax manto; ding hia hax angkya chasa zongma apün-awangkyabu chasa owae athax Zang kax ma chilaxkya khünakbu akumathum le ngopuix, hünzome ija chasa kax ma lax.

EFISIA 2:2 ပူးပေါင်းရင်းမြစ်များ

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

EFISIA 2:3

Wünhax thüikoxle kem pangwüi hwom lailaile changle ilaxle kem tsangtsa hia tutex ma asukyakya saxmok le jaopo küntsu monglua ma ngole hüi; kem jaopo chifün ma kemchu, mix lailaile, kemchu wüi Zang mongtsik zothup ma wom angkya hexo le bangpu.

JUHAN 12:31

Ija chaxwannu kaxfün angkya athax changle; athax ija chaxwannu wanghom chilaxle awütüi.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

EFISIA 4:22

Hozang tsün oja dyen-nganse le tsukyae amütle thomtüi puix, ojae nang ami pongkya ningle ngo ang tompuix, ija tsün hozang füi atsailax.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

1 JUHAN 5:4

Chemthüikoxle Zang susabu noke wüi chaxwannu to lüt ang thole. Üntoxle mongong makhange keme chaxwannu to anaole.

1 JUHAN 3:10

Zangsu Zangsabu hia baosu baosabu malili changle le tsaotha le ahokya a ija changle: Owae sukya mwot chimok tamchu ma tüi-hi-nao to mongkünle chitüi laxpuix chix a Zang susa münchang.

1 PITAR 1:14

Zang kax ma laxle tüilax, üntoxle nange chemchu chitsingle ngotanto tüikya osing mongzao füi nang im-jo le taxtüi.

MIKNGÜN-OHÜN 20:2

Dragon, owa owang pongkya pu hex, chix a Bao chichangba Haxshix, Ija chixe kop ilaxle zangpua hajat tuita hanpakma janbüi füi khale thom.

1 JUHAN 4:4

Ikoxle kuli kunaohom, hünzom a Zang kux changpu, üntoxle hünzome othai ajebu to anaodaoa, chemthüikoxle hünzom ma tüikya chasa a, chaxwannu kux ang achangle ngokyabu ma tüikya chasa füi onüi tsakzongkya changle.

1 PITAR 4:3

Zang chitsingkya khünakbue mokse tsukya saxmok le hünzome hanpak okhonguile awüt hüidaoa, chemthüikoxle hünzome hünzom tsün chitsao chimaokya, maimong nyakya, mik zalokya, jutok-saxngakya, haox-achaikya, sützik üntoxle nushix dongkya, chapabu shwomkya, ibu lom to koxle hüidaoa.

KOLOSI 1:21

Hanpak tuita ma hünzome mokkya ochax mwot hia mongjang khoma hünzom Zang füi atsaile ochu to tamchu zan ang achangle tüikya.

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

1 KORIN 5:10

ile thüikoxle kue songsaribu, opang chinunchakkaile tüipuix, chichangba ahux-alople tüipuix, chichangba osing nüfux füi tüipuix, chichangba opange chapabu to shwom-to puix, ibu pangnu ang thüikya münchang. Hwom füi atsai angkya jangchang thüiningle nang chaxwannu angkya atsai koxtix wüi chichangba.

WANGSHEMBU MWOT 5:3

Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu?

JUHAN 15:19

Hünzom chaxwannu kux jangchang thüikoxle, chaxwannue makuxle mongkünle tüise; ikoxle hünzom a kue chaxwannu angkya zünle kopdaoa, ija khoma chaxwannue hünzom thua anu angkya changle.

JUHAN 14:30

Hünzom füi ku aluile akax ngo ang müntho; chemthüikoxle chaxwannu wanghom hüile ngole.

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

JOB LAIPEX 1:7

Jowanpae chix ma atüi: “Nange chemmok ngokya hex?” Bao-e lan: “Ku a tüjong-tüjong to chaxwannu akhople khuafao ngokya changle.”

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

JUHAN 16:11

kaxfün bama thaile ngo, chemthüikoxle ija chaxwannu wanghom hanpak ang kaxfün fadaoa.

JUHAN 13:27

An kopkya füi tomle bao chix ma nop. Jisu-e chix ang thüi: “Nange chem mok angkya tüipuix momle moklax.”

JUHAN 13:2

Jisu hia chix wangshembu fongsax ang thungle tüikya. Simon sasün Juda Iskariot mong ma, Jisu owüiole kox angkya, baoe mongkho adünle kox.

JUHAN 8:23

Jisu-e hwom ang thüi: “Hünzom a fang tokya, ikoxle ku a thak tokya changle; hünzom a ija chaxwannu angkya ikoxle ku a ija chaxwannu angkya chichang.

JUHAN 7:7

chaxwannue hünzom to miktsak ang müntsuak; ikoxle ijae ku to tüle tsakle; chemthüikoxle hwom lekya lomtangbu a ochax changpu le kue akax ngokya khoma.

MATHI 13:38

Haxtok a chaxwannu changpu; tsaxli müikyabu a Zang Wangting ma womkyabu changpu ikoxle bao tsax a chichang-chizangkya susabu changpu.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

JAKOP 1:7

Iningle tüikya khünake, Zange chix ang tütalichu koxüile taxtex;

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

WANGSHEMBU MWOT 19:35

Oshuk ma tingnu ma alixachong tuitae ija khünaknu mwopkya adang ang tho. Chixe thüi: “Efisia angkya khünaknu! Efisia a tuita akhokya Artema zangshwom-hom ilaxle zangkho tokya dütkya otsao long thomkya tingnu changle le pangnue awanle.

KAXHO MÜIKYA LUK 22:31

“Simon! Simon! Apalax! Manzai mixe tsaxtsa hia tsaxjun süikya ningle, oma khatokya müikya süi ang, hünzom thwontsing angkya baoe tsaiju kaxju daoa.

KAXHO MÜIKYA LUK 16:8

Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”

MATHI 11:19

Khünak Hosa ngui ilaxle chixe sax-lingle chang, ikoxle noke thüi: ‘chix a sütbakmix; jutok saxngale ngokyabu hia süisai mixbu zuikhui changle!’ Zang je a mwot makhange tix awan ang koppu.”

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

ISAIA 57:4

Hünzome owa chanyile wanjai? Khualop mixbu hünzome owa mong amüi?

MÜNCHUAK-TSAI 17:14

Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!

JOB LAIPEX 31:7

Kue sukya lomtang dantoxlaxle paole jangchangdaoba; ku chak ma ochax aji khile jangtüidaoba; kue ochax mok ang tsu-luakya naxtüikox.

MIKNGÜN-OHÜN 16:17

Ifüima anüt lükya kaxtaimixe chix khong zangwin to thokle awüt. Zangshwom hom angkya chongwang tüntong makhange kaxzing tuita azaxle laile thüi: “Ija tsuakdaoa!”

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

HOSIA 10:9

Jowanpae thüi: “Israel khünaknue Gibeah ma ochax lyenkya makhange wanglaxle ku zongto ochax lyenle ngokya mazak. Ikhoma Gibeah zane hwom ha alopüi.

JOB LAIPEX 1:19

Ipongkhae sak-hax tokya zangchei thule hüi. Ijae hom to thule atsun ilaxle hwom pangwüi langdaoa. Nang hato ija kaxho fa ang ku tata azangtsuakle.”

JOB LAIPEX 1:16

Chixe ija kaxho ngaxchu ma-ashukba wüi dapa tuita nguilaxle thüi: “Chun-nyetmixbu hia chunbu to zangtsake sütle hwom pangwüi langdaoa. Nang hato ija kaxho apüi fa ang ku tata azangtsuakle.”

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MARK 4:19

Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

EFISIA 1:21

Ikhato Khrista-e, ding to apün-awangkyabu, tsakzongbu tamchu baozangbu thakma apün-awangle; chix ma ija chaxwannu hia füichi chaxwannu tsakzongbu mün füi ataxkya mün tüile.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

EFISIA 2:13

Ikoxle athax a, Khrista Jisu füikya notom makhange, hünzom opang ochu to ngohomkya hex, hünzom a Khrista zikya makhange Zang hato soxle apüidaoa.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.

EFISIA 5:8

Hünzom jaojaochu zangnak to ngokya, ikoxchu hünzom Zang khünaknu ang achangkya füi tomle, hünzom zangngai ma tüile. Idaile hünzome a zangngai khünakbu ningle saxmok angkya changle.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.