EFISIA 1:4 - OTSAO BAIBEL (BSI)

⁴ Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

EFISIA 1:4 ပူးပေါင်းရင်းမြစ်များ

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

1 PITAR 1:20

Chix a, chaxwannu zingüi thoto wüi Zange kamle kopdaokya mix tuita üntoxle hanpak oshuk nguile hüi pongma hünzom hanpak ang chix ngai.

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

KOLOSI 1:22

Ikoxle athax a chix Hosa müi-hi-aji ma zi ang koxkya makhange, otsao ma, ofwot chitüile tamchu thaikya kha chitüi le chix ngwotnui to apüi angkya hanpakma Zange nang chix zuikhui ang achangle.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

WANGSHEMBU MWOT 13:48

Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

1 THESALONIKA 4:7

Zange kem naklyen-khosyen le ngo ang nyakkya chichang ikoxle otsao ma ngo ang nyakwüi.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

WANGSHEMBU MWOT 18:10

chemthüikoxle ku a nang füi tüile. Nang to owaechu chakmok ang münthopu, chemthüikoxle ija tingnu angkya a süchong tukux ku khünak changle.”

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

MATHI 24:31

Nyazong chongkya mütüi; chixe chix kaxtaimixbu chaxwannu ozong ali to apaoüi, ilaxle hwome, chixe kamle kopdaokyabu, ozong tuita makhange ata zong to lünle afoxüi.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

1 THESALONIKA 3:12

Jowanpa-e hünzom mongkün tata hanpak ang naxachang ilaxle khünaknu nok hanpakma sütsong-sütsong naxtsong ilaxle hünzom to künkya kwom mongkün tukuxle naxachang.

EFISIA 3:17

üntoxle mongong makhange Khrista-e nang mongtsang ma chix ang nui zing angkya hanpakma kue zangjoppu.

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

ROM NOK HATO ZAKYA POL LAIZA 8:33

Zang, chixe ngaxchu münthaile thüi! Ikoxle chixe kamle kopkyabu ma thaile le huxfe angkya mix owa tüi?

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

1 JUHAN 4:16

Üntoxle kem hanpakma Zang ma tüikya momgkün kwome awanpu ilaxle mongongpu. Zang a mongkün changle, ilaxle mongkün ma ngokya mix notom ma chix Zang füi tamchu Zang chix füi le ngole.

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

KOLOSI 2:2

Hwom mongchyene awangle tüi angkya kuxma ilaxle mongkün ma asüi angkya kuxma, ito khange changkya lom ma tsingwankya apüi angkya okhonguikya tuina bama mongao chitüi angkya kuxmale kue Ija mwot mokpu. Ija ningle hwome Zang huxsa thüikoxle Khrista chix tomtata tsingle laxüi.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

WANGSHEMBU MWOT 15:18

Kaipong tokhange wüi awan ang, koxle hüikya ija Jowanpa-e akax.

LIWI 19:2

Israel khünaknu hama wün angkya kax koxle thüi: “Otsao ma ngolax, büthüikoxle ku, Jowanpa hünzom Zang a otsao changle.

LIWI 20:7

Malailai to tsaole ngolax, chemthüikoxle ku a Jowanpa hünzom Zang changle.

2 SAMUEL 22:24

Ku ma thaikya chemchu müntüi chixe awan, chemthüikoxle kue chisule moklaxle ku thai ang chitom.