EFISIA 1:3 - OTSAO BAIBEL (BSI)

³ Kem Jowanpa Jisu Khrista Hopa Zang ang keme münchong fahax! Chemthüikoxle Khrista füikya kem notom ma, zangkang tingsho mohiman kem ang koxle chixe kem to mohimandaoa.

EFISIA 1:3 ပူးပေါင်းရင်းမြစ်များ

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

2 KORIN 1:3

Chingchae awangkya Hopa, Zang, owa makhange fongkya oli pangnu hüipuix, ija Zang tamchu kem Jowanpa Jisu Khrista Hopa ang keme münchong fahax, oman!

EFISIA 2:6

Khrista füikya kem notom ma kem chix füi tomle zangkangting to apün-awang le ngo angkya hanpakma chixe kem chix füi tomle azwot.

PONGWANG LAIPEX 22:18

Jat-li pangnusae, kue nangsu-nangsabu to mohimankya ningle hwom tochu mohimanhüi le ku ang thüiüi: ibu a nange ku kaxtom kax ma laxle tüikya khoma changpu.”

EFISIA 1:20

Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

EFISIA 6:12

Chemthüikoxle kem a khünak füi chichangle ding hia hax nyi ba angkya chasa zong, apün-awangkyabu, chapu-lwompabu, ilaxle chaxwan angkya zangnak zong füi azan ngopu.

EFISIA 3:10

Ija a, anyixkya tsün ma, müimüithom makhange kaxtaimix apün-awangkyabu hia ding angkya chaxwan tsakzongbue mama lom tokhange chix hwon-je tsingle lax angkya hanpakma,

GALATIA 3:9

Abrahame mongong ilaxle mohiman atak; idaile ongkyabu pangnu towüi chix lailaile mohiman.

1 PUKAX-PANGAO 4:10

Ikoxle Jabez-e Israel nok Zang to jop: “Zang, ku to mohiman hüi, ilaxle ku ang haxtok huanuma fahüi. Ku füi ngohüi ilaxle ku to kak koxle chang angkya oli thwontsing pangnusa chak tokya ku sünle thom hüi.” Ilaxle chixe chem hanpakma jop puix ija Zang-e chix ang kox.

ISAIA 61:9

Chaxwannu nok khama hwom a fuale wünüi; Hwom ngünkya pangnusae awanle changüi Hwom a kue mohimankya khünaknu changle le.”

MÜNCHUAK-TSAI 134:3

Zang owae ding-hi-hax zingpuix, Jowanpa chixe Zaion makhange hünzom to mohimanle naxchang!

JUHAN 17:21

Apa, chemle nang ku ma ngo, ku nang ma ngopuix, ija ningle hwomchu wüi kem ma naxngo. Nange ku tsanle ajopu le chaxwannue awan ang tom angkya kux male hwom tuita ang naxngo kox.

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.

1 PUKAX-PANGAO 29:20

Ifüima Dawid-e khünaknu ang kaxtom kox: “Jowanpa, hünzom Zang achuak kox!” Ilaxle asoxle tüikya noknusae Zang achuak üntoxle hwome akhuxlaxle Jowanpa achuak-achen tamchu wanghompa ang chazakya aho.

EFISIA 1:17

Üntoxle hünzome chix awan angkya kuxma, kem Jowanpa Jisu Khrista Zang, fuazangkya Hopa ma, hünzom jetüi hwonlangkyabu ang achang fa angkya ilaxle ngaile aho angkya chasa laxhüi le jupu.

2 KORIN 11:31

Jowanpa Jisu Zang ilaxlechu othuithuima chix mün mohiman naxchang! Chixe ku münthaile awan ngole.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

PONGWANG LAIPEX 14:20

Jowanpa Taitax Zang, owae nang ang zanbu to lüt ang tompuix, chix mün achuakpu!” Ilaxle Abram-e, chixe zanchak tokya kopkya tuina bün ma ahanlaxle othom tuita Melkizedek ang kox.

1 KORIN 12:12

Khrista a omik ochak mafanfan füikya tompo tuita changpu; ile malomlom ocha-ochakbu füi zingle tüikoxlechu ija tompo tuita wüi changle.

ROM NOK HATO ZAKYA POL LAIZA 12:5

Ija lailaile kem obiobi changkoxlechu, Khrista ma kem tompo tuita ilaxle tsangtsa angkya mik-chak ningle kem tata füi asop apongle ngopu.

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.

EFISIA 1:10

Ija mwottho, oja otu-owan nguile hüikya füi tomle Zange tsuak angkya hex, ija a Khrista okhang ang lax üntoxle Zang chakzing, ding hia hax ma otukux tüilaxpuix, ibu pangnu tuita ma asüi angkya changle.

2 KORIN 5:17

Tüta mix wüi changlax, otue Khrista po ma nyemüihex, chix a tuita hozün khüzün changpu; ozang a toxdaoa, hulax, hozün ang achangle hüile.

ROM NOK HATO ZAKYA POL LAIZA 15:6

ile hünzom pangnusa notomle, dingdün tuita ma, Zang, kem Jowanpa Jisu Khrista Hopa achuak achen angkya hanpakma.

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”

IBRI 8:5

Hwome nguapabu ningle mokle hüikya a tuita zangkangting to tüikya opyen changle. Ija a Mosa füi chem tüidaopuix ija tuitata wüi changle. Chixe zangshwom nui nyihom zing ang thüipongma Zange chix ang thüi: “Haxnukho to nang hama aho daokya olom ma zing ang khünkhi lax.”

FILIPI 2:11

Hopa Zang fuazang ma, Jisu Khrista a Jowanpa changpu le; ngaitho le apuk angkya changle.

1 KORIN 1:30

Ikoxlechu Zange hünzom Khrista füikya notom hato ahüidaoa, ilaxle tamchu Zange Khrista a kem zongto je-hwon ang zingdaoa. Chix makhange tix kem Zang zongto sukya ang achangle; kem a Zang otsao khünaknu ang achangüna ilaxle kem mongtex ma dandaoa.

IBRI 9:23

Zangkangting tokya ningle opyen zingkya ang achangkya pangnu li wüi ija zom makhange tix atsao angkya changle. Ikoxchu zangkangting mwot-katbu zongma sisi sümüikya tö lax angkya changle.

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

JUHAN 14:20

Otue ija nyix nguile hüiüi hex, hünzome ku Apa ma tüile, tamchu ku chemle Apa ma ngopuix ija ningle hünzomchu ku ma ngole le awan ang kopüi.

KAXHO MÜIKYA LUK 2:28

Simeon-e naosa chix chak ma twon üntoxle Zang mün achuak:

2 PUKAX-PANGAO 31:8

Chemtue Hezekiah hia chix nguakax-wangkhobue athünle thomkya hinghobu ngünle laxpuix, hwome Jowanpa tamchu Israel khünakbu achuak.