DANEL 9:2 - OTSAO BAIBEL (BSI)

² Chixe apünkya pongwang lükya zanglao ma kue otsao laibu ele ngokya ilaxle Jowanpae ajepa Jeremia füi akaxle thomdaokya ningle, zanglao puzom-bün bama Jerusalem pünle ama laxle thom angkya bama ajangle ngokya.

DANEL 9:2 ပူးပေါင်းရင်းမြစ်များ

JEREMIA 29:10

“Jowanpae thüile: ‘Chemtue Babilon nok zanglao puzombün kaile leüihex, kue hünzom hato chingcha ahoüi ilaxle ku kaxtsao ningle hünzom a hom to chatle ngui ang tomüi.

2 PUKAX-PANGAO 36:21

Ile changkya tokhange: “Otuechu chitole awüt thomkya Sabath nazakle nuikya ang achangle haxtok a zanglao 70 man chizaikya haxtok ang thomüi”, le Jowanpae chix ajepa Jeremia makhange ajekya kax changle ngai ang tom.

MIKNGÜN-OHÜN 1:3

Ija laipex ekyabu mohiman, ilaxle ija jekax to apakyabu tamchu ija laipex ma zale tüikya kax ma laxkyabu mohiman! Chemthüikoxle ibu pangwüi changle ngai angkya hanpak chwonle hüiüna.

ZEKARIA 7:5

Chixe thüi: “Haxtok angkya khünaknu üntoxle nguapabu hama, zanglao 70 bama chemtue hwome atsaole zangjop tamchu sople changpuix, ija a ku achuak-achenle mokkya chichang khato le thüikox.

IZRA 1:1

Parsia angkya Sairas chongwangpa ang achangkya pongwang lükya zanglao ma, Jowanpae chix ajepa Jeremia füi chempangle akax daopuix, ibu changle ngai ang tom. Ija kaxho chix chaxwan pangnu khato wüi laiza ma afan angkya hanpakma chixe Sairas ang akhangle mok angkya kaxtom kox:

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

JEREMIA 27:7

Zangfang pangnu noke wüi chix thothale changüi, ilaxle hwom thai angkya tunu mangui-manguile thothale ibu jatlibue hwom thothale ngoüi. Ifüima chix wangtinge chix thak to tsak-zongle tüikya wangting angkya wanghombu thothale changüi.

JEREMIA 25:18

Jerusalem hia Judah angkya tinglongbu pangnu, ija wanghombu hia lompabu chu pangwüi womle, ija angkya ling ang tom, ilaxle hwom a awütle toxkya kha, khomtsikya hia za-adünkya nui ang achang, ilaxle athax kople twonkya ningle khünaknue hwom mün a othuak-ozom ang twon

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.

ISAIA 64:10

Nang otsao tingnubu a sak-hax lailaile; Jerusalem a khünak chingokya nui ang ama toxdao kha,

1 TIMOTHI 4:13

Ku mangui-manguile, nang hanpakma hia azongkya noknu hato Otsao Lai ekya üntoxle hwon-anokya hia anwot-anokya mwot to sütle ngokox.

WANGSHEMBU MWOT 8:34

Ija alixachonge Filip ang thüi: “Ku hama siapuahüi, ajepae owa bama akax ngopuix, chix bama hia mama owawa bama hex?”

MARK 13:14

“Ikoxle ongai hünzome nushix dongle za adünkya max angkya mix (ekya mixe awanle koplax) chiajongpüli khama ajongle ngünüi hex, ija pongma Jehudi ma asukyabu haxhua to paolax.

MATHI 24:15

“Danel ajepae akaxkya, ‘Nushix dongkya max angkya mix’ otsao nui ma ajongkya hünzome ngünüi” (ekya mixe naxtsing kox.)

MANGSOP 1:1

Hanpak tuita ma khünake awangle tüikya Jerusalem, chemle wandangjale tüipuix! Hanpak tuita ma zangfange chathua zale tüikya, athax she a thanu ang changdaoa; Tingnubu khama sümüipupa a da tuita ang changdaoa.

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

MÜNCHUAK-TSAI 119:24

Nange adangle fakyabue ku ang mongzom amüile; ibu a ku zongto adangpabu changle.

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 1:1

Ija laipex a Hilkiah sasün Jeremia zangwün tsai-hi-kax zale thomkya changpu. Chix a Benjamin haxsüt angkya Anathoth tinglong ma nguapa tuita changkya.

DANEL 9:3

Ilaxle kue mongkoxle Jowan Zang to zangjople, ku a süt chisax, ti chiling, nyikhwon awun ilaxle labu khato thungle ngole tüikya.

ZEKARIA 1:12

Ipongma kaxtaimixe thüi: “Jowanpa Khüthak Zang, Jerusalem hia Judah nok tingnubu füi nang mongmakya zanglao puzombün jao nguile hüile. Nange chingcha ahoüima athaxchu chaxwan-zanghan chemtukuxle tüi?”

EZEKEL 29:11

Ikha akaile müi hia khünak chemchu münahamüi. Zanglao 40 hanpakma ikhama owachu münngoüi.