DANEL 7:9 - OTSAO BAIBEL (BSI)

⁹ Chemtue kue hupuix, wanghom tüntongbu onui ma dan. Jento ozün ma ngole tüikya tüntong tuita ma thung. Chix nyi a jun büta tsele tüikya, ilaxle kho a paiput tsaotsao ningle tüikya. Ochakan füikya chix tüntong a wünle wüi khisumle tüikya,

DANEL 7:9 ပူးပေါင်းရင်းမြစ်များ

MIKNGÜN-OHÜN 1:14

Chix kho a chun mun chichangba jun büta tho, ilaxle chix mikbu a wünchua lailaile tüikya;

MARK 9:3

Chix nyiza, chaxwannu ma owaechu sole chiatsiet tsuak tang le tse.

MATHI 17:2

Hwome hule ngopongma wüi Jisu sün lüile hüi; chix thün zanghan ningle nyan, ilaxle chix nyizabu a tüle nyanle tse.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

DANEL 7:22

Ifüima othuithuima ozün ma ngokya mix ngui ilaxle Khüthak Zang khünaknu chima sele kaxfün kaxzakdünle akax.

DANEL 7:13

Zangnak ma kue ija wünmang ngünle ngopongma, kue khünak ningkya tuita ngün. Chix a kuchi to hüile ngokya. Chix a zangfwome akankhople tüikya, ilaxle chix a jento ozün ma ngole tüikya hato hüi ilaxle ija ku ang kox.

MIKNGÜN-OHÜN 19:18

Nuilax üntoxle wanghom, süpahi akhokya, süpahibu, ibu müi; man hia hwom khoma ngakyabu müi; pangnu khünaknu da hia pankyabu tamchu chongkya hixkya, pangnusa müi saxlax.”

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

WANGSHEMBU MWOT 2:30

Chix a ajepa changkya, ilaxle Zange chix füi tsaosaxkya kax chixe awanle ngo: Dawid lailaile, Dawid sixli kha angkya wanghom ang mixhuak tuita zingle alai angkya Zange tsao.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

MÜNCHUAK-TSAI 45:8

Ongan müikya jingso hia aloi-münga a nang nyibu ma tüile; luakzongbu füi aza-apuale tüikya chongwang homlobu to tsaipabue nang apwon-asale.

1 JUHAN 1:5

Hosa makhange kwome atatle laxkya hünzom ang tsingang tomkya kaxho a ija: Zang a zangngai, ilaxle chix ma zangnak ojao müntüi.

MATHI 28:3

Chix sünjo zangchang jep wünnyan ningle tamchu nyiza a jun büta tse le tüikya.

MIKNGÜN-OHÜN 4:2

Allele chasae ku awang. Zangkangting ikhato owawa thungdao le chongwang tüntong tuita tüikya.

MIKNGÜN-OHÜN 20:4

Ifüima chongwang tüntongbu üntoxle ibu ma thungle tüikyabu ang kaxfün fa angkya tsakzong fakya kue ngün. Jisu Khrista-e angaikya otsingtsing hia Zang Kax apuk-apuakya khoma dingsomkya chasabuchu wüi kue ngün. Ibue müi hia chix chapa to chishwom, ilaxle hwom khangpong ma chichangba chak male müi münwan hwome chilax. Zangpua hajat tuita Khrista füi tomle apün-ada angkya hwom ozün ang achangle chat.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

2 PUKAX-PANGAO 18:18

Mikaiah chizakle akaxle le: “Athax a Jowanpa kax to apalax! Jowanpa chix ngwotnui ma thung laxle ngokya zangkho-wangting to kue ngünle; chix akhople kaxtaimixbu ajongle tüile.

EZEKEL 1:26

Ija NOMLONGKANTUM dingma safir makhange zingkya lailaile chongwang tüntong tuita tüikya, ilaxle ija tüntong kho ma khünak lailaikya tuita thungle tüia.

MÜNCHUAK-TSAI 93:2

Jowanpa, nang tüntong a pongwang tokhange wüi shingmongle tüipu, ilaxle nang a tuwan-zanghan thoto wüi tüile ngokya.

ISAIA 6:1

Wanghompa Uzziah zile paokya zanglao ma, kue Jowanpa ngün. Chix a chix tüntong ma thungle tüikya, tüle tsuale tamchu achuak-achenle, ilaxle chix nyiwune Zangshwom-Hom homnu awang.

JEREMIA 49:38

Kue hwom wanghombu hia lompabu amütüi, ilaxle ikhama ku ngwotnui ajongüi.