DANEL 7:10 - OTSAO BAIBEL (BSI)

¹⁰ ilaxle ija makhange wün shua jenle tüikya. Ikhoma chix thotha angkya khünakbu a hajat-hajat tüikya ilaxle chix tunthoma khünaknu a o-e chithole ajongle tüikya. Kaxfün angkya khwa ka mwotwang, ilaxle laipexbu dap.

DANEL 7:10 ပူးပေါင်းရင်းမြစ်များ

ISAIA 30:27

Jowanpa tsak-zong hia fuazangkya a tsailo tokhange ngün ang tsuaküi. Wün hia wünkhute chix mongtsik ahole. Chixe zangwünle, ilaxle chix kaxe wüne zokkya ningle zokle.

TSAITONG-KAXTONG 33:2

Jowanpa a Sinai Haxnu makhange hüi; Edom nok khangkho to zanghannu ningle chix dong ilaxle Paran Haxnu makhange chix khünaknu to atale nyan. Chix füi tomle kaxtaimixbu hajat bün jao tüikya, chix tsaxchi chak ma wünchua tuita tüikya.

MIKNGÜN-OHÜN 5:11

Anaolechu kue hu, üntoxle hajat-hajat kaxtaimixbu zing kue atat! Hwom chongwang tüntong akhople ajong; ozün ma tüikya müi ali hia tüichong mixmüi hwomchu wüi womle,

MÜNCHUAK-TSAI 50:3

Kem Zang nguile ngole, ikoxle dangjajale münchang; tüle zaxkya wün chix tunthoma tüile, tüle shixkya zangtsak-zangdung chix akhople tüile.

MÜNCHUAK-TSAI 68:17

Tüle zong tüikya chix man-kanlin ojat-ojat füi Sinai tokhange Jowanpa Otsao Nui to ngui.

JUD LAIZA 1:14

Adam makhange tangthole hüikya sixli sutai anüt lükya a Inok changle. Chixe ija aje: “Zang chilax homtoxle ngokyabue mokkya mwot oma tamchu Zang zongto hwom tsaima-kaxshixkyabu pangwüi hato kaxfünkya hia thajao wünhai apüi ang,

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

DANEL 7:22

Ifüima othuithuima ozün ma ngokya mix ngui ilaxle Khüthak Zang khünaknu chima sele kaxfün kaxzakdünle akax.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

ZEKARIA 14:5

Hünzom a ija haxnu anyi ang achangle ahankya haxbang makhange azangle paoüi.

DANEL 7:26

Ifüima zangkangting kaxfün khwa ma kaxfün ang thungüi, ilaxle chix tsak-zong chix angkya paoüi, ilaxle chix a okothomle amütüi.

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

2 PUKAX-PANGAO 18:18

Mikaiah chizakle akaxle le: “Athax a Jowanpa kax to apalax! Jowanpa chix ngwotnui ma thung laxle ngokya zangkho-wangting to kue ngünle; chix akhople kaxtaimixbu ajongle tüile.

MÜNCHUAK-TSAI 18:8

Chix nakua makhange wünkhut othwom-othwom alai, zokle ashunkya wünle hia wün füikya wünhan chix wikha makhange alai.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

JOB LAIPEX 25:3

Chix thotha ngokya kaxtaimixbu owawae akiak-tho angcha? Zang zangngaie chinyankya onui tüidaicha?

MÜNCHUAK-TSAI 103:21

Hünzom zangkangting tsak-zong pangnusae, hünzom chix mongtex ma mokle tüikya chix dapabue Jowanpa achuak-achen kox!