DANEL 6:4 - OTSAO BAIBEL (BSI)

⁴ Ikoxle mama lompa hia Gowarnorbue Danel mwot ma thaikya opong atak angkya hanpakma azong, ikoxlechu hwome chiataktsuak, chemthüikoxle Danel a noke mongongle tüikya tamchu thaikya hia chisukya oli chemchu chimokkya mix tuita chang koxle.

DANEL 6:4 ပူးပေါင်းရင်းမြစ်များ

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

KAXHO MÜIKYA LUK 20:20

Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon.

TITA 2:8

Wün chihai angkya tsaothakya kax zexkox, ikoxle tix kem bama mowün ama le zangwün angkya olom chiatak koxle nang zanbue thünzak kopüi.

MATHI 27:18

Jehudi nok pünpa-chongwangbue Jisu Khrista a chix ang owüiole koxdaoa le tsing; chemthüikoxle hwome chix to miktsak.

JEREMIA 20:10

Pangnusae huxsa ma wünkya kue atat, “Thomshix thama a pangkhato tüile! Idaile chix bama pünpa-chongwangbu hato kax koxhax!” Ku zuikhui shemkhaxbu ngaxchu ku dütüi to hule nui. Hwome thüi: “Chix a dyen ang tsuaküi, ifüima keme chix koplaxle olüix khom ang thoüi.”

1 TIMOTHI 5:14

Idaile nücha zomnubu a kako tanlaxle, supux-sapaile, hwom kako homkha apu-achangle ngokox wüi müi angkya changle le kue texpu, ikoxletix kem zanbue kem ang omale thüi angkya opong chiataküi.

HWON-NWOT-JAONO 4:4

Büthüikoxle khünaknue tata man ma lüi ang azongle mokpuix, ija kue tsing: ija a hwome ma tomzi ma tüikya tuina to osingkya khoma changle. Ikoxlechu ija ma laxli chemchu chitüi. Ija a tuita zangwin achuakle zikngokya thatha ang changpu.

WANWÜNKAX 29:27

Otsaobue chitsaokya thua anule, ija ningle chitsaokyabue chu otsao to anule.

KAXFÜNPA-HWOM 14:4

Jowanpae Filistia nok füi azan angkya opong atak angkya hanpakma ija a Jowanpae mokle ngopule honu hia hopa hwome chitsing. Ipongma Israel nok a Filistia noke apün laxle tüikya.

PONGWANG LAIPEX 43:18

Hwom ile Jusep hom to apüile toxkya zuma, ami owangpongma hwom tsong khato shole koxkya ngun khoma changpule thütlaxle hwom tüle abanle max. Hwome allele singlaxle hwom kux mantsakbu pale lax üntoxle hwom a da ang achangle thom ang tungpu le thütlaxle tüle zale ngo.

2 KORIN 11:12

Ngun syen lom ma süfonghüihu le kue otuechu münakax angkya changpu. Kue hwom füi tuitata ma wüi mokle hüipu le hünzome nyakkya “ataxkya wangshembu” ngam angkya olom tsyense le texpu.

JUHAN 19:4

Chatlechu Pilat hwom hato lai üntoxle thüi: “Hulax, chix ma kue thaikya chemchu münatak lekya kax ang kue chix hünzom hato alaipu.”

KAXHO MÜIKYA LUK 22:2

Ikoxle nguakhobu hia Wanlom tsingpabue huxsa ma Jisu büle langüihex le otua lom; chemthüikoxle hwomchu wüi khünaknu thua za.

MATHI 26:4

ilaxle hwome Jisu huxsa ma kop laxle lang angkya kat-azua.

DANEL 3:8

Babilon nok ibubue wüi Jehudi khünaknu ajao angkya oshua atak.

JEREMIA 18:23

Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

1 SAMUEL 18:14

ilaxle azankya ma chix-chixe wüi anaole hüi, chemthüikoxle Jowanpa chix füi tüile ngokoxle.

KAXHO MÜIKYA LUK 20:26

Ikhama khünaknu pomthoma hwome Jisu kop ang chitho, idaile Jisu kaxlan to abüt üntoxle khosam laxle hwom dangle ngo.

JEREMIA 29:7

Kue hünzom zanda ang apaokya khato tingnubu ofün amüi angkya mwot moklax. Hwom hanpakma ku to joplax, chemthüikoxle hwom ahak-aluale jangchangba hünzom chuwüi ahak-alua angkya changle.

DANEL 6:22

Ku to chitsüt angkya hanpakma mailangbu tun hux ang Zang-e chix kaxtaimix tsanle ajole. Chixe ija a, ku ma oma chemchu chitüikya mix tamchu nang zongto oma chemchu chimokkya mixle tsing laxle ile mokpu.”

PONGWANG LAIPEX 41:38

Wanghompa-e hwom ang thüi: “Keme Jusep ningle müikya khünak, tuita Zang Chasa füikya mix chemtuechu atak toxüi münchang.”

1 SAMUEL 12:4

Khünaknue lan: “Nange kwom to dyen-nganle hia adix-adale hüikya noxjao matüi; nange owa angkyachu chemchu zongzukle münlax.”

DANEL 5:12

Chix ma zangjang khünak to kaikya tsak-zong hia je-hwon tamchu tsing-wankya, tamnüile chu wünmangbu tai angkya, tsaisong-kaxnongbu to lan angkya ilaxle huxsa zangwün chixe tsingle tsuakkya changle; idaile ija mixsün Danel se ang apaokox; wanghompa-e chix ang Belshazzar le mün koxle thomkya changpu, ija chem hanpak-hexle nang hama chixe tix wünle fatsuak angkya changle.”