DANEL 5:7 - OTSAO BAIBEL (BSI)

⁷ Jenu-shipa, opa-nanpa hia mama hinghai twon mankya khünakbu apüi angkya hanpakma owawa sele chix akhong. Chemtue hwom hommong to dongle hüipuix, wanghompa-e hwom ang thüi: “Owawae ija chakza e ang tho ilaxle ija chem hanpak hex, ija ku hama wünle fa ang thokya mix ang kue wanghom zapua nyikhik koxüi awunle koxüi, chix achuakle dingkux ma hun lik alikle koxüi, ilaxle chix a ku wangting ma apün ang, ku fang angkya azom lükya ang laxüi.”

DANEL 5:7 ပူးပေါင်းရင်းမြစ်များ

DANEL 5:29

Belshazzar-e chix dabu ang momle Danel ang wanghom hwome laxkya nyikhik nyilo awunle ilaxle dingkux ma hun lik alikle achuak achen angkya kax kox. Ilaxle chix wangting ma wanghompa-e Danel a apün angkya hanpakma chix fang ma azom lükya ang achang.

DANEL 5:16

Nange huxsa zangwün hia kaxhün-ngaotünbu tai ang tsuakle le kue atat ang kople. Nange ija chakza ele apua ilaxle ija chem hanpak hexle wünle fa ang jangtho, nang ang chongwang hwom nyilo nyikhik awunle koxüi, nang achuak-achenle dingkux ma hun lik alikle koxüi, ilaxle nang a ku wangting ma ku fang ma apünkya mix azom lükya ang achangüi.”

DANEL 2:48

Ifüima chixe Danel a tuita alixachong ang achang, chix ang hingho-chaktwon thanu-juapabu huanuma kox, Babilon haxsüt ma tuita hopunu ningle achang, ilaxle wanghom khwa ma tüikya okax-okhobu pangnu thakma akhokya ang chix achang.

DANEL 2:6

Ikoxle hünzome ku hama ku wünmang hia ija chem hanpakhex apuale jangtsuak, kue hünzom ang owan müile hingho chaktwon koxkya füi achuak-achenle apaoüi. Idaile athaxpi, wünmang chemle ngünpuix ilaxle ija chem hanpakhex ku hama wünhu.”

DANEL 2:2

ikhoma ija wünmang taile fa angkya mix lomle chixe jenu-shipabu, hinghai twonkya khünakbu, nantak lumju le changkya khünakbu pangwüi sele asox ilaxle chix hama ija wünmang chem hanpak hex taile apuafa ang tom. Chemtue hwom ngui üntoxle wanghompa tunthoma ajongpuix,

EZEKEL 16:11

Kue nang ma tu-thuakbu langle kox ilaxle likwünbu alikle kox.

ISAIA 47:13

Nange ipongpong hwon-nwot jaono kople ngokox ngaxchu zong chitüi. Nang tsingpa manpabue nguilaxle nang kho naxsün koxmi — lyettsibu hanpakma olom tole ngokyabue a, zangdingkho tokya odang-odang ahan ang thokyabue a ilaxle lyetjang foto ibu nang hama wünle ngokyabue a Chem changle hüi angkya tüipuix.

DANEL 4:14

Chixe akhongle kax apuk, ‘Ija pün dakdao ilaxle ija okangbu taodao; ija ochakbu likdao ilaxle ija oziak chiak dao. Ija püntong ang faomüibu jwonle apaodao ilaxle ija pünkangbu angkya osabu jwonle apaodao.

TSAITAX-NGAONÜI 1:10

Nang namya makhange thalix likwünbu ningle dingkux akaile ashai jukya nang kho sünmüi wüi.

WANWÜNKAX 1:9

Chemle müikya khang-ngüi-nyi hia likwün füi nang sünmüi-joma ang achangpuix ija lailaile hwom hwon-nwot makhange nang zanglom-saikha müikya ang achangüi.

ESTAR 3:1

Ifüima alüile chingo homtoxle wanghompa-e Haman le amünkya mixsün wanghom chakta alixachong ang achang. Haman a Hammedatha sasün, Agag sixli tuita changkya.

1 SAMUEL 17:25

Hwome tata füi zangwünle thüi: “Chix to hulax! Chixe tsiakle akhongkya zing apalax! Ija mixsün langtsuakkya mix ang hingho tüle chongle kox angkya wanghompa Sol-e tsaosaxdaoa; ija mixsün ang chix sacha naochasa kox angkya tamchu hwom homkhae wanghom ang süi chifa angkya kax ngaidaoa.”

HUAKE LAIPEX 24:11

Athaxpi hom to chatlax! Kue nang ang hingho-chaktwon koxüile tsaopu, ikoxle ibu hingho-chaktwon kop angkya hanpakma Jowanpae nang to abax ngüna.”

HUAKE LAIPEX 22:17

Kue nang ang hingho mongtex ma nguile koxüi ilaxle nange chem akaxpuix ija mokle faüi. Chingchalaxle nangpi ku hato nguilaxle khünak ibu to thuakzomle changfa.”

HUAKE LAIPEX 22:7

Idaile Moab nok hia Midi nok lompabue, thuakzomle chang angkya hanpakma omün koplaxle Balam hato khünakbu apao; chixe Balam hama Balak-e fakya kaxho kox.

PONGWANG LAIPEX 41:8

Ngainop ningle chix ang tüle mongzangwün, ikhoma Ijip chaxwan ma atüitüi jenu-shipa hia tsingpa-wanpabu komkaile sele asox. Chixe hwom hama chix wünmang wünle kox ikoxle owaechu ija kaxming apuale fa-ang chitho.

LAIPAO 7:11

Ifüima wanghompa-e chix khünak hing twonmixbu nyak; ibue chuwüi hwom chajik-muashem tsak-zong makhange ija lailaile mokle aho.

JEREMIA 50:35

Jowanpae thüi: “Babilon nok hato zikmüt-mangkho! Ija angkya khünaknu hato mikmüt, ija ma apünkyabu hato, ima jetüi-hwonlangkya khünakbu hatochu.

DANEL 1:4

Ibu naosünbu a osün müile tüi angkya, jetüi-hwonzaile tüi angkya, jali mwot mok ang awanle chang angkya, tütali momle awanle lax ang tho angkya, tsangtsa ma manman chemchu chitüile chang angkya, ile changkox tix hwome wanghom homkha ma mwot thothale chang ang tsuak angkya changpu. Ashpenaz-e hwom hama Babilon nok laiza anwot-anole kox angkya oli ang chang.

DANEL 1:20

Wanghompa-e tüningkya kax atüi chichangba tüningkya khosam ahüi koxlechu, ibu mixsün hwom ali zongto chemchu chichang chemthüikoxle hwom haxtok angkya jenu-shipabu pangwüi to thombün-thomtsae nüile pangnuli hwome tikle ngo.

DANEL 2:27

Danel-e lan: “Wanghompa, nang hama ija wünmang wünle fa angkya jenu-shipa hia opa-nanpa chichangba lyetpu-hanpa owachu müntüi.

DANEL 5:11

Nang wangting ma zang chasa füikya khünak tuita tüile. Hünchaxnue apünle ngopongma, ija mixsüne, owawa je-hwon füikya baozangbu ningle tuita müikya olom ahole changpu. Hünchaxnu, wanghompa Nebukadnezar-e chix a jenu-shipa hia opa-nanpa hwom pangnu lompa ang zingle thompu.

DANEL 5:15

Ibu nguakax-wangkhobu hia jenu-shipabu kue ija chakza ele fa angkya tamchu ija chem hanpak hex awanle fa ang sele anopu, ikoxle hwom opupuechu ija taile fa ang müntho.