DANEL 5:11 - OTSAO BAIBEL (BSI)

¹¹ Nang wangting ma zang chasa füikya khünak tuita tüile. Hünchaxnue apünle ngopongma, ija mixsüne, owawa je-hwon füikya baozangbu ningle tuita müikya olom ahole changpu. Hünchaxnu, wanghompa Nebukadnezar-e chix a jenu-shipa hia opa-nanpa hwom pangnu lompa ang zingle thompu.

DANEL 5:11 ပူးပေါင်းရင်းမြစ်များ

DANEL 4:18

“Nebukadnezar-e thüi: ‘Kue ngünkya wünmang a ija changpu. Ikoxle Belshazzar, athaxpi ija chem hanpakhex ngaile fahüi. Ku nguakax-wangkhobu owaechu wünle fa ang müntho, ikoxle nange wün ang thoüi, chemthüikoxle zang chasa nang ma tüile.’”

DANEL 5:14

Otsao baozangbu chasa nang ma tüile ilaxle nang a tuita jetüi-hwonlangkya mix changle le kue atat ang kople.

MIKNGÜN-OHÜN 3:9

Apalax haxshix kux ang ngokya othombu, opange changjao chichang khato hwom Jehudi nok changpu le akaxpuix, hwom nguilaxle nang chitong ma akhux ang kue tsanüi. Hwom pangnue wüi kue nang to mongkünle le awanüi.

WANGSHEMBU MWOT 12:22

“Chixe khünak ningle chichangle Zang ningle akax”, le hwom akhong.

DANEL 2:11

Wanghompa, nange atüile ngokya zangwün a huanuma tsakle, idaile khünak füi tomle chingokya baozangbue wüi chichang, ija nang kax to owaechu lan ang münthopu.”

2 SAMUEL 14:17

Alixachong, kue ku füi alüile akaxpu, nang tsaotsüte ku azangle ngo ang thoüi, chemthüikoxle wanghome tuita chisukya hia sukya nyi oba ajatle tsuak angkya. Zang kaxtaimixbu ningle changpu. Jowanpa nang Zang nang füi womle naxngokox!”

WANGSHEMBU MWOT 16:16

Nyixta kwom zangjop nui to pao pongma dahaicha ang ngokya shekosa tuita apong. She ma haxshix chasa wanglaxle, athax füichi ma chemle changüihex, ija akax ang tsuakkya zong koxle thom. Ile füichi osho apuale fakyae achakle hopupa hwom ang ngun huanuma alaple kox.

WANGSHEMBU MWOT 14:11

Pol-e ile mokkya ngünlaxle khünaknue manok Laikonia kax ma akhong: “Zangbu khünak ningle achang üntoxle kem hato nguile tüile!”

PONGWANG LAIPEX 41:38

Wanghompa-e hwom ang thüi: “Keme Jusep ningle müikya khünak, tuita Zang Chasa füikya mix chemtuechu atak toxüi münchang.”

EZEKEL 28:3

Nange Danel füi ngaxchu nang ma tsingzaile tüikoxle, nang thoto pyenle thomtsuak angkya huxsa zangwün chemchu müntüile nange ajangtüi.

DANEL 1:4

Ibu naosünbu a osün müile tüi angkya, jetüi-hwonzaile tüi angkya, jali mwot mok ang awanle chang angkya, tütali momle awanle lax ang tho angkya, tsangtsa ma manman chemchu chitüile chang angkya, ile changkox tix hwome wanghom homkha ma mwot thothale chang ang tsuak angkya changpu. Ashpenaz-e hwom hama Babilon nok laiza anwot-anole kox angkya oli ang chang.

DANEL 2:22

Zule tüikya hia huxsa zangwün ang chixe tix ngaile ahopu; zangnak fangto chem pyenle thompuix ija chixe tix awanpu, ilaxle chix jaojao zangngaie akhopkhakle ngopu.

DANEL 5:7

Jenu-shipa, opa-nanpa hia mama hinghai twon mankya khünakbu apüi angkya hanpakma owawa sele chix akhong. Chemtue hwom hommong to dongle hüipuix, wanghompa-e hwom ang thüi: “Owawae ija chakza e ang tho ilaxle ija chem hanpak hex, ija ku hama wünle fa ang thokya mix ang kue wanghom zapua nyikhik koxüi awunle koxüi, chix achuakle dingkux ma hun lik alikle koxüi, ilaxle chix a ku wangting ma apün ang, ku fang angkya azom lükya ang laxüi.”

EZEKEL 28:4

Nang ma tüile ngokya hun hia khop, ibu a nang jetüi hwonlangle hia sütman mwotman le tüikya tokhange changpule nange thütüi.

DANEL 4:5

Ikoxle ku jiple ngopongma khompua zadünkya wünmang hia mikngünohün tuita kue ngünle laxpu.

DANEL 4:6

Ija wünmang chem hanpak hexle ku hama wünle fatsuak angkya hanpakma Babilon haxtok ma tüikya manmix-tsingmixbu komle ku hato ngui angkya kue kaxtom koxpu.