DANEL 4:7 - OTSAO BAIBEL (BSI)

⁷ Ifüima jenu-shipabu, hinghai twonkyabu, opa-nanpa hwom pangwüi ku hato ngui ang tompu; ilaxle kue hwom hama ku wünmang wünle koxpu, ikoxle hwom opupuechu ku hama ija chem hanpak hex wünle fa ang chitho.

DANEL 4:7 ပူးပေါင်းရင်းမြစ်များ

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

DANEL 2:7

Hwome wanghompa kax to tamchatle lanle thüi: “Wanghompa, nange nang wünmang wünle fakoxtix kwome ija chem hanpak-hexle apuale fa ang those.”

DANEL 2:27

Danel-e lan: “Wanghompa, nang hama ija wünmang wünle fa angkya jenu-shipa hia opa-nanpa chichangba lyetpu-hanpa owachu müntüi.

DANEL 2:10

Mixpa tüichong tuitae lan: “Wanghompa, nange tsingle laxse tsukya nang mongtex ngaile apua fa angkya mix ija chaxwan thün ma jaojao owa müntüi. Tüpong tüpong tsak-zongle tüikya wanghom owaechu ma jenu-shipa hia nanpa, o-pabu ma iningkya tsaitsang-kaxtsang thom ang matom.

PONGWANG LAIPEX 41:8

Ngainop ningle chix ang tüle mongzangwün, ikhoma Ijip chaxwan ma atüitüi jenu-shipa hia tsingpa-wanpabu komkaile sele asox. Chixe hwom hama chix wünmang wünle kox ikoxle owaechu ija kaxming apuale fa-ang chitho.

PONGWANG LAIPEX 41:24

Owan chimüikya tsaxtobue owan müikya tsaxtobu jokle ngün. Kue ija wünmang jenu-shipa hia tsingpa-wanpabu pangwüi hama wünle koxpu. Ikoxle hwom opupuechu ija wünmang kaxming apuale fa ang müntho.”

DANEL 1:4

Ibu naosünbu a osün müile tüi angkya, jetüi-hwonzaile tüi angkya, jali mwot mok ang awanle chang angkya, tütali momle awanle lax ang tho angkya, tsangtsa ma manman chemchu chitüile chang angkya, ile changkox tix hwome wanghom homkha ma mwot thothale chang ang tsuak angkya changpu. Ashpenaz-e hwom hama Babilon nok laiza anwot-anole kox angkya oli ang chang.

DANEL 3:8

Babilon nok ibubue wüi Jehudi khünaknu ajao angkya oshua atak.

DANEL 4:18

“Nebukadnezar-e thüi: ‘Kue ngünkya wünmang a ija changpu. Ikoxle Belshazzar, athaxpi ija chem hanpakhex ngaile fahüi. Ku nguakax-wangkhobu owaechu wünle fa ang müntho, ikoxle nange wün ang thoüi, chemthüikoxle zang chasa nang ma tüile.’”

DANEL 5:7

Jenu-shipa, opa-nanpa hia mama hinghai twon mankya khünakbu apüi angkya hanpakma owawa sele chix akhong. Chemtue hwom hommong to dongle hüipuix, wanghompa-e hwom ang thüi: “Owawae ija chakza e ang tho ilaxle ija chem hanpak hex, ija ku hama wünle fa ang thokya mix ang kue wanghom zapua nyikhik koxüi awunle koxüi, chix achuakle dingkux ma hun lik alikle koxüi, ilaxle chix a ku wangting ma apün ang, ku fang angkya azom lükya ang laxüi.”

DANEL 5:8

Nguakax wangkhobu thochito hüi, ikoxle hwomkha angkya owaechu ija zale tüikya e ang chitho chichangba ija chem hanpak hexle wünle fa ang chitho.

MÜNCHUAK-TSAI 37:35

Hanpak tuita ma, chichang-chizangkya khünak tuita owa zadünkya mix changkya hex, kue chix tsingle ngokya; chix a pangnu to akaile Lebanon haxnu angkya sedar pünnulailaile tüikya.

EZEKEL 31:3

Nang a Lebanon angkya sedar pünnu tuita lailaile, Tüle osün müile, omua müikya pünkangbue awangle, Zangfwom to thule ojang tüle lole.