DANEL 4:34 - OTSAO BAIBEL (BSI)

³⁴ Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.

DANEL 4:34 ပူးပေါင်းရင်းမြစ်များ

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

DANEL 12:7

Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

MÜNCHUAK-TSAI 145:13

Nange apün-awangkya ma oshuk müntüi, ilaxle nang a oshuk chitüile chongwangpa changle. Jowanpa a chix kaxtsaobu bama ojao münthai; chix mwot pangnusa wüi chixe chingcha füi mokle.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

DANEL 4:32

Nang a khünaknu tu angkya jwonle apaoüi, ilaxle faomüi füi tomle ngo ang tomüi, ilaxle zanglao anüt hanpakma nange maihupong lailaile fum tsütle saxle ngoüi. Ifüimatix nange khünaknu wangting pangwüi thakma Khüthak Zang ang tsak-zong tüile ilaxle ibu chixe chix mong atsutsu ang koxle changkya nange awanle laxüi.”

KAXHO MÜIKYA LUK 1:33

ilaxle Jakop sixli apün ang chix othuithuima chongwang le ngoüi; chix wangting münashuk toxüi!”

DANEL 5:21

Chix a khünaknu tu angkya jwonle asam, ilaxle chix tutex a müi tutex ningle achangle pao. Chix a faomüi mantsakbu füi ngo, maihu lailaile fum tsütle sax, ilaxle chix a kothofa to nyentie thuple pom. Oshukshukma chixe, zangfang angkya wangtingbu pangwüi Khüthak Zang chak ma tüile ilaxle chixe ija owa ang koxse tsupuix ija mix ang koxle le tsingle hüi.

DANEL 4:26

Ija kaxtaimixe ija püntong a hax ma dantox angkya kaxkox. Ija a nange zangfang pangwüi Zang chak fangma tüikoxngün le awankya zuma nang tamchatle wanghom ang achang ang kox angkya kax changpu.

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

DANEL 4:3

“Zang-e ku hama ahokya ohünotün a huanuma chongkya changle! Chixe mokkya ohünotün mwotbu a tüle tsak-zongkyabu changle! Zang a othuithuima wanghompa changle; chixe jento apünle ngo angkya changle.

MANGSOP 3:38

Müikya hia chimüikya tomwüile chix kaxtom ma chang ang tompu.

ISAIA 24:15

ilaxle handün chito tüikyabue chix achuaküi. Molo-Tinu ajole tüikya khünakbue Jowanpa, Israel nok Zang achuakle changüi.

MÜNCHUAK-TSAI 146:10

Jowanpa a jento chongwangpa changpu. O Zaion, nang Zang-e jento apün-awangle ngoüi. Jowanpa achuak kox.

MÜNCHUAK-TSAI 123:1

Jowanpa, kue nang to angakle hupu, nange apünle ngokya zangkangting chito a.

MÜNCHUAK-TSAI 121:1

Kue haxnubu to hu; ku to fongkya ojong tokhange hüiüi?

MÜNCHUAK-TSAI 107:31

Ojem chifünkya chix mongkün hanpakma hwome Jowanpa ang münchong fa angkya wüi changle, hwom hanpakma chixe mokdaokya ohünotün mwotbu bama a.

MÜNCHUAK-TSAI 102:24

O Zang, ku athaxwüi shong-taxpao azu khothole ngax machang tanto.

MÜNCHUAK-TSAI 92:1

O Jowanpa, nang ang münchong fa angkya chemtukux müipuix, Khüthak Zang, nang achuak-achenle ngao angkya a,

MÜNCHUAK-TSAI 10:16

Jowanpa a othuithuima wanghom jaojao. Opange mama baozangbu to shwomle tüipuix, hwom a ija chaxwan angkya max ang tomüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

JUHAN 5:26

Hopa chemle khüzün otong hex ija lailaile Hosachu wüi khüzün otong ang achangdaoa.

KAXHO MÜIKYA LUK 18:13

“Ikoxle süisai mix ochu to ajong üntoxle chixe dingchi to thün aho ang chitsu, ikhoma chixe ma khaxtok ma chietle thüi: ‘O Zang ku a ochax khünak tuita changle, ku to chingcha hüi!’

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

MÜNCHUAK-TSAI 107:22

Töbu koxkya füi hwome chix ang münchong fa angkya wüi, ilaxle mongmüi tsaibu füi chixe hwom hanpakma mokdaokyabu mo wün angkya wüi changle.

MÜNCHUAK-TSAI 107:15

Chizakkya chix mongkün khoma hwome Jowanpa ang münchong fa angkya wüi changle, chixe hwom hanpakma mokdaokya ohünotün mwotbu bama a.

MÜNCHUAK-TSAI 107:8

Tamchizakkya chix mongkün hanpakma hwome Jowanpa ang münchong fa angkya wüi changpu, chemthüikoxle chixe hwom hanpak ang ohünotün mwotbu huanuma mokdaoa.

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

MÜNCHUAK-TSAI 9:2

Nang khokhoma kwome mongmüi tungle tsai ngaoüi. Khüthak Zang, kue nang achuakle tsai ngaoüi.

MÜNCHUAK-TSAI 7:17

Chix sukya kaxfün khoma kue Jowanpa to münchong fapu; Khüthak Jowanpa achuakle kue tsai ngaopu.

JOB LAIPEX 1:21

Chixe thüi: “Ku chemchu chilax homtoxle puxpu üntoxle chemchu chilax homtoxle ziüi. Zang-e fapu ilaxle chixe wüi paopu. Chix mün wüi achuak-achen kox.!”

MIKNGÜN-OHÜN 10:6

owa othuithuima ngopuix; owae ding-hi-hax üntoxle tinu, tamchu ibu ma atüitüi, komkaile zingpuix, Ija Zang münma tsaosaxle thüi: “Athax tan ngo angkya müntüi!

MIKNGÜN-OHÜN 4:9

Üntoxle ozün ma tüikya müibue chongwang tüntong ma thungle tüikya mix, owa oshuk chitüitox le ngopuix, chix ang otuechu fuazangkya hia achuak achenkya tamchu münchong fale changüihex,

DANEL 4:2

Khüthak Zang-e ku hato ahokya abütkya hia ohünotün zangwün to apalax.

DANEL 4:36

“Chemtue ku khangka hingle hüipuix, ku wanghom münchong, achuakachenkya tamchu ku wangting fuazangle tüikya pangwüi ku ang achatle kox. Ku nguakax-wangkho hia alixachongbu pangnusae ku pwonle pongle kop, ilaxle ku ang amipongkya füi ngaxchu sütsexle ku wanghom tsak-zong hia achuak-achenkya fa.

DANEL 5:18

“Khüthak Zang-e hünchaxnu Nebukadnezar ang tüle chongkya wanghompa ang achangpu ilaxle chix ang münchong hia achuak-achenkya fapu.

DANEL 7:27

Zangfang angkya wangtingbu tsak-zong hia chuak-chongkya pangwüi Khüthak Zang khünakbu chak to koxüi. Ija chongwang wangting a tam münmax, ilaxle chaxwannu angkya apün-awangle tüikya noknusae chix thothale chix kax ma laxle ngoüi.”

JONA 1:14

Ikhoma hwome Jowanpa to nyakle akhong: “O Jowanpa, kwome zangjoppu, ija mixsün mik amütkya khoma kwom to sik taxangününfa! Ija mwot bama hünlit nang changpu chemthüikoxle ija a, O Jowanpa, nang mwot wüi changpu.”

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

2 SAMUEL 22:31

Ija Zang—chix mwot ma chemtukux thaikya chitüile supuix, chix kaxbu to chemtukux mongong tüikya li hex! Chix a di tuita thatha chix ma khangkhomnui lomkyabu pangwüi zongto a.

1 PUKAX-PANGAO 29:10

Ikhama khünaknu tunthoma Dawid-e Zang achuakle thüi: “Kwom putong Jakop Zang, nang a oshuk-okim chitüile naxachuak kox!

1 PUKAX-PANGAO 29:13

Athax, kwom Zang, kwome nang ang münchong fapu, ilaxle kwome nang fuazangkya mün achuakpu.

MÜNCHUAK-TSAI 66:7

Chixe ma janzüi füi apün-awang ilaxle onokbu thakma chix mik thom. Chix füi alünle ajong angkya mix naktüi. Selah

MÜNCHUAK-TSAI 111:7

Chixe mokkya mwotlom pangnu ma chixe chialekya mongong füi mokle; chix kaxtombu pangnusa wüi chalomlukyakya wüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

ISAIA 13:11

Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.

DANEL 9:14

O Jowanpa, kwom Zang, nang a kwom to sikangün ang achwonle ngo, ilaxle nange ile mokpu, chemthüikoxle nange chem supuix ija mokpu, ilaxle kwome nang zangwün to ojao na chitha koxpu.