DANEL 3:7 - OTSAO BAIBEL (BSI)

⁷ Ikhoma chemtue hwome ibu klingkingkong ozing atatpuix, zangfang angkya khünaknu pangnu majat mali-mali tamchu matsai makaxkax ma zangwünle tüikya noknusae, wanghompa Nebukadnezar-e zingle ajong thomkya hun chapa tunthoma akhuxle shwom.

DANEL 3:7 ပူးပေါင်းရင်းမြစ်များ

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

MIKNGÜN-OHÜN 13:14

Owang pongkya müi thüntho ma ija ang mok ang dankya khomtsik mwotbu mokle ahokya tokhange chaxwannu ma ngokya khünaknu pangwüi dyen. Changlo füi thomzün apongdao koxlechu azangle tüikya müi achuak achenle chix chapa zing angkya ija müie hwom füi akax.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MIKNGÜN-OHÜN 13:3

Ija müi ang okhang tuita a omang ang achangle thomzün apong ikoxlechu ija mak müiünkya ningle kue ngün. Omang ang achangle mak laxdaokya müikya ngünlaxle chaxwannu pangwüi abüt ilaxle ija müi füito azui.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

1 JUHAN 5:19

Chaxwannu abakle tuita haxshix fangma, keme kem a Zang kux changpu le awanpu.

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

WANGSHEMBU MWOT 14:16

Ami pongma chixe khünaknu a mae changpu le atextex chitole ang koxle hüidaoa.

DANEL 2:46

Ifüima wanghompa Nebukadnezar hax to akhuxle nguak ilaxle töbu koxle Danel to shwom angkya kax kox.

DANEL 3:4

Ipongma azaxle tsing angkya kax ile kox: “Chaxwannu manoknok, majat malili tamchu makax mangaongao ma zangwünkya onok pangnukha tokya nguile tüikya khünaknu!

DANEL 3:5

Chemtue hünzome nyazong mütkya zing, ifüima lüile mali-mali klingkingkongbu angaokya zing atale changüihex; ibu klingkingkong zing atatkya füi tomle, wanghompa Nebukadnezar zingle ajong thomkya hun chapa tunthoma noknusae akhuxle ija to shwom angkya changle.

DANEL 3:6

Owawae ija to shwomle chiakhuxkya mix jangtüi, ija khünak a okham wünnu khato sho angkya changle.”

DANEL 3:8

Babilon nok ibubue wüi Jehudi khünaknu ajao angkya oshua atak.

DANEL 3:10

Klingkingkong hongle azingkya ozing atatkya füi tomle noknusae wüi ija hun chapa tong ma akhuxle shwom angkya nang kaxtom koxpu,