DANEL 3:12 - OTSAO BAIBEL (BSI)

¹² Nange Babilon nok to humele chang angkya hanpakma okax-okho ang kamkyabu khama Judah khünak züizüi nang kaxtom kax ma chilaxkyabu: Shadrak, Meshak, hia Abednego hwom tüile. Hwome nang baozang to münshwom chichangba nange zingkya chapa tong to akhuxle münchang.”

DANEL 3:12 ပူးပေါင်းရင်းမြစ်များ

DANEL 6:13

Ifüima hwome wanghompa ang thüi: “Danel, Judah nok zanda tuita, chixe ija nang kaxtom kax ma chilaxle tele. Chixe hanpak to othom azom pongma jao zangjople.”

DANEL 2:49

Danel-e tsaiju-kaxjule changkya ningle, Shadrak, Meshak, hia Abednego hwom chuwüi Babilon haxsüt ma okax-okhobu ang achang; Danel a wanghom khwa ma ngo.

WANGSHEMBU MWOT 17:7

Jason-e hwom hom ma thomle. Jisu Khrista le amünkya mama wanghom tamtüile le wünkya tokhange hwome Roman wanghom wanlombu ama ngole.”

WANWÜNKAX 27:4

Mongtsik a mong shix-makya tamchu thama adünkya changpu, ikoxlechu osing-nüfux zongto ija chemchu münchang.

WANGSHEMBU MWOT 5:28

Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”

HWON-NWOT-JAONO 4:4

Büthüikoxle khünaknue tata man ma lüi ang azongle mokpuix, ija kue tsing: ija a hwome ma tomzi ma tüikya tuina to osingkya khoma changle. Ikoxlechu ija ma laxli chemchu chitüi. Ija a tuita zangwin achuakle zikngokya thatha ang changpu.

ESTAR 3:8

Ikhoma Haman-e wanghompa füi akax: “Nang chaxwan zangfang angkya wangtsak ting pangnu khato chiakle tuita jat-li tüile. Hwome mix füi ajüikya wanlombu twonle. Tamtai lechu hwome kem chaxwan angkya wanlombu kax ma münlax, ikhoma ibu ngo ang tomkya ma nang ang olüi chemchu müntüi.

DANEL 1:7

Ikhama nguakax-wangkho hwom khama akhokya mixsüne hwom ang mün mamale ile kox: Belshazzar, Shadrak, Meshak, ilaxle Abednego.

DANEL 2:48

Ifüima chixe Danel a tuita alixachong ang achang, chix ang hingho-chaktwon thanu-juapabu huanuma kox, Babilon haxsüt ma tuita hopunu ningle achang, ilaxle wanghom khwa ma tüikya okax-okhobu pangnu thakma akhokya ang chix achang.

DANEL 3:11

ilaxle ija tong to akhuxle chishwomkya khünak owawa jangtüi, chix a okham wünnu khato sho angkya hex-ole kax tsuakpu.

DANEL 3:16

Shadrak, Meshak hia Abednego hwome lan: “Wanghompa, kwome kwom kho awa ang mün azongzi.

DANEL 3:29

“Ikoxle athax kue kaxtom koxpu, athax makhange mixhuak, onok, jat-li tamchu makax mangaongao ma zangwünkya khünak owawae Shadrak, Meshak hia Abednego hwom Zang adix-adale zangwünkya kha jangtüi, ija khünak a cha tex chak hüt le awütüi, ilaxle hwom homkha a omüt tamting ang achangle toxüi. Chix ningle ipong chongkya okham wünnu kha tokya khünak khosün tho angkya mama baozang owachu müntüi.”

DANEL 3:30

Ilaxle Shadrak, Meshak hia Abednego hwom a wanghompa-e Babilon haxtok ma nguakax-wangkho chifün to adün.

DANEL 6:14

Chemtue wanghompa-e ija kax atatpuix, chix ang tüle mongma ilaxle tsuakkya tukuxle Danel khose angkya olom lom. Chixe olom atak angchale lomle han ahomle tan.