DANEL 3:1 - OTSAO BAIBEL (BSI)

¹ Wanghompa Nebukadnezar-e hun makhange chapa chongkya tuita zingle alai. Ija chapa fit ma pulibün tsuale, ilaxle okhao ma fit aku khaole tüikya. Chixe ija chapa, Babilon haxsüt angkya Dura haxsha ma küile ajong.

DANEL 3:1 ပူးပေါင်းရင်းမြစ်များ

HABAKUK 2:19

Hünzom a maxdaoa! Hünzome pünfunsa füi akax: “Zolax!” chichangba longdwon tuita ang thüi: “Ajonglax!” Chapa tuitae nang ang tütali ngaile aho tho angchami? Ija to hun hia khop füi chwople chu tüingokoxlax, ikoxlechu ija ma khüzün müntüi.

JEREMIA 16:20

Khünaknue ma baozangbu alüile zingle lax ang tsuak ang chami? Müntsuak! Hwome zingle jangchang thünchu ibu a baozangbu tsingtsing münchangüi.”

ISAIA 46:6

Khünaknu ma nyitsong dong ilaxle hunbu thok; khopjanbu hwome tuak ma thüt. Baozang zingle alai angkya hanpakma hwome hun jao mix apüi; ifüima hwome ija tong to puile akhuxle shwom!

HOSIA 8:4

“Ku khünaknue wanghombu kamle, ikoxle ija hwome hwom mongtextex ma mokle. Hwome lompabu zünle, ikoxlechu ku ma chitik toxle mokle. Hwome hwom ma tüikya khop-jan hia hun, ibu füi chapabu zingle: ija a hwom mik max angkya hanpakma changpu.

WANGSHEMBU MWOT 19:26

Ija mixsün Pol-e chem mokpuix, hünzome ma hanpakma ngünle lax üntoxle atat apa ang tsuaküi. Khünake zingkyabu zang ang zang münchangle chixe thüile, ilaxle ija Efisia machu anaole Asia haxtok pangnu khato wüi, chixe khünaknu huanuma anom-anaile koptsuak daoa.

WANGSHEMBU MWOT 17:29

Kem pangwüi Zangsu Zangsabu daile, keme chixsün-chixjo a zingpabue zingkya hun, jan chichangba long ningle tüile le chitexüi.

ISAIA 2:20

Chemtue ija nyix nguile hüiüihex, hwome khop hia hunbu füi, mae alüile zingle thomkya chapabu tswonle awütüi, ilaxle ibu a thufa hia opak-pakpebu ang danle toxüi.

MÜNCHUAK-TSAI 135:15

Chaxwannu jat-libu baozangbu a hun hia khop füi zingkyabu changle; ibu a khünak chak füi zingkyabu changle.

1 WANGHOMBU 12:28

Chixe Ibibile ajangle tsuakkya füima, chixe hun makhange maihupongsa anyi zing ilaxle chix khünaknu ang thüi: “Hünzom a zangshwom ang Jerusalem to müimamale tsailo to ka ngole. Israel khünaknu, Ijip nok tokya hünzom alaile apüikya baozangbu ikhama tüile, hulax!”

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

DANEL 2:48

Ifüima chixe Danel a tuita alixachong ang achang, chix ang hingho-chaktwon thanu-juapabu huanuma kox, Babilon haxsüt ma tuita hopunu ningle achang, ilaxle wanghom khwa ma tüikya okax-okhobu pangnu thakma akhokya ang chix achang.

JEREMIA 10:9

Hwom chapabu to a Spain tokya khop füi chwoplaxle tüile tamchu Ufaz tokya hun füi chwople tüile, chakzing mwotbu pangwüi; hwom a nyinan hia nyikhike awunlaxle tüile nyitak mankyabue takkya nyibu füi a.

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

TSAITONG-KAXTONG 7:25

Hwom chapabu zokle ashundao. Hwom ma tüikya hun hia khopbu to osingkya taxtüi, ilaxle ibu hünzome makux ang taxlax. Hünzome ile jangmok ija a hünzom zongto tuita thama ang changüi, chemthüikoxle Jowanpae chapa to shwomkya thua anule.

LAIPAO 32:31

Ifüima Mosa Jowanpa hato chat ilaxle thüi: “Ibu khünaknue wünkox chimüikya ochax lyendaoa. Hun makhange baozang zinglaxle hwome ija to shwomle changdaoa.

LAIPAO 20:23

Hünzome shwom angkya hanpakma ku boma, hun hia khopbu makhange baozangbu zingle taxchang.

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

DANEL 3:30

Ilaxle Shadrak, Meshak hia Abednego hwom a wanghompa-e Babilon haxtok ma nguakax-wangkho chifün to adün.

ESTAR 1:1

Parsia chaxwan angkya pongwün-tingnu Susa ma tüikya chix tüntong makhange Wanghompa Sarkses-e haxtok 127 apün. Chix wangting a India makhange Sudan alople tüikya.

DANEL 3:14

Chixe hwom ang thüi: “Shadrak, Meshak üntoxle Abednego, hünzome ku baozang to münshwomhex ilaxle kue zingle ajong thomkya hun chapa tong to münakhux hexle wünkya kax otsing chang koxcha?

DANEL 5:4

ilaxle hwome hun, khop, janjong hia jan, pün ilaxle long, ibu füi zingkya baozangbu to hwome shwom.

HOSIA 2:8

She-e she ang saxziak, grepti-ju, olip münga, ilaxle she-e Bal baozang to shwom ang twonkya khop-jan hia hun, ibu pangwüi kue koxpule otuechu chiawan.

DANEL 2:49

Danel-e tsaiju-kaxjule changkya ningle, Shadrak, Meshak, hia Abednego hwom chuwüi Babilon haxsüt ma okax-okhobu ang achang; Danel a wanghom khwa ma ngo.