DANEL 2:47 - OTSAO BAIBEL (BSI)

⁴⁷ Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

DANEL 2:47 ပူးပေါင်းရင်းမြစ်များ

DANEL 2:28

Ikoxlechu zangkangting to Zang tuita tüile. Chixe ija huxsa zangwünbu ngaile aho ang tsuakle. Wanghompa, ija a chixe nang hato athax füichi ma chemle chang angkya hex ija ngaile ahole ngokya changpu. Athax kue ija nang wünmang apuale fafang, nange jiple ngopongma ngünkya nang wünmang a.

DANEL 2:22

Zule tüikya hia huxsa zangwün ang chixe tix ngaile ahopu; zangnak fangto chem pyenle thompuix ija chixe tix awanpu, ilaxle chix jaojao zangngaie akhopkhakle ngopu.

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 TIMOTHI 6:15

Chix ngai angkya, ilaxle apün-awangkya, Zang chixe chaxwan zanghan thütkhak le changpong khae apüile faüi.

DANEL 2:37

Wanghompa, nang a pangnu thakma achongkya chongwangpa changpu. Zangkangting tokya Zang-e nang a chongwangpa ang achangpu ilaxle chixe nang a tsak-zong, otsuak-oman, ilaxle münchong pangwüi koxpu.

MÜNCHUAK-TSAI 136:2

Zangbu pangnu thakma akhokya Zang ang münchong fakox; chix mongkün ma oshuk müntüi.

MÜNCHUAK-TSAI 82:1

Zang-e zangkangting katzua lax ang ahyen; ikhato nguawangbu tusox ma chixe chix mongtex ngai:

MÜNCHUAK-TSAI 72:11

Wanghombu pangnusae chix chitong ma akhuxle changüi; pangnu jat-lie chix thothale changüi.

PONGWANG LAIPEX 41:39

Wanghompa-e Jusep ang thüi: “Zang-e nang hama ibibile ahole fa füima chatle nang lailaikya jetüi-hwonlangkya mix owa tamtüiüi.

DANEL 4:32

Nang a khünaknu tu angkya jwonle apaoüi, ilaxle faomüi füi tomle ngo ang tomüi, ilaxle zanglao anüt hanpakma nange maihupong lailaile fum tsütle saxle ngoüi. Ifüimatix nange khünaknu wangting pangwüi thakma Khüthak Zang ang tsak-zong tüile ilaxle ibu chixe chix mong atsutsu ang koxle changkya nange awanle laxüi.”

DANEL 4:17

Ija a mik-hing-naka le tüikya kaxtaimixbu mongtex changle. Ifüimatix, pangnukha tokya khünaknue Khüthak Zang ma khünaknu wangtingbu thakma tsak-zong tüile ilaxle chixe owa zünle koppuix ija khünak ang: thüikoxle ema chilaxle tüikya mix ang ngaxchu koxtsuak angkya chix ma tsak-zong tüile awanle naxkop.’

DANEL 2:19

Ifüima ija jaja wüi mikngün-ohün ma Danel hato ija huxsa wünmang ngaile apuale kox, ikhoma hwome zangkangting tokya Zang mün achuakle thüi:

JOB LAIPEX 12:19

Chixe zompu-zangpabu hia tsak-zong tüikyabu puinai ang tomle.

JIHUSUA 22:22

“Pangnu to lütkya a Zang tix changpu! Chix a Jowanpa changpu! Pangnu to lütkya a Zang! Chix a Jowanpa changpu! Kwome büthüikoxle mokpuix chixe awan ngopu, ilaxle kwomchi tokhange hünzomechu awanle kopkoxle müiüile texpu! Kwome chix to mongong chithomle chix zan to kale jangchang thüiningle, kwom jaojao ngo ang taxtom!

DANEL 4:25

Nang a khünaknu tukha tokya jwonle apaoüi ilaxle faomüibu khato ngo ang tomüi. Zanglao anüt hanpakma maihupong lailaile nang fum tsütle saxüi ilaxle kothofa to jipüi, ikhato nang ding to nyenti dütle changüi. Ifüima khünaknu wangting pangwüi Khüthak Zang chaktom ma tüikox-ngün-a ilaxle ija chixe chix mong atsutsu ang kox ang tho angkya chang koxngünle nange awanle laxüi.

1 KORIN 14:25

chix huxsa mongjang ko to angaiüi, ilaxle “Otsing tomtata ma hünzom khama ikhama Zang tüile”, le angaile chix akhuxlaxle Zang to shwomüi.

MÜNCHUAK-TSAI 136:3

Opupabu thak angkya Jowanpa ang münchong fakox; chix mongkün ma oshuk müntüi.

EZEKEL 26:7

Jowanpa Khüthak Zang-e thüi: “Kue pangnu thakma achongkya wanghom: Babilon nok wanghompa Nebukadnezar: hünzom tingtak ang apüiüi. Shuakuxchi tokhange, hax ma azankya, mankho makhange azankya hia man-kanlinkho tokhange azankya süpahibu huanuma koplaxle nguiüi.

DANEL 2:29

“Wanghompa, nang jiple ngopongma, nange füichi chaxwan zanghan hanpakma wünmang ngünle; ilaxle Zang, owae huxsa zangwün komle angai ang thopuix, chixe nang hama chempangle changüihex ija ahokya changpu.

DANEL 2:30

Athax, ija huxsa zangwün a ku hama ngaile ahodaoa, ku a mamabu pangnusa füi ataxle tsaokya khünak tuita changkya khomale münchang, ikoxle wanghompa nange nang wünmang chem hanpak hex ija tsingle naxkoplax ang ilaxlechu nang hato hüile ngokya tunu-wansa tikle naxkoplax angle changpu.

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

DANEL 3:29

“Ikoxle athax kue kaxtom koxpu, athax makhange mixhuak, onok, jat-li tamchu makax mangaongao ma zangwünkya khünak owawae Shadrak, Meshak hia Abednego hwom Zang adix-adale zangwünkya kha jangtüi, ija khünak a cha tex chak hüt le awütüi, ilaxle hwom homkha a omüt tamting ang achangle toxüi. Chix ningle ipong chongkya okham wünnu kha tokya khünak khosün tho angkya mama baozang owachu müntüi.”

DANEL 5:11

Nang wangting ma zang chasa füikya khünak tuita tüile. Hünchaxnue apünle ngopongma, ija mixsüne, owawa je-hwon füikya baozangbu ningle tuita müikya olom ahole changpu. Hünchaxnu, wanghompa Nebukadnezar-e chix a jenu-shipa hia opa-nanpa hwom pangnu lompa ang zingle thompu.

2 WANGHOMBU 5:15

Chixe ma khünakbu füi Elisha hato chat üntoxle thüi: “Athax kue mama baozangbu wüi achongkya münchang ikoxle Israel nok Zang wüi achongkya changpule awan ang kopdaoa; idaile alixachong, chingchajaja laxle nange pi ija ku hinghobu pongle shongkop-hüi.”

MÜNCHUAK-TSAI 96:4

Jowanpa a chongkya changle üntoxle chix a achuakle nwon angkya wüi changle; baozangbu pangnu thak to chix chathua za angkya wüi changpu.