DANEL 2:23 - OTSAO BAIBEL (BSI)

²³ Kue nang to shwompu ilaxle nang achuakpu, nang kwom pupa hwom Zang. Je-hwon hia tsak-zong ku ang nange koxpu; ku zangjop to nange lanpu ilaxle wanghompa hama chem akax angkya hex ija kwom hama nange aho fapu.”

DANEL 2:23 ပူးပေါင်းရင်းမြစ်များ

DANEL 2:18

Hwome chuwüi Babilon nok angkya mama nguak-wangkhobu füi tomle mik max angkya chiatak angkya hanpakma ija wünmang hia ija hanpak taile fatsuak angkya bama huxsa zangwün awan ang tho angkya bama apuale fa angkya bama zangkangting tokya Zang to zangjop angkya kax chixe hozui hwom füi akax.

LAIPAO 3:15

Zang-e chatle chu Mosa ang thüi: “Nange Israel khünaknu ang ile thüikox, ‘Hünpu-hünpa Abraham, Isak hia Jakop hwom Jowanpae tsanle akatpu’, ija a jento ku mün, ilaxle tsüntsün to ija a ku homjen changpu.

KAXHO MÜIKYA LUK 10:21

Iponge Jisu Otsao Chasa makhange mongmüi e awang, ilaxle chixe thüi: “O Apa! Ding-hi-hax Jowanpa! Hwontüi-jezaikyabu miksho ma nange pyenle thomkyabu chitsing-chiwan pomthoma ngaile aho koxkoxle kue nang mün achuakpu; changpu, Apa! Ile chang angkya nang mongtex changpu!

MATHI 11:25

Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

DANEL 1:17

Ibu mixsün ali ang Zang-e man-ngünkya hia tsing-wankya fa. Ito bole chixe Danel ang mikngün-ohün hia wünmangbu tai ang awan angkya jetax-hwonnüi kox.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

MIKNGÜN-OHÜN 5:5

Ipongma tüichong mixmüi tuitae ku ang thüi: “Taxsop, hulax! Juda homjen angkya mailang tuita, owa Dawid sixli akhokya changpuix, chixe zan to anao daoa, ilaxle chixe shin anüt topkyabu dalaxle ija laitün sha ang thoüi.”

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.

HWON-NWOT-JAONO 9:18

Chang-pax füi ngaxchu müikya mwot je-hwon-e wüi sümokle, ikoxle ochax khünak tuitae müikya mwotbu huanuma achat ang tsuakle.

HWON-NWOT-JAONO 7:19

Khünak tuita hanpakma je-hwon-e, wanghom tuitae tingnu tuita hanpakma mokle tsuakse tsuakle faüi.

WANWÜNKAX 24:5

Jetüi-hwonlangkya a tsak-zong füichu sümüi; changle, tsak-zong füi je-hwon wüi achongkya changpu.

WANWÜNKAX 21:22

Jetüi-hwonlangkya süpahi lompa tuitae mixtsak naomüibu füi ziakople homkya tingnu tingtak laxle tamchu hwome mongong-chachongle tüikya pan daplaxle lax ang tsuak.

WANWÜNKAX 8:14

Kue mwottho zingpu ilaxle ibu mokle paopu. Ku ma awan-atsingkya tüipu, ilaxle ku a tsak-zongle tüile.

2 PUKAX-PANGAO 20:6

Chixe akhongle zangjople thüi: “O Jowanpa, kwom pupa hwom Zang, zangkho wangting tokhange nange zangfang angkya onok pangwüi thakma apünle ngopu. Nang a tsak-zong tamchu zaxzangle tüikya mix, ilaxle owaechu nang füi alünle chang ang chitho.

1 PUKAX-PANGAO 29:13

Athax, kwom Zang, kwome nang ang münchong fapu, ilaxle kwome nang fuazangkya mün achuakpu.

1 PUKAX-PANGAO 29:10

Ikhama khünaknu tunthoma Dawid-e Zang achuakle thüi: “Kwom putong Jakop Zang, nang a oshuk-okim chitüile naxachuak kox!

1 WANGHOMBU 18:36

Tsomfüi tö koxtu wama ajepa Elija tö-tsap hato hüi ilaxle zangjop: “O Jowanpa, Abraham Zang, Isak Zang, Jakop Zang! Athaxpi nang a Israel nok Zang changpu ilaxle ku a nang dapa changpu tamchu ibu mwot pangwüi kaxtom ma mokle hüikya changpule angaikox.

1 WANGHOMBU 8:57

Jowanpa kem Zang kem füi naxngo, ami kempu kempa hwom füi ngole hüidaokya lailaile a; chixe kem danle taxtox chichangba awütle taxtox;

PONGWANG LAIPEX 18:17

Jowanpae chix mongto alüile akaxle thüi: “Kue chem mok angkya hex, ija kue Abraham thoto khomle chithomle ngaile kox angkya changle.

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.

HWON-NWOT-JAONO 9:16

Kue jento akax ngopu je-hwon a janzüi füichu sümüikya changpule, ikoxle owae tuimix-nuakmix bama hwom ma je tüile ngoünpuixle owaechu ajangle chingo chichangba hwom zangwün to owaechu na chitha.

PONGWANG LAIPEX 31:42

Ku apa Abraham hia Isak hwome Zang ku füi chitüi thüikoxba, nange ku chemtue wüi chak-hua ma apaodaose wüi changtüi. Ikoxle Zang-e ku sikngün hia ku mwot ngünlelax ilaxle müja chixe chix kaxfün nang hato angaile fapu.”

MÜNCHUAK-TSAI 21:2

Chix mongto thütkya nange chix ang koxpu; chixe ju-lomkyabu to nange lanpu. Selah

MÜNCHUAK-TSAI 21:4

Chixe khüzün jupu, ija nange koxpu, tüle tsünlo zaknuikya khüzün a.

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.