DANEL 2:11 - OTSAO BAIBEL (BSI)

¹¹ Wanghompa, nange atüile ngokya zangwün a huanuma tsakle, idaile khünak füi tomle chingokya baozangbue wüi chichang, ija nang kax to owaechu lan ang münthopu.”

DANEL 2:11 ပူးပေါင်းရင်းမြစ်များ

DANEL 5:11

Nang wangting ma zang chasa füikya khünak tuita tüile. Hünchaxnue apünle ngopongma, ija mixsüne, owawa je-hwon füikya baozangbu ningle tuita müikya olom ahole changpu. Hünchaxnu, wanghompa Nebukadnezar-e chix a jenu-shipa hia opa-nanpa hwom pangnu lompa ang zingle thompu.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

JUHAN 14:17

Chix a Zang otsingtsing bama ngaile aho angkya Chasa changle. Chix a chaxwannue pongle kop ang tho angkya oli münchang; chemthüikoxle chaxwannue chix münngün tamchu ojao münawan. Ikoxle hünzome chix awanpu, chemthüikoxle chix a hünzom füi ngole tamchu hünzom ma ngole.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

MATHI 19:26

Tangtho le hulaxle Jisu-e hwom ang thüi: “Khünak zong to ija a tsuak angkya oli münchang ikoxlechu Zang zong to tsuak angkya oli changle.”

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

LAIPAO 29:45

Ku Israel khünaknu füi tomle ngoüi, ilaxle ku hwom Zang ang ngoüi.

PONGWANG LAIPEX 41:39

Wanghompa-e Jusep ang thüi: “Zang-e nang hama ibibile ahole fa füima chatle nang lailaikya jetüi-hwonlangkya mix owa tamtüiüi.

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

ISAIA 8:18

Ikhama ku Jowanpae ku ang koxkya naosom hwom füi tüile. Jowanpa Khüthak Zang owa ngwotnui Zaion Haxnu ma tüipuix, chixe kwom a khüzün kaxho tuita ang ahüikya changle.

MÜNCHUAK-TSAI 132:14

“Ijongkha a othuithuima ku ngwotnui changle; imakhange apün-awangle chang angkya ku ang mongtsule.

MÜNCHUAK-TSAI 68:18

Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

2 PUKAX-PANGAO 6:18

“Ikoxle, O Zang, nang a chaxwannu ma sheko hia lüka tham to ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

1 WANGHOMBU 8:27

“Ikoxle, O Zang, nang a chaxwannu ma ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

HUAKE LAIPEX 35:34

Hünzom ngole nuikya haxtok chitsaokya ang taxachang, chemthüikoxle Jowanpa, ku a Israel khünakbu füi tomle ngole.”

LAIPAO 8:19

Hing twonmixbue wanghompa ang thüi: “Ija a Zang mwot wüi changle!” Ikoxlechu Jowanpae akax daokya ningle wanghom ang mongtsak ilaxle Mosa hia Arun nyi kax to ojao na chitha.

PONGWANG LAIPEX 41:8

Ngainop ningle chix ang tüle mongzangwün, ikhoma Ijip chaxwan ma atüitüi jenu-shipa hia tsingpa-wanpabu komkaile sele asox. Chixe hwom hama chix wünmang wünle kox ikoxle owaechu ija kaxming apuale fa-ang chitho.

ISAIA 47:12

Nang chajik-muashem mwot pangwüi dantox dao; nange ibu nang naosom pong tokhange wüi twonle hüipu. Ibue nang to hidaole fongkya ningle changdao koxlax; changle nange nang zanpabu chabüt-lasün ang thole changdao koxlax.

DANEL 4:4

“Ku a ku wanghom homlo nazak müile huanuma tüi-nangkyabu füi mongzom müile ngopu.