DANEL 12:3 - OTSAO BAIBEL (BSI)

³ Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

DANEL 12:3 ပူးပေါင်းရင်းမြစ်များ

MATHI 13:43

Ijama otsaobue ma Hopa Wangting to zanghan ningle nyanüi. Na zaikya mixe atatle koplax!

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

DANEL 11:33

Jetüi-hwonzaikya lompabue hwom je-hwon khünakbu füi tomhanle changüi. Ikoxlechu onox ma hwom züizüi a zanhok ma langüi, ilaxle züizüi angkya tuina tsui paoüi ilaxle zandabu ang achangüi.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

WANWÜNKAX 11:30

Otsaoe khüzün fale, changnong-pünthomle tüikyae ija paole.

IBRI 5:12

Hünzom nwotmixbu ang achang ang hanpak zanghan okhongui le tüihukya dai: ikoxlechu hünzom hama pongwang pongkya Zang Kaxho bama owawae apua anole fa angkya a laxli ang achangle tüile. Sützan saxhaxkux tsyen to, athaxchu hünzome tsomti ling angkya laipu.

JUHAN 5:35

Juhan a chuale tamchu nyanle ngokya wüntik ningle changkya ilaxle onox ma hünzomechu chix zangngai to mongmüise le tsuakya.

JUHAN 4:36

Owae zütle ngopuix chixe omün kopdaoa, ilaxle oshuk chitüikya tsün hanpakma oli afoxle ngole; Idaile saikya mix hia zütkya mix tomle mongmüi angkya changle.

1 KORIN 3:10

Zange ku ang fakya hingho twonlaxle, homzing manpa mwot kue mok ilaxle hom tale toxdaoa, ilaxle mama mixe ija ma zingle ngole. Ikoxlechu pangnunue wüi mae chemle zinglaxpuix, ija bama khünkhi angkya changle,

JEREMIA 23:22

Hwome ku huxsa tuthüt awanle chang koxba, hwome ku khünaknu hato ku kaxho apukse ilaxle ngole hüikya ochax zanglom hia ochax mwottho hwome danle toxdaose.

MIKNGÜN-OHÜN 1:20

Nange ngünkya lyettsi anüt hia hun wüntik dannui anüt pyenle tüikya ija hanpak changle; lyettsibu anüt a müimüithom anüt kaxtaimixbu changle üntoxle wüntik dannui anüt a müimüithom anüt hanpak changle.

2 PITAR 3:15

Ilaxle kem Jowanpa-e okuilo le adukya a khosün changpu le elax; ilailaile kem mongkün Pol-echu chix ang Zange fakya je-hwon füi hünzom hato zapu.

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

MATHI 24:45

“Jangchangba mongong hia hwon-je füi tüikya da owa? Opunue mama dabu ang otu thütle süt fa angkya mwot koxle thomkya da a chix changpu.

MATHI 19:28

Jisu-e lan: “Kue ija hünzom ang thüipu: Ongai Khünak Hosa Tsün Hozün ma, chix fuazangkya tüntong ma thungüi hex, Israel homjen bün anyi kaxfün ang hünzom ku wangshembu bün anyichu wüi ma tüntongtong ma thung angkya changle.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

WANWÜNKAX 3:35

Jetüi-hwonlangkya khünakbue achuak-achenkya kopüi, ikoxle ongatbue hwom künmax-mongshankya to janbo langüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

DANEL 12:10

Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

LAIPAO 34:35

Ipongma chuwüi hwome chix thün tüle nyanle ngün. Ikhoma Jowanpa hato zangwün ang tamchatle mapaokya kople chixe nyi füi ma thün to khungle thom.

KAXFÜNPA-HWOM 5:31

Idaile nang zanpabu a ilele wüi naxziün, O Jowanpa, ikoxlechu nang zuikhuibu a dongüi senuja ningle naxnyan! Ifüima chaxwan tok ma zanglao 40 tumüi-lomkhaole ngo.

HWON-NWOT-JAONO 12:9

Ikoxlechu manpa a tüle jetüi mix changkya khoma, khünaknu hama chixe awankya pangnusa anwot-anole ngo. Chixe wanwün-kaxbu to otua lomle ano ilaxle ibu otsingtsing füi wanle ano.